Monitor

Die nie-betaling van maatskaplike toelae kan tot sosiale onrus lei, maan die teoloog dr. Chris Jones van die Universiteit Stellenbosch. Terselfdertyd wys hy daarop dat die toelae alleen nie in die lange duur sosiale geregtigheid gaan verseker nie - sowel die regering as gewone burgers sal anders moet begin dink oor hul rol in die verband. Hierdie bydrae deur Heindrich.

Seksopvoeding is, volgens 'n kenner, die antwoord op die toenemende probleem van blootstelling aan pornografie onder tieners. Navorsing deur die jeugnavorsingseenheid by Unisa se Buro vir Marknavorsing wys dat meer as die helfte van hoërskoolleerders al na pornografie gekyk het. Dr. Antoinette Basson, 'n sielkundige verbonde aan die eenheid sê dit skep 'n verwronge beeld van seks onder die jeug. H...

Suid-Afrika se Mervyn Davis het 'n internasionale reputasie gebou as 'n maker van uitstekende gesnaarde musiekinstrumente, soos kitare, banjos en viole. Hy sê sy hartstog is om musiekinstrumente te bou wat aan die behoeftes van moderne komponiste sal voldoen, deur moderne tegnologie te gebruik, maar om terselfdertyd die romanse van klassieke instrumente te behou. Tog verskil baie van sy skeppings...

Honderde teologiese studente vanuit Afrika se grade, wat hulle by 'n Bybelkollege in Barberton verwerf het, is nie die papier werd waarop dit gedruk is nie. Die grade word die afgelope sowat 15 jaar deur die Back to the Bible Training College in Barberton toegeken. Die instelling is egter volgens die Departement van Hoër Onderwys en Opleiding 'n swendelkollege. Monitor het ondersoek ingestel.

Die FEES MUST FALL-veldtog het die klem geplaas op die finansiering van tersiêre onderrig, terwyl die eintlike probleem akademies van aard is. So sê die direkteur van die Universiteit Stellenbosch se bestuurskool, prof. Piet Naude. Hy het sy saak sonder skroom aan Anita Visser gestel.

Pres. Jacob Zuma het gisteraand sy 2017-staatsrede in die Nasionale Vergadering gelewer. Om die inhoud van sy toespraak te ontleed, verwelkom twee ontleders wat weinig bekendstelling nodig het - die politieke kommentator dr. Piet Croucamp en die Efficient Groep se hoofekonoom, Dawie Roodt.

Meer as 80 polisielede het op Rosettenville in Johannesburg toegesak om die verhouding met inwoners te verbeter. Dit volg nadat inwoners verlede week die reg in eie hande geneem het, en gewelddadig teen dwelmhuise, prostitusie en onwettige immigrante betoog het. Jamaine Krige het die uitvoerende burgemeester, Herman Mashaba, en ander amptenare op die klopjagte vergesel.

Een van die sake wat die minister van finansies na verwagting in sy begrotingsrede sal aanraak, is die voorgestelde suikerbelasting. 'n Belastingskenner van die Universiteit Stellenbosch se Besigheidskool, Lee-Ann Steenkamp, sê die belasting kan dalk eers in 2019 ingestel word. Sy sê besonderhede oor hoe die belasting gehef sal word, is nog onduidelik.

Die voormalige staatsaanklaer Gerrie Nel het kritiek afgemaak teen sy skuif na Afriforum om 'n private vervolgingseenheid te begin. Die eenheid sal vervolgings, wat deur die NVG verwerp is, met privaatbefondsing dryf. Nel, wat vir 36 jaar as aanklaer gewerk het, se bedanking en nuwe verbintenis met Afriforum is skerp gekritiseer weens persepsies dat die burgerregtegroep eksklusief wit en Afrikaans...

Die Departement van Handel en Nywerheid sê hy doen alles in sy vermoë om verdere werksverliese in die pluimveebedryf te voorkom. Dit volg nadat 1,300 mense vroeër die week deur Rainbow Chickens in die pad gesteek is. Die departement het aan die parlementêre komitee oor handel en internasionale betrekkinge gesê hy het die Landbank genader vir bystand.

Die Kimberley Hospitaal in die Noord-Kaap word skerp gekritiseer nadat ouers 'n saak van nalatigheid gemaak het. Jo-Ann en Edward Beckman beskuldig die instelling daarvan dat hulle twee-jarige dogter dood is weens natlatigheid, 24 uur nadat sy opgeneem is. Hulle doen nou regstappe om die hospitaal te dwing om verantwoordelikheid vir die kind se dood te aanvaar.

Verskeie agentskappe in Amerika, onder meer die ruimte-agentskap NASA en die Environmental Protection Agency (EPA) het alternatiewe Twitter-rekeninge geopen nadat president Donald Trump feitelike twiets waarvan hy nie gehou het nie, laat wis het. Wetenskaplikes in die VSA het met woede en irritasie gereageer. Ons wetenskapkorrespondent, George Claassen, sê die stap deur Trump hou niks goeds in vir...

