Geestesgesondheid

Johan van Lill praat met Jacques Botes, ‘n geestesgesonheidspraktisyn, oor afhanklikheid. Hoe beïnvloed substansie-afhanklikheid jou geestesgesondheid? Hoe help jy ander en jouself wanneer substansie-afhanklikheid ‘n probleem word?

Johan van Lill praat met lewensafrigter Jan Niemand oor ons digitale gewoontes en hoe tegnologie vir én teen ons kan werk. Watter impak het die oormatige gebruik van tegnologie op ons geestesgesondheid? Hoe kan ons balans vind?

Johan van Lill praat met dr. Chris van den Berg, 'n psigiater, oor manlike seksualiteit en geestesgesondheid. Hulle kyk na al die aspekte wat seksuele gesondheid in mans beînvloed, en die impak wat dit op mans se geestesgesondheid het.

Johan van Lill praat met kliniese pastorale berader, Fanie Kriel, oor die impak wat jou lewenskriteria op jou geestesgesondheid kan hê.

Johan van Lill praat met Dap Louw, ‘n buitengewone professor en voormalige hoof van die Departement Sielkunde aan die Universiteit van die Vrystaat, oor feite en mites oor geestesgesondheid.

Johan van Lill praat met geestesgesondheidspraktisyn Jacques Botes oor die impak wat eensaamheid op jou geestesgesonheid het.

Johan van Lill praat met lewensafrigter dr. Jan Niemand oor motivering. Watter impak het motivering, nie net op my sukses in die lewe nie, maar ook op my geestesgesondheid?

Johan van Lill praat met dr. Chris van den Berg, 'n psigiater van Stellenbosch, oor mans en hulle lywe, en hoe dit mans se geestesgesondheid kan beïnvloed. Hoe beïnvloed 'n man se geestesgesondheid sy risiko vir hartverwante siektes? Watter rol speel stresbestuur en emosionele welstand in die voorkoming daarvan?

Johan van Lill praat met dr. Elzette Fritz, 'n opvoedkundige sielkundige, oor die impak wat ‘n kankerdiagnose op 'n mens se geestesgesondheid het. Met soveel van die koninklikes van Engeland wat tans met kanker gediagnoseer is, is die gesprek oor so ‘n diagnose en die impak wat dit op jou en die mense om jou het, tans hoofopskrifte.

Johan van Lill praat met dr. Jan Niemand, 'n lewensafrigter, oor hoekom verandering vir soveel mense uitdagend is en vir ander energie en nuwe lewenslus gee. Wat is die impak van verandering op ons geestesgesondheid?

Johan van Lill praat met prof. Dap Louw, 'n kliniese sielkundige met doktorsgrade in sielkunde en kriminologie, oor geestesgesondheid vanuit ‘n forensies-sielkundige perspektief, en hulle stel ondersoek in na wanneer misdade gepleeg word. Watter belangrike aspekte van sielkundige versteurings moet in aanmerking geneem word by die evaluering van ‘n persoon?

Johan van Lill praat dr. Chris van den Berg, 'n psgiater, oor positiewe vaderskap en die rol wat positiewe manlikheid daarin speel. Watter uitwerking het positiewe vaderskap op die geestesgesondheid van kinders en lewensmaats?

Johan van Lill praat met prof. Ignatius Gous oor hoe om sin te maak van die lewe. Hoe kry ek betekenis in my daaglikse doen en late?

Johan van Lill praat met Jacques Botes, ‘n geestesgesondheidspraktisyn, oor wat die mees algemene oorsake van angs is, en hoe jy kan identifiseer wat dit veroorsaak. Watter hulp is daar vir mense wat elke dag saam met angs leef?

Johan van Lill praat met 'n ontwikkelingskenner oor die impak van swaartekrag op ons geestesgesonheid. Watter rol speel die vestibulêre stelsel, ‘n sintuiglike stelsel in die binne-oor, in ons geestesgesondheid?

Johan van Lill praat met psigiater dr. Chris van den Berg oor die merkers en mylpale wat belangrik is vir mans se geestesgesondheid. Wat is die padkaart waarop mans hulle geestesgesonheid kan bou?

Johan van Lill praat met opvoedkundige sielkundige dr. Elzette Fritz oor die hantering van die onophoudelike druk en eise wat die moderne lewe op ons plaas. Wat is die impak daarvan op ons mees intieme kring – ons geliefdes, gesinne en familielede? En meer nog, op ons geestesgesondheid?

Johan van Lill praat met lewensafrigter, dr. Jan Niemand, oor mense se gesindheid, houding en ingesteldheid. Watter rol speel dit in jou geestesgesondheid en sukses in die lewe? Hoe verander ‘n mens jou houding of ingesteldheid?

Johan van Lill praat met kliniese pastorale berader, Fanie Kriel. Ons begin so maklik die jaar met voorspoedige nuwejaar, maar wat beteken dit? Wat beteken voorspoed in jou lewe, en wat is die impak op jou geestesgesondheid?

In Geestesgesondheid gesels Johan van Lill met psigiater, dr Chris van den Bergh, oor positiewe manlikheid en die impak wat dit op mans se geestesgesondheid het. Wat is die algemene wanopvattings oor manlikheid wat veral met geestesgesondheidsuitdagings gepaard gaan. 

In Geestesgesondheid gesels Johan van Lill met opvoedkundige sielkundige, dr Elzette Fritz, oor hoe ‘n vrees vir mislukking jou geestesgesondheid kan beinvloed? Waar kom hierdie vrees vir mislukking vandaan en hoe kan ‘n mens dit hanteer? 

In Geestesgesondheid gesels Johan van Lill met Lynette Beer, motiveringspreker en -skrywer oor hoe om goed te wees vir jouself en die impak wat dit op jou geestesgesondheid het. Hier aan die begin van die nuwe jaar het baie van ons die idee dat ons ‘n nuwe kans het om van voor af te begin – hoe realisties is dit?

In Geestesgesondheid gesels Johan van Lill met lewensafrigter, Jan Niemand, oor hoekom dit belangrik is dat ons nooit ophou om persoonlik te ontwikkel nie. Wat is die impak van persoonlike ontwikkeling op jou geestesgesondheid? 

In Geestesgesondheid gesels Johan van Lill met psigiater, dr Chris van den Bergh, oor “wat is ‘n man sonder sy werk?”. Ons fokus op manlike geestesgesondheid en praat oor mans wat hulle identiteit rondom hulle werk bou en hoe ons op nuwe manière na manlikheid moet kyk om mans se geestesgesonheid te bevorder.

In Geestesgesondheid gesels Johan van Lill met Lizelle de Bruin, radiojoernalis en kenner van ekspressiewe kunsterapie. Hoe en wanneer kan kunsterapie ‘n bydrae maak tot jou geestesgesondheid?