Nuacht a hAon

Marion Ní Shúilleabháin.

Láithriú - Fionnuala Uí Neachtain.

Tá sé fógartha ag Fine Gael go bhfuil siad le cáipéis a chur le chéile faoin tír a aontú agus foilseofar í ag Ard-Fheis an pháirtí i mí na Samhna.

Bhí cruinniú ag fostóirí, ag ceardchumainn agus ag airí rialtais I gCaisleán Bhaile Átha Cliath ar maidin, áit ar pléadh na beartais a bhfuiltear ag iarraidh tús áite a thabhairt dhóibh sa gcáinaisnéis i mí Dheireadh Fómhair. Bhí Ceartas Sóisialta Éireann i láthair ag an gcruinniú agus éileamh dá gcuid fhéin acu don cháinaisnéis.

Thug an Rialtas le fios inniu go mbeidh an brú atá ar chostais mar gheall ar an ardú ar an ráta boilscithe agus ar phraghasanna fuinnimh á gcur san áireamh agus na hullmhucháin don cháináisnéis á ndéanamh.

Tá comhaontú síochána déanta ag na Stáit Aontaithe agus an Iaráin le deireadh a chur lena bhfeachtas míleata sa Meán Oirthear.

Máire Bríd Ní Chualáin.

Caoimhe Ní Chonchoille.

Conn Ó Muíneacháin.

Marion Ní Shúilleabháin.

Láithriú - Fionnuala Uí Neachtain.

Inné sa mBreatain, baineadh croitheadh eile as rialtas Keir Starmer nuair a d’fhógair John Healey, an Rúnaí Cosanta go raibh sé ag éirigh as a phost mar nach raibh dóthain maoiniú dá thabhairt do na fórsaí cosanta.

Tá an Iaráin ag déanamh a gcuid críonnachta ar an socrú atá tairgthe ag Uachtarán na Stáit Aontaithe Donald Trump le deireadh a chur leis an gcogadh sa Murascaill. Maíonn Trump go bhfuil an réamh obair ar fad déanta agus go bhféadfaí an conradh a shíniú as seo go ceann cúpla lá.

Inniu tá an Pápa Leon XIV ag tabhairt a chuairt seachtaine chun na Spáinne chun críche sna h-oileáin Chanáracha, áit a dtarraingeoidh sé aird ar riocht na n-inimirceach as an Aifric a théann i mbaol a mbáite le ceann cúrsa a bhaint amach san Aontas Eorpach.

Inniu a thagann an Comhaontú Tearmainn agus Imirce i bhfeidhm, iarracht ag an Aontas Eorpach caighdeánú a dhéanamh ar an gcóras faoi’na ndéantar próiseáil ar dhaoine atá ag lorg tearmainn san Aontas.

Tá sé fógartha ag Cumann Sacair na hÉireann go n’imreofar an cluiche sacair idirnáisiúnta in aghaidh Iosraeil, ag bhí le n-imirt i mBaile Átha Cliath ar an 4ú Deireadh Fómhair, chuig láthair neodrach. Tá an cinneadh cáinte go láidir ag an bhfreasúra.

Nuacht Náisiúnta & Idirnáisiúnta - Máire de Bhailís. Nuacht an Deiscirt -Aoife Ní Shúilleabháin. Nuacht an Tuaiscirt -Maighréad Ní Annluain. Nuacht an Iarthair-Ríona Ní Mhainín.

An barr is deireanaí nuachta.

Inniu sa Dáil, sheol an feachtas IMEASC tuarascáil eacnamaíochta atá ullmhaithe ag an eacnamaí Jim Power. Maíonn Imeasc gur féidir oideachas lán-Ghaeilge a leathnú sa tír seo gan aon chostas breise a chur ar an stát chóras.

Tá ardú 0.25% fógartha ag Banc Ceannais na hEorpa inniu ar a gcuid rátaí úis, mar gheall ar an ráta boilscithe agus ar an ardú ar chostas breosla.

Tá an Rialtas anseo i mbun plé le rialtas na Breataine faoin gComhlimistéar Taistil idir Éire agus an Ríocht Aontaithe. Tagann an phlé sna sála ar ionsaí an Luain i mBéal Feirste agus éilimh roinnt pholaiteoirí aontachtacha gur chóir an teorann idir na 6 Chontae agus an stát seo a dhúnadh.

Aréir, den dara oíche as a chéile bhí círéibeacha in áiteanna éagsúla ar fud na 6 Chontae, áit ar gortaíodh 12 póilíní agus gabhadh sé dhuine dhéag.

Nuacht Náisiúnta & Idirnáisiúnta - Cáit de Bhailís. Nuacht an Iarthair - Ríona Ní Mhainín. Nuacht an Deiscirt - Conn Ó Muineacháin. Nuacht an Tuaiscirt -Caoimhe Ní Chonchoille.

An barr is deireannaí nuachta.

Tá imní ar fud na Stáit Aontaithe go bhfuil an tUachtarán Trump ag tarraingt na tíre níos doimhne i gCogadh na Murascaille. Aréir d’ordaigh Trump ruathair mar éiric ar ingearán Meiriceánach a dúirt sé a bhí ionsaithe ag an Iaráin.