Kompas

Athina Jansen praat met dr. Melodie de Jager, stigter van die Mind Moves Instituut, oor wat kinders belemmer om te leer. Sy deel wenke met ouers en webwerwe waar luisteraars meer inligting kan kry.

Athina Jansen praat met ‘n onderwyser wat RSG se vervolgverhale in die klaskamer gebruik. Shalom Harris verduidelik hoe haar graad 11 leerders Afrikaanse radio geniet. Die uitvoerende hoof van SA Innovation Summit, Audrey Verhaeghe, vertel van hulle program vir jongmense wat in September plaasvind.

Dillion Seals, ‘n wiskunde onderwyser, gee finansiële wiskunde wenke vir Graad 12 leerders ter voorbereiding van die eindeksamen.

Chris Balie en Chante Adams van die Obafhanklike Verkiesingskommissie praat oor kieserregistrasieproses.

Ons kyk na die impak wat afwesige pa’s op seuns het. Die stigter van The Character Company, Jaco van Schalkwyk, vertel van die organisasie en hoe jy betrokke kan raak.

Het jy al gewonder hoe dit sou wees om oorsee te werk, of selfs daar te bly? Ons kyk na Au Pair-werk. Dit is iemand wat by ‘n buitelandse familie gaan bly en hulle kind of kinders versorg. Chandrey Howburg en Alica Brown deel hulle Au Pair-ervaring, en die vereistes vir hierdie loopbaankeuse.

Ons hoor hoe jongmense die geleentheid kry om hulleself in hulle moedertaal uit te druk en uit te leef. Esra Plaatjies, die bestuurshoof van die jeuginisiatief, Afrikaans Leef, gesels oor die geleenthede wat hulle vir jongmense skep om hulle moedertaal te bevorder.

Ons gesels met die Onafhanklike Verkiesingskommissie oor die kiesersregistrasieperoses. Die plaaslike verkiesings is uitgestel tot 2022.

Carinne Adams, ‘n dieetkundige, vertel van die uitdagings wat kinders ervaar wanneer hulle nie genoeg eet nie, en hoe belangrik dit is om reg te eet. Jean Steyl, ‘n fiksheidskenner, praat oor die belangrikheid van oefening, en gee wenke oor hoe jy by die huis kan begin.

Ons kyk na 'n loopbaan in inligtingstegnolgie, en hoe om aan te pas in die tegnologiese era waarin ons lewe. Alida van der Walt vertel ons van ‘n rekenaarskursus, wat veral vir vroue voordelig kan wees. En ons hoor by ‘n paar jongmense watter loopbaanrigting hulle wil volg, en hoe hulle beoog om dit te bereik.

Jean Goliath, senior kurrikulumbeplanner vir Lewenswetenskappe by die Wes Kaapse Onderwysdepartement, gee wenke vir Graad 12's ter voorbereiding vir die eindeksamen.

Ons praat met die Onafhanklike Verkiesingskommissie oor die plaaslike regeringsverkiesings.

Watter rol speel die kerk in die jeug se lewe? Ds. Hendry Tromp van Gqeberha kuier by Kompas. Mario Lewis van die Helenvale Sentrum van Hoop vertel wat hulle in die gemeenskap doen om jongmense te ondersteun en te help.

Denielle Blignaut van Gqeberha vertel van 'n loopbaan in menslike hulpbronne. Karina Watermeyer van die Wes-Kaap gee wenke oor hoe om ‘n CV op te stel, en hoe om voor te brei vir ‘n onderhoud.

Alexa van Wyk, 'n Wiskundige Geletterdheid-vakadviseur by die Overberg-onderwysdistrik en seniormerker van die NSS eksamens, gee wenke vir die eksamen. Dillon Seals, ‘n Wiskunde-onderwyser, verduidelik hoe datahantering werk.

Dit is Goedvoel-Maandag op Kompas. Ons hoor wat die drome van verskeie jongmense is en hoe hulle beplan om dit te bereik.

Ons kyk na die belangrikheid van berading in skole. Debbie-Ann Dreyer, die stigter van die PYM16-organisasie, gesels oor die jeugwerkers wat hulle by skole plaas, en Quinton Adams,’n opvoedkundige sielkundige, gesels oor die rol van ’n berader en hoe die gemeenskap leerders kan ondersteun.

Trevino Isaacs en Melvin Williams vertel van Mitchels Plain en Kraaifontein se musiekakademies. Nelia Groenewald, stigter van For the Love of Music, deel met ons hoe hulle musiek anders benader.

Razzia Ebrahim, adjunk-hoofonderwysspesialis vir Wiskunde by die Wes-Kaapse Onderwysdepartement, is al langer as 30 jaar betrokke in die onderwys. Sy gee wenke vir Graad-12's.

Athina Jansen gesels met die Dramaweb-kompetisiewenners. Die top 20 skole wat deel is van die Filmit-kompetisie word aangekondig. Maria Strauss,  ‘n dramastudent van Graafwater, het haar diploma aanlyn ontvang, en deel haar storie met ons.

Ons praat oor wat leerders verhinder om te studeer of voor te berei vir eksamens. ‘n Paar leerders van Wittedrift Hoërskool vertel wat hulle aandag aftrek, en Quinton Adams, ’n opvoedkundige sielkundige, gee raad oor hoe hulle dit kan oorkom.

Ons gesels met klankingenieurswese student, Stephen Kruger, en klankingenieur Sean Bezuidenhout oor wat jy kan verwag indien jy hierdie beroep wil volg.

Chris Banda, senior kurrikulumbeplanner vir Afrikaans graad 10 tot 12 in die Wes-Kaap, gee wenke oor Afrikaans Huistaal.

Aktrise Ira Blanckenberg vertel van die Dramaweb-kompetisie wat aanlyn plaasvind. Marilize du Plessis, ‘n Suid Afrikaner wat in Amerika drama studeer, praat oor haar ervaring daar.

Dr. Henk Gous, ’n predikant van Pretoria, verduidelik die tekens waarvoor jy op die uitkyk moet wees om iemand te help wat aan depressie ly. Elisna Kelly, 'n opvoedkundige spesialis, gesels met Zander Cromhout, ‘n forensiese kriminioloog, en met Natalie Hayes, ’n slagoffer van misdaad.