Monitor

Die Nasionale Vergadering het uiteindelik die fiskale raamwerk aanvaar. Die Wêreldbank voorspel dat die wêreldekonomie swakker sal groei. Die geestesgesondheid van mans is in die kollig.

Ons praat met rampbestuur oor die skade, en paaie wat steeds gesluit is weens die kouefront. Die snerpende koue plaas die lot van haweloses in die kollig. Reaksie op president Ramaphosa se aankondiging van 'n nasionale konvensie.

Rampbestuurspanne is op 'n gereedheidsgrondslag soos 'n kouefront oor die land beweeg. Staatsubsidies is steeds nie aan kinderhuise in Gauteng betaal nie. Ons soek antwoorde by die minister van basiese onderwys, Siviwe Gwarube, oor die slakkepas waarteen vakante onderwysposte gevul word. Die goewerneur van Kalifornië dagvaar die Trump-administrasie oor die ontplooiing van die Nasionale Wag in Los...

Helen Zille oorweeg dit om as burgemeester die Goudstad te probeer regruk. Die seun van een van die Cradock Vier praat oor sy vriendskap met FW de Klerk se weduwee. Suid-Afrikaners maak skoonskip in die Comrades.

Die Minister van Landbou, John Steenhuisen, se omstrede stafhoof, Roman Cabanac, sê hy oorweeg sy opsies nadat hy afgedank is. 'n Ondersoek word geloods om die koste van spookwerkers vir die staat te bepaal. Hoe raak Amerika se nuwe reiswaarskuwing toerisme na Suid-Afrika?

Hoeveel is daar om te vier vandag op Wêreld Omgewingsdag? Die Noordwes-onderwysdepartement is in die spervuur oor beweerde wanbesteding en bedrog. Die VN se jongste konsepresolusie vir 'n onmiddelike skietstilstand in Gasa word wéér deur die VSA geveto.

Suid-Afrika se ekonomie het skaars gegroei in die eerste kwartaal, maar die landbousektor skitter. Die Agentskap vir Maatskaplike Sekerheid skort die uitbetaling van toelaes aan duisende begunstigdes op. Ons vind uit hoe die onderwysassistent-program werk. Die kredietburo, TPN, sê bykans 3% van skoolpersoneel het 'n misdaadrekord.

Die MK Party gaan appelleer teen ‘n hofbeslissing dat John Hlophe nie in die Regterlike Dienskommisie mag dien nie. 'n Terreurkenner verduidelik hoe ISIS in Suid-Afrika bedrywig is. Europa en Brittanje maak gereed vir 'n moontlike aanval deur Rusland.

Die DA eis dringende optrede om oorgrensmisdaad in die Vrystaat te stuit. Ons neem die termyn van die afgetrede hoof van die Valke, Godfrey Lebeya, in oënskou. Entrepreneurskap onder die jeug is in die kollig tydens Jeugmaand.

Inwoners van Saldanha reageer op die swaar strawwe in die Joshlin Smith-ontvoeringsaak. Die Reserwebank verlaag su uitleenkoers. Israel se regering beplan 22 nuwe Joodse nedersettings in die besette Wesoewer.

Action Society wil hê die grondwet moet gewysig word om groter polisiemagte aan munisipaliteite te gee. Kan ons 'n verlaging in die Reserwebank se repokoers verwag? Die verbod op die invoer van hoender vanaf Brasilië sal nie 'n wesenlike impak op die verbruiker hê nie.

Bewerings word ondersoek dat die bus wat van 'n brug in KwaZulu-Natal afgery het, se remme onklaar geraak het. Sowat 40% van die bevolking is van welsynstoelaes afhanklik, volgens die jongste huishoudelike peiling van Statistieke SA. President Cyril Ramaphosa verdedig sy besoek aan Amerika in die parlement.

Belegging in infrastruktuur is onder die vergrootglas by 'n simposium in Kaapstad. Sommige veiligheidsontleders meen eise dat die hoof van die NVG, Shamila Batohi, moet bedank, is onregverdig. 'n Versoek vir 'n kommissie van ondersoek oor voortslepende bendegeweld.

Die Minister van Kommunikasie en Digitale Tegnologie, Solly Malatsi, se voorstel om Swart Ekonomiese Bemagtiging in die tegnologiesektor vir buitelandse beleggers te verslap, kry die wind van voor. Die African Transformation Movement gaan saam met die MK-party werk met die oog op aanstaande jaar se plaaslike verkiesings. Solidariteit skep 'n fonds van R7-miljoen om transformasiewetgewing in die ho...

Die AA kap die Tesourie oor sy besluit om die brandstofheffing te verhoog. Politieke partye kan nou groter skenkings ontvang. Nóg 'n reddingsboei vir Transnet.

Ons berig breedvoerig oor president Ramaphosa en sy afvaardiging se besoek aan president Trump. Ons bespreek die begrotingsrede met 'n ekonoom.

Politieke partye binne en buite die Regering van Nasionale Eenheid deel hulle verwagtinge vir die derde begroting. President Cyril Ramaphosa hoop vir 'n goeie uitkoms ná vandag se vergadering met sy Amerikaanse eweknie, Donald Trump. Ons praat met die afrigter van die Pumas oor dié span se gereedheid vir die SA Beker-eindstryd.

President Donald Trump sê Rusland en Oekraïne gaan onmiddellik begin met vredesonderhandelings, dalk met die hulp van die pous. Môre is die groot dag - hoe moet president Ramaphosa vir president Trump benader? Die 18-jarige gouemedalje-afloswenner, Leendert Koekemoer, praat oor sy toekomsplanne.

Die Nigeriese tele-evangelis, Timothy Omotoso, verlaat Suid-Afrika amptelik op 'n vlug na Lagos. Solidariteit beplan 'n lasteraksiesaak teen die minister in die presidensie, Khumbudzo Ntshavheni. Bittere koue word vir die Wes-Kaap én die binneland voorspel.

Nóg Poetin, nóg Zelenski woon die eerste vredesamesprekings tussen Oekraïne en Rusland in Turkye by. Duisende inwoners van Knysna is al byna twee weke sonder water. By NAMPO praat Udo Carelse met Graan SA en SAAI oor brandende kwessies.

Parlementslede is geskok oor die polisie se versuim om bewerings van intimidasie deur die InterCape en Golden Arrow-busdienste te ondersoek. 'n Beplande gesprek in Istanboel tussen Kijif en Moskou wankel. Ons kyk na die belangrikheid van tegnologie in die landbousektor.

President Donald Trump smee bande in die Midde-Ooste. Politieke partye reageer op die groep Afrikaners wat as vlugtelinge in die VSA verwelkom is. Ons skakel oor na NAMPO, waar Udo Carelse met Agri SA en TLU SA praat oor boere se talle uitdagings.

Die eerste groep Afrikaner-“vlugtelinge” land in die VSA. Suid-Afrika word in 'n internasionale opname as die sewende beste land beskryf. Die 2025 NAMPO-Oesdag begin amptelik vandag in Bothaville in die Vrystaat.

Hamas sê hy gaan nog 'n Israelse gyselaar vrylaat. 'n Geoloog verduidelik waarom daar sinkgate in Centurion ontstaan. Kommer oor aasvoëlstropings nadat meer as 120 in die Kruger Wildtuin vergiftig is.

Daar is uiteenlopende reaksie op die verkiesing van Pous Leo die veertiende. Fedsas reageer op die verbod op drankverkope op skoolterreine in die Oos-Kaap. 'n Kundige meen die departement van vervoer moet elektroniese rybewyse oorweeg.