Monitor

'n Heroiene en crack-verslaafde, Chris Lubbe, sê sy lewe het heeltemal verander. Dit het gebeur net voor hy homself met 'n oordosis van die dwelms wou doodmaak, nadat hy in al wat 'n rehabilitasiesentrum in die land was. Hy sê hy is gered toe hy Naltrexone begin gebruik het. Kundiges meen egter dat dit met omsigtigheid gebruik moet word.

Die politieke ontleder Theo Venter praat oor Julius Malema se optrede by die Lonmin-myn op Marikana.

Chris Jacobs praat oor die konflik tussen die partye by die Lonmin-myn op Marikana.

'n Erediens en nagwaak sal vanmiddag vir die voormalige veteraanuitsaaier van die SAUK, Christopher Bennett, by Palm Beach aan die suidkus van Kwazulu-Natal gehou word. Die sewentigjarige Bennett is Sondag in Port Shepstone weens longongsteking en bronchitis oorlede. Sy uitsaailoopbaan strek oor drie dekades van 1960 tot 1994. Hy word beskou as een van die SAUK se beste radionuuslesers, aanbieders...

Minister Trevor Manuel se hersiene nasionale ontwikkelingsplan is gister aan president Zuma oorhandig. Die ambisieuse plan wil onder meer armoede teen 2030 uitskakel. Anita Visser praat hieroor met prof. Dirk Kotze van UNISA se Departement Politieke Wetenskap.

'n Afrikaanse stad as voorwaarde vir die blywende stabiliteit en groei van Afrikaans. Dis 'n idee wat gister by die taalkonferensie van die FAK en die Vereniging vir Regslui vir Afrikaans voorgehou is. Die man aan die woord was Koos Malan, professor in Publiekreg by Tukkies en 'n bestuurslid van die Vereniging vir Regslui vir Afrikaans. Nog 'n spreker was die voorsitter van die FAK-direksie, prof....

Swaziland kan moontlik slaag in sy aansoek by die Verenigde Nasies dat koloniale grense verander moet word. Willie Breytenbach, 'n politieke wetenskaplike verbonde aan die Universiteit van Stellenbosch, sê dit is omdat daar reeds 'n presedent is waarvolgens koloniale grense in Afrika verander is. Swaziland wil die grond terugkry wat in die 1880's aan die Suid-Afrikaanse Republieke gegee is.

Afrika, met 'n bevolking van meer as 'n miljard mense, kon slegs 31 medaljes by die Olimpiese Spele verower. Daarenteen het Frankryk, met 65 miljoen inwoners, vier medaljes méér as die hele Afrika-kontinent inpalm. Volgens 'n professor in sportwetenskap aan die Universiteit van Kaapstad, Tim Noakes, is prestasie egter direk eweredig aan die geld wat 'n land of vasteland aan hulle sportlui spandeer...

Die atletiek-statistikus en skrywer, Riël Haumann, sê dit is weens swak bestuur dat Suid-Afrika nie meer so goed in atletiek vaar nie waar ons tradisioneel uitgeblink het. Haumann bevraagteken die feit dat 'n land soos Jamaika, 'n eiland met minder as 3 miljoen mense, vyf plekke beter as Suid-Afrika op die Olimpiese medalje-leer geeindig het.

Onderhouds-howe vir vroue sonder regshulp, het baie gebreke. Dit is die mening van 'n ma en maatskaplike werker, Cindy Grobelaar, wat twee kinders versorg. Sy sê behalwe dat daar nie genoeg personeel in die onderhoudshowe is nie, is daar ook heelwat ander probleme wat verhoed dat moeders van hul kinders se biologiese pa's 'n toelae ontvang.

Leon van Nierop bespreek die jongste rolprentuitreikings.

Monitor het vroeër die week berig oor die suksesvolle Mars landing van die Curiosity verkenningstuig van die Amerikaanse Ruinte-agentskap NASA. Sedertdien is daar data teruggestuur en ons praat nou met dr Japie Van Zyl, 'n mede-direkteur van Nasa se Straal aandrywingslaboratorium in Pasadena, Kalfornië.

Demokrasie: Is die swak prestasie van 'n regerende party 'n bewys dat die land se regeerstelsel as sodanig verkeerd is? Meer prontuit dan: As die ANC swak regeer, is dit 'n regverdiging van dit wat die huidige bestel voorafgegaan het?

Die Penzance laerskool in Durban is trots op die prestasie van hulle voormalige leerling, Chad le Clos. Die 20-jarige Olimpiese goue medaljewenner het die wêreld verstom toe hy die Amerikaner, Michael Phelps, in die 200 meter vlinderslag met vyf honderdstes van 'n sekonde geklop het.

