Monitor

Die Suid-Afrikaanse Depressie en Angsgroep (SADAG) sê die Gautengse Departement van Gesondheid gaan vier hospitale teen Maart 2016 sluit. Dit sa meer as 2,000 mense met geestessiektes sonder sorg laat.

'n Bekende Moslemteoloog verwerp die idee dat die Islamitiese Staat-groep deur die internasionale Moslem-gemeenskap uitgeroei moet word. Prof. Farid Esack, wat aan die Universiteit van Johannesburg verbonde is, is boonop vies oor die Bid vir Parys-veldtog, wat die naweek op sosiale media begin het. Hy sê dis opvallend dat mense nie dieselfde simpatie toon met terreuraanvalle in Asië of Afrika nie.

Dis nou byna 'n week nadat 129 mense dood is in Parys tydens drie afsonderlike terreuraanvalle. Tog weier inwoners van die stad om in vrees te leef. Marlinee Fouche het met 'n sangeres gepraat oor haar ervaring van die noodlottige aand en hoe Parysenaars nou voel.

Die Internasionale Strafhof het lidlande gemaan om nie sy geregtelike onafhanklikheid te bedreig nie. Dit volg te midde van 'n poging deur Kenia om sekere reëls in Den Haag te verander, wat uiteindelik kan lei tot die kwytskelding van sy adjunkpresident, William Ruto. Ruto word daarvan aangekla dat hy grootskaalse etniese geweld in sy land opgestook het. Daar word wyd bespiegel dat Kenia se veldto...

Hier is 'n eerste: jong mans en vroue van townships en nedersettings in Suidelike Afrika, wat opgelei is om Amerikaanse kos soos mac & cheese, burgers, wafels en disco-skyfies te maak, in Johannesburg se middestad, in 'n restaurant wat lyk of dit eerder in die diep Amerikaanse suide sal inpas. Darren Taylor het gaan proe.

Die legendariese All Blacks rugbyspeler, Jonah Lomu, is gisteraand oorlede. Hy was 40 jaar oud. Volgens die All Blacks se voormalige spandokter, John Mayhew, is Lomu onverwags in Auckland oorlede. Hy het gewag op 'n tweede nieroorplanting en was op dialise. Die voormalige Springbokspeler, Pieter Hendricks, het in sy loopbaan 'n hele paar keer kragte met Lomu gemeet.

Vandeesweek plaas die Verenigde Nasies die misbruik van antibiotika in die kollig. Wêreldwyd sal kenners hulle landgenote inlig oor die gevare van die misbruik van hierdie wondermiddel. Die VN het verlede jaar 'n kongres gehou om die bedreiging wat antibiotika-weerstandigheid vir die wêreld inhou, te bespreek en om 'n strategie te beplan wat oral toegepas kan word. Suid-Afrika het sy volle steun d...

'n Nigeriese Suid-Afrikaner, wat haar doktorsgraad in politieke wetenskappe doen, Lovelyn Nwadeyi, verwelkom die Universiteit van Stellenbosch se planne om moontlik van volgende jaar af sy klasse hoofsaaklik in Engels aan te bied. Sy is nie 'n lid van die Open Stellenbosch-drukgroep nie, en meen dat die Afrikaanse media nie die situasie feitelik korrek weerspieel nie.

'n Bekende onderwysaktivis, dr. Louise van Rhyn, beskryf die Universiteit van Stellenbosch se voorstel om Engels die primêre onderrigtaal by die instelling te maak, as 'n stap in die regte rigting. Dit kom te midde van 'n koor van protes dat Maties eerder sy bestaande taalbeleid, met Afrikaans as hoof- akademiese en administratiewe taal, moet behou. Maar Van Rhyn, wat self 'n oud-Matie is, en dees...

Te midde van vrese dat Afrikaans 'n knou weg het by universiteite, leef die taal suksesvol voort in die filmbedryf. Die produksiemaatskappy, Black Sheep, se eerste plaaslike rolprent word binnekort vrygestel - in Afrikaans.

Krisjan Fourie het 'n satiriese blik op die afgelope week se hoofnuus.

Inwoners van die Bo-Kaap in Kaapstad sê die woonbuurt kan 'n slagoffer word van die proses bekend as gentrifikasie. Dit is waar welgestelde mense huise in vervalle buurte koop en dan verbeter. Die gebied met sy helderkleurige huise word deur die Amerikaanse Wêreld Monumentefonds erken, weens die woonbuurt se kenmerkende spreektaal, argitektuur en Moslemkultuur. Berenice Moss berig dat die gemeensk...

