Driesestig

Chrischene Julius vertel vir Martelize Brink van SALON AFRIQUE - A HOMECOMING REIMAGINED by die Distrik Ses Museum. Dit is ‘n kunsversameling met die doel om ‘n plek van dialoog te skep in ‘n tyd waar Suid-Afrika sukkel om Afrikane hier te laat tuisvoel.

Sebastine Pepler vertel vir Johan Rademan van haar natuurlike skoonheidsprodukte.

Toe sy rugwerwels ses jaar gelede verbrokkel en hy in 'n rolstoel beland het, het Max Kulati van Kariega besluit sak en as is nie vir hom nie. Hy begin toe met kragoptel. Na vele seges in dié sport, het hy besluit om oor te slaan na liggaamsbou, en toe ryg hy weer die titels in. Nou gaan hy Suid-Afrika verteenwoordig in die Internasionale Liggaamsboufederasie se Wêreldkampioenskap in Slowenië. Voo...

De Wet van Rooyen en Linsen Loots vertel vir Johan Rademan van hulle kortfilm, Dissonant, wat beïndruk het by die Cannes-filmfees.

Raino Bolz vertel vir Johan Rademan van fietsryroetes wat ontwikkel word om toerisme 'n hupstoot te gee.

Die handwerkgroepie by Suzie se koffiewinkel in Kuilsrivier maak die mooiste goed. Daar is iets van alles - mussies, kersboomversierings, komberse en truie. Daar is ook altyd iets lekker by hierdie byeenkomste, soos die heerlike koesisters op die dag toe Haidee Muller-Isaacs daar gaan kuier het. Die groep vroue vertel vir haar hoe hulle mekaar se stories van lief en leed leer ken, en sodoende meka...

Marunzo Thomas vertel vir Johan Rademan van sy akteursloopbaan en die toneelstuk, Vloeibare Moed, waarin hy te sien is. Die produksie is geïnspireer deur die gebeure ná die grusame dood van Uyinene Mrwetyana.

Sanger, liedjieskrywer en sielkundige Hanru Niemand kuier by Johan Rademan en Martelize Brink met sy stories en musiek.

Heuningbostee word gemaak van verskeie inheemse fynbosstruike wat in die Wes- en Oos-Kaap voorkom. Dit is klein struike met heldergeel blomme en klein langwerpige of ovaal blaartjies. Tee van ‘n volwasse plant is die geurigste. Dit is al klinies bewys dat heuningbos uniek is vir sy gesondheidswaarde.

Hy het in meer as 30 lande in Afrika gewerk, en bevind hom tans in Doha in Katar waar hy ‘n groot internasionale lugredery se visepresident: kommersieel vir Afrika is. Johan Rademan het Hendrik du Preez van Pretoria in Katar ontmoet.

Kunstenaar Tanja Lategan vertel vir Martelize Brink hoe sy kuns as helende metode gebruik.

Kobie Abrie gesels op Wêreld Pleegsorgdag oor die stand van aanneming in Suid-Afrika.

Haidee Muller-Isaacs gesels met Melisha Maarman oor die groot harte van ‘n groep Suid-Afrikaners wat in Texas woon. Melisha was onlangs saam met 'n groep plaaslike jong sokkerspelers in Amerika, waar hulle aan die Dallas Cup deelgeneem het. Wat sy daar in Texas van haar eie land se mense beleef het, lê haar steeds na aan die hart. Sy vertel vir Haidee van hierdie ervaring daar doer in die verte.

Gerhard Swart vertel vir Martelize Brink hoe jy weet wanneer ‘n kuberkraker jou gekraak het.

Eben Olderwagen vertel vir Martelize Brink van sewe skaars kwaggas wat ‘n nuwe tuiste by Vergelegen gevind het.

Potspel word geassosieer met tavernas en kroeë, maar in Rosedale op Kariega is die egpaar Koos en Shereen Witbooi besig om te bewys dit leer jong kinders dissipline en maak van hulle beter leerders. Boonop hou dit hulle uit die strate en uit die moeilikheid. Mariska Spoormaker het meer gaan uitvind.

Elmari Murphy praat in Kinderbeskermingsweek oor die belangrikheid daarvan om hoop te skep.

Martelize Brink het op 'n onlangse besoek aan Groot Brakrivier met mense gesels wat weggooigoed nuwe gee as bruikbare produkte en kunswerke, soos 'n olifant wat uit skroot gemaak is en 1 000 kg weeg!

Jou tuin mag soos ‘n lushof lyk, maar weet jy of daar enige uitheemse of indringerplante is? Indringerplante is veral 'n onding omdat dit so maklik versprei en biodiversiteit kan vernietig. Tuiniers behoort die verantwoordelikheid te neem om vas te stel wat is inheems, uitheems en indringer in hulle tuine. ‘n Baaise natuurgids en plantkundige, Graeme Pienaar, help tuiniers hiermee. Mariska Spoorma...

Martelize Brink en Johan Rademan gesels met Henning van Aswegen, skrywer van die boek, Spioenmeesters, oor die 18 gevallestudies wat hy oor die wêreld van Suid-Afrika se spioene saamgevat het.

Haidee Muller-Isaacs kuier in verpleegster Lenore Combrink se kombuis vol liefde. Lenore vertel vir haar van makataan-mosbolletjies, vye inlê en haar passie vir die gemeenskap.

Uit die meer as twee-en-‘n-halfmiljoen inwoners van Katar is slegs 300 000 Kataarse burgers. Naas Rusland het dié land die tweede grootste gasveld ter wêreld. Dié skiereiland in die Persiese Golf is net 160 km lank en 80 km breed, maar dit is een van die rykste lande in die wêreld. Sokkeraanhangers weet dat die FIFA Wêreldbekersokker-eindtoernooi later vanjaar daar plaasvind. Johan Rademan het tyd...

Fransjohan Pretorius, emeritusprofessor in geskiedenis aan die Universiteit van Pretoria, gesels oor sy loopbaan in en passie vir geskiedenis wat reeds op laerskool begin het.

Terwyl almal asem ophou en hoop vir reën om die Baai van ‘n waterlose toestand te red, wonder mense wat die ekonomiese impak van die waterkrisis sal wees, nie net in die teenwoordige tyd nie, maar ook die toekoms, want só iets skrik seker potensiële beleggers af. Mariska Spoormaker het praat hieroor met MC Botha, ‘n raadslid van die Nelson Mandelabaai Sakekamer.

Vanjaar se tema vir Afrikadag is voeding. Ons hoor by ‘n pediatriese gastroenteroloog wat die stand van kindervoeding in Suid-Afrika en die res van Afrika is.