Die Suid-Afrikaanse swemmer, Chad Le Clos, sê hy sukkel om die werklikheid te verwerk dat hy die Amerikaner Michael Phelps in die 200-meter vlinderslag met vyf honderdstes van 'n sekonde geklop het. Hy sê hy is egter reg vir die volgende Olimpiese Spele wat in 2016 in Brasilië plaasvind.

Die Nobel-pryswenner vir letterkunde, Nadine Gordimer, sê sy betreur die situasie van totale wanorde in Suid-Afrika se onderwysstelsel. Gordimer het in 'n ekslusiewe onderhoud met SAUK Radionuus haar verontwaardiging uitgespreek oor die handboek-skandaal wat die land teister. Wat vryheid van uitdrukking betref, glo sy dat president Jacob Zuma self verantwoordelik is vir enige beweerde aantasting v...

Oudpresident FW de Klerk sê die nasionale beleid het 'n kruispad bereik. De Klerk het by 'n konferensie van die FW de Klerk-stigting gesê die keuse lê tussen die pad na ekonomiese groei en maatskaplike geregtigheid, of die pad van die sogenaamde nasionale demokratiese rewolusie. 'n Aantal sprekers by die konferensie het gister gewaarsku dat die ANC-regering se beheptheid met die nasionale demokrat...

Armoede, verdrukking en oorbevolking. Dis die kenmerke van die lewe op die Kaapse Vlakte die afgelope paar dekades. Ná 1994 het die dwelmbedryf buite beheer geraak en 'n kontantinspuiting gebied aan bendes in beheer van dié bedryf. Dit het dit net makliker gemaak vir bendes om wapens in die hande te kry en nog moeiliker vir die polisie om gesag af te dwing. Inwoners leef in konstante vrees weens b...

Daar is 'n geweldige toename in mense wat slagoffers van identiteitsdiefstal is. Die uitvoerende direkteur van Southern African Fraud Prevention Services, Carol Mcloughlin, sê die organisasie kry tot tien oproepe per dag van mense wat deurgeloop het, vergeleke met twee oproepe per dag, 'n jaar of twee gelede.

Die Suid-Afrikaanse regering behoort boere te help wat nie kan bekostig om hulle werkers se kinders skool toe te stuur nie. So sê die Suid-Afrikaanse Direkteur van die Internasionale Arbeidsorganisasie, Vic van Vuuren. Die laaste Departement van Arbeid-opname in 2010 toon dat meer as 250 000 kinders in die land onwettig as arbeiders gebruik is.

'n Navorser aan die Noordwes Universiteit, prof. Minrie Greeff, sê regerings moet ingryp om die stigma verbonde aan MIV teen te werk anders sal die siekte nooit bekamp word nie. Greeff is verbonde aan die universiteit se Afrika Eenheid vir Transdissiplinêre Gesondheidsnavorsing. Meer as 25 000 politici, gesondheidskenners en aktiviste is byeen vir die negentiende Internasionale Vigskonferensie in...

Die universiteit van Wes-Kaapland in Bellville hou vandag 'n simposium oor Kaaps. Temas wat bespreek word, sluit in die ekonomiese bemagtiging in Kaaps en daar word ook gekyk na hoe Kaaps in rymkletsmusiek, in hip-hop en in die letterkunde neerslag vind. Cobus Bester praat hieroor met prof. Hein Willemse van die Afrikaans departement aan die Universiteit van Pretoria, Anastasia de Vries, boeke-red...

Ekonome is mense wat ons in die media gereeld nader trek om vir ons 'n ontleding te gee van wat was en wat gaan wees. Maar hulle kry nie gereeld die geleentheid om te sê hoe hulle self sake sou aanpak om die ekonomie te laat gedy nie. Dawie Roodt van die Efficientgroep het gisteraand daardie geleentheid gekry by die Vryemarkstigting in Johannesburg. En hy het die geleentheid deeglik aangegryp onde...

Suid-Afrika sal vanoggend in Shangai, China, 'n belangrike aankondiging doen oor 'n wetenskaplike ontdekking. Prof Lee Burger van die Wits Instituut vir Menslike Evolusie kondig nege uur aan dat die navorsing op 'n belangrike paleoantropologiese ontdekking by Maropeng in Die Wieg van die mensdom regstreeks op die internet gevolg kan word.

Die leier van die vryheidsfront Plus, dr. Pieter Mulder, sê dit is belangrik dat die probleme wat minderhede in Suid-Afrika ondervind nou in die buiteland bekend gestel word, al irriteer dit die ANC. Mulder was op 'n besoek aan België waar hy onder meer die veertiende vergadering van die UNPO-presidensie in Brussel bygewoon het. UNPO is 'n internasionale organisasie wat in belang van minderhede wê...