RSG Kuns

Christelle Webb-Joubert gesels met van die koorlede van die Capital Singers – 'n koor bestaande uit 650 lede. Hulle vertel waarom hulle deel is van die koor, en wat dit vir hulle beteken.

Vind meer uit van die Suid-Afrikaanse Nasionale Jeugorkes wat twee maal 'n jaar bymekaar kom vir werkswinkels en konserte

Lizelle de Bruin maak 'n draai by die Baxterteater in Kaapstad om uit vind wat alles oor die Kerstyd daar te sien is.

Aunty Merle het nou haar eie musiekblyspel! Lizelle de Bruin het daar gaan inloer.

Jemma Kahn, wat die Japannese kunsvorm Kamishibai bemeester het, is vereer met die Standard Bank Jong Kunstenaar van die Jaar-toekenning. Martin Headger gesels met haar.

Christelle Webb-Joubert kuier by die kunstenaar Kobus Kotze, wat vanjaar al 50 jaar in die kunsbedryf doenig is.

Die 19-jarige Rone Roux het op 12-jarige ouderdom begin om 'n musiekspel te skryf. Sy het dit voltooi toe sy 15 was. Shadows in Red Light word eersdaags opgevoer. Johan van Lill het met haar gesels.

Zak Hendrikz en Natasha van der Merwe vertel meer oor die musiekspel Rock of Ages.

Christelle Webb-Joubert kuier by die illustreerder Piet Grobler. Hy vertel van sy uitstalling, Net een slukkie padda!

Christo Burger gesels oor die Capital Singers se kerskonsert saam met Corlea Botha.

Martin Headger gesels met skrywer en akteur Graham Weir oor sy toneelstuk, Dead Yellow Sands.

Coenie de Villiers gesels oor Karoo Suite wat hy saam met die skrywer Deon Meyer aanbied.

Johan van Lill gesels het met Saartjie Botha oor die aanbiedings by Woordfees 2018.

Stephanie van Niekerk verduidelik wat Method Acting is, en hoe dit verkil van die 'tradisionele manier van dramaopleiding.

Christelle Webb-Joubert gesels met pianis Marelize Koch oor lewe en werk.

Iain McDonald van Joburg Ballet vertel van hulle soirees en somerskool.

Hugo Theart vertel vir Christelle Webb-Joubert van die tweede Teksmark in die Kaap.

Arnold Cloete van Gauteng Opera vertel van Opera Scenes wat in Johannesburg te sien is.

Kapenaars kry weer die geleentheid om Sandra Prinsloo op die verhoog te sien in Moedertaal. Johan van Lill neem jou saam na een van die repetisies.

Die storie van Pinocchio is deur Janice Honeyman in 'n pantomieme verwerk, en word by die Joburg Theater opgevoer, waar Martin Headger ingeloer het om met Ilse Klink en Andre Schwartz te gesels.

Christelle Webb-Joubert gesels met Stephanie van Niekerk oor die produksie, Nag op 'n kaal plein. Dis 'n bundel van haar pa, Dolf van Niekerk.

PG du Plessis se bekroonde Hertzogprys-drama, Die Nag van Legio, word van 14 November af vir 'n kort speelvak by Kunstekaap-Arena aangebied. Dit was vroeër vanjaar as opdragwerk by Innibos aangebied, gevolg deur die Vrystaatse Kunstefees. Johan van Lill het met regisseur Albert Maritz en Francois Potgieter, wat die verpleër speel, gesels.

Verskeie operasangers gesels met Christelle Webb-Joubert oor hulle produksie, Season Celebrations!

Amee Lekas se toneelstuk, Die Dans van die Watermeid, is verlede jaar, nadat sy haar idee en kort uittreksel by Kunste Onbeperk se eerste teksmark in Kaapstad aangebied het, gekies om tot 'n volwaardige produksie ontwikkel te word. Johan van Lill was by die openingsaand.

Shakespeare in Love is by die Fugardteater in Kaapstad op die planke. Johan van Lill het met twee van die akteurs gesels voor een van hulle vertonings.