Die parlement se portefeuljekomitee op polisie het bevind dat die polisie se topbestuur die parlement mislei het. Polisiegeneraals moes aan die komitee verduidelik hoe dit gebeur het dat hulle twee mediaverklarings ter ondersteuning van die geskorste nasionale polisiekommissaris, Riah Phiyega, uitgereik het. Dit was kort nadat die Farlam-kommissie van ondersoek aanbeveel het dat haar bevoegdheid v...

Die minister van Polisie, Nathi Nhleko, sê 'n ministeriële verwysingsgroep het aanbeveel dat 'n raad van ondersoek gehou word om die geskorste kommissaris van polisie, Riah Phiyega, te ondersoek. Die groep het sedert Julie verlede jaar deur die land gereis om klagtes teen Phiyega te ondersoek. Zalene Merrington berig dat senior polisielede onder andere uit hulle poste as adjunknasionalekommissaris...

Rusland kan moontlik uit volgende jaar se Olimpiese Spele in Rio de Janeiro geskors word. Só sê die hoof van Wêreldatletiek, Sebastien Coe, ná die skokonthulling dat die atletieksupermoondheid verbode middels aan sy atlete verskaf. Die Russiese atletiekfederasie, Araf, moet teen Vrydag op die bewerings reageer, anders sal hy beslis geskors word. Ivor Price praat hieroor met die atletiekstatistikus...

Die Minister van Sport, Fikile Mbalula, is tevrede met die pas waarteen transformasie in Suid-Afrikaanse rugby geskied. Die kwessie van transformasie in die nasionale rugbyspan is onder die loep nadat slegs agt spelers van kleur by die Springbokgroep vir die Wêreldbeker ingesluit is.

'n Gesprek oor witheid het gister in Johannesburg in 'n fel woordestryd tussen verskillende belangegroepe ontaard. Die woordestryd het ontstaan in reaksie op die voorleggings van Afriforum en Solidariteit. Izak du Plessis berig dat die meerderheid van die gehoor en sprekers skerp kritiek op die twee voorleggings gelewer het.

Krisjan Fourie kyk na sake soos die droogte en die Fees Must Fall-veldtog.

Enige debat oor wit-wees lei die aandag af van die groter probleme waarmee die regering worstel. Só glo die adjunkhoof van Afriforum, Ernste Roets. Ivor Price en Anita Visser praat met hom hieroor.

Wit-wees. Afrikaans. Afrikaners. Dit is die oorhoofse tema van 'n reeks gesprekke vandag by die Mapungubwe-instituut vir strategiese nadenke (Mistra) in Johannesburg. Die regte van die wit werkersklas, ekonomiese transformasie en Afrikaners se intellektuele tradisies kom onder meer onder die loep. Ivor Price en Anita Visser praat hieroor met professore Christi van der Westhuizen en Hein Willemse v...

Wat is wit bevoorregting? Die onderwerp word vanoggend in Johannesburg deurgetrap deur kundiges. Die organiseerder, dr. Hester du Plessis van die Mapungubwe Instituut vir Strategiese Besinning (Mistra), sê die doel is om die groep deel te maak van die maatskaplike kohesie in die land.

Mary Burton is 'n Argentyn, wat met 'n Suid-Afrikaner getrou het, en in 1965 betrokke geraak het by die Black Sash nadat haar werk in sopkombuise in arm gebiede nie meer genoeg was nie. Sy móes betrokke raak. Sy was dan ook van 1986 af tot 1990 president van die Black Sash. Náa die 1994-verkiesing is sy verkies tot een van net 17 mense om op die Waarheid- en Versoeningskommissie te dien. Anita Vis...

Meer as R30-miljard word elke jaar verloor weens Suid-Afrikaners wat nie kan werk nie as gevolg van geestesiektes. Die woordvoerder van die PROGRAMME FOR IMPROVING MENTAL HEALTHCARE (PRIME), Maggie Marx, sê die regering bestee slegs R500-miljoen aan geestegesondheidsorg.

November is bewustheidsmaand vir mense wat leef met gestremdhede. Die doel is om die kollig op kwessies te plaas wat mense met gestremdhede raak. Suid-Afrikaanse wetgewing sê almal het die reg tot kwaliteitonderwys. Hoekom dan, sit soveel kinders wat lewe met gestremdhede, steeds by die huis? Joan-Marie Verhoef doen verslag.

Australiese navorsers het vroeër vanjaar ultraklanktegnologie suksesvol op muise gebruik om plaak te verwyder, wat in hulle brein saampak en hulle geheue aantas. Hulle kon daarna weer onthou. Die hoof van Psigiatrie aan die Universiteit van Stellenbosch, dr. Felix Potocnik, sê dis nog te vroeg om te sê of dit Alzheimerpasiënte sal kan help.