Die droogte oor groot dele van die Oos-Kaap word deur boere beskryf as die ergste wat die gebied nog getref het. Plase in die distrikte Graaff-Reinet, Steytlerville en Jansenville word die ergste geraak. 'n Ekonomiese krisis bedreig die streek, waar meer as 5- persent van die wêreld se sybokhaar geproduseer word. Veronica Fourie berig.

Die AHI het met 'n grootskaalse herstruktureringsproses begin, wat onder meer insluit dat drie van die sake-organisasie se tien permanente werknemers skeidingspakkette aangebied is. Die organisasie se voortgesette gebruik van kantoorruimte word ook tans bespreek. Heindrich Wyngaard het die uitvoerende hoof, dr. Ernest Messina, gevra wat die implikasie van die AHI se herstrukturering vir kleinsake-...

Donald John Trump word vandag by die Capitol-gebou in Washington DC ingehuldig as die 45ste president van Amerika. Wat behels die seremonie en watter protokol gaan daarmee gepaard? Is daar enige geskiedenis of rituele waarop die seremonie geskoei is? Anita Visser het in die SAUK se klankargief gaan rondkrap om te sien wat tydens vorige inhuldigings gebeur het, en sy praat met 'n Amerikaanse diplom...

'n Nuwe internasionale aksieplan om aasvoëls te beskerm, sal in Oktober by die 12de Konferensie van Partye aangekondig word. Anita Visser praat hieroor met die oorhoofse koördineerder vir Afrika, Europa en Asië, Andre Botha.

'n Reuse sinkgat op die R31-roete tussen Daniëlskuil en Kuruman het die afgelope paar weke groot nuus gemaak. Intussen het twee sogenaamde grotkruipers die sinkgat ondersoek en afgekom op 'n uitgebreide ondergrondse grotstelsel. 'n Komiteelid van die Speleologiese Eksplorasieklub, Karin Human, is in die ateljee.

Die Jakes Gerwel-stigting, wat in 2014 tot stand gebring is, het groot planne vir 2017 - insluitend 'n boekprys, 'n skrywershuis en 'n krieket-ontwikkelingsprogram. Hulle het dit op die vooraand van wyle prof. Gerwel se 71ste geboortedag met Monitor bespreek. Heindrich Wyngaard het met prof. Gerwel se seun, Hein, hieroor gepraat.

'n Motorkenner sê eienaars van Ford Kuga-motors moet hulle voertuie dadelik na die naaste Ford-handelaar neem, voor hulle paniekbevange raak en hulle voertuie probeer verkoop. Steve Smith, redakteur van CAR, sê nie alle Kuga's is foutief nie, en dat diegene wat 1,6 liter modelle tussen 2013 en 2014 gekoop het, die grootste risiko loop. Kuga-bestuurders wat hulle karre wil verkoop, het op die sosia...

Die ANC se leierskorps mag dalk verdeeld wees, maar op grondvlak lyk dit of die party nog 'n stewige ondersteunersbasis het. Dit is die gevolgtrekking wat gemaak kan word nadat sowat 60 000 ANC-lede die Orlando-stadion gister uit sy nate laat bars het tydens die party se 8 Januarie-verklaring. Izak du Plessis het met van die ondersteuners gepraat.

Turkye het sy grens met Sirë gesluit nadat driemiljoen vlugtelinge reeds oor sy grens gestroom het. Die EU het intussen sesmiljard Euro aan Ankara gegee om meer vlugtelinge te huisves. Die amptelike grensposte tussen die twee buurland bly egter gesluit. Meer as 200 000 mense het in Desember, in die middel van die winter, uit Aleppo in Sirië probeer vlug. Suna Venter was daar en het 'n reis met smo...

Die apartheidsregime het hulle erfenisgrond onseremoniëel weggevat, en vir die huidige regering is hulle nie wit genoeg nie. So praat inwoners van Oppermansdorp naby Koffiefontein in die Suidwes-Vrystaat. Die gemeenskap wat bekend is as Suid-Afrika se Bruin Voortrekkers, moes sedert 1845 talle hindernisse oorkom om hulle bestaansreg op te eis. Izak du Plessis het die dorp besoek.

Longkanker, servikale kanker en slukdermkanker is die drie dodelikste kankers in Suid-Afrika, volgens die New Global Burden of Disease verslag. Die studie bevat 'n ontleding van 32 kankersoorte in 195 lande. Prof. Benn Sartorius van die Universiteit van KwaZulu-Natalis een van die outeurs van die verslag. Hy het aan Dianke Nel gesê daar is in 2015 byna 115,000 nuwe gevalle van kanker in Suid-Afrik...

Hier en daar is daar vandag steeds diegene wat Geloftedag vier, hetsy by die Paardekraalmonument in Krugersdorp, die Voortrekkermonument in Pretoria, of elders. Dit dag word egter vandag nie herdenk soos 'n paar jaar gelede toe duisende die vieringe bygewoon het nie. Marlinee Fouche het om die tafel gesit met Babs Brits, Rick Barnard en Christo Fouche om te hoor wat hulle van vroeër jare kan ontho...

Babs Brits was by die inwyding van die Voortrekkermonument in 1949. Sy vertel vir Marlinee Fouche wat sy van die dag onthou.