Día a Día

Seguir o percorrido que fixo Antón Alonso Ríos cando fuxiu de Galicia a través dos viños da zona. Ese é o obxectivo do túnel do viño que este domingo se vai a desenvolver no Mercado de San Antonio. Haberá catro quendas, cun máximo de 20 prazas por quenda, ás 11.30 h, 12.00h, 12.30 h, e 13.00 h. A participación é gratuíta pero é precisa inscrición previa na Biblioteca Municipal ou no correo bibliot...

“De Antón Alonso Ríos ao señor Afranio” é o título da conferencia que abrirá mañá ás 20 h as xornadas Siñor Afranio no Espazo Sociocultural. A doutora en Historia e investigadora do Grupo Histagra da USC Natalia Jorge será a encargada de ofrecer esta conferencia dirixida ao público en xeral. Hoxe explicounos que foi o Siñor Afranio, os libros que publicou e a historia de Antón Alonso Ríos.

Este venres inaugúrase o III Festival Miño Máxico en Tomiño, con espectáculos de maxia na rúa, de preto e no auditorio de Goián. Haberá tamén un taller de maxia o sábado ás 11 h, para o que é preciso inscribirse previamente. Así nolo contaron hoxe Javier Argüelles e Samuel Moreno, magos participantes neste festival.

O policía local tudense Lino Martínez proclamouse esta fin de semana Campión de Europa de Judo e Juijitsu, e Subcampión en juijise sen Gi, en Francia, na segunda edición dos Eurogames Emerxencias 112. Lino Martínez contounos hoxe como foi a experiencia, a preparación para este campionato e próximas citas.

Hoxe no tempo do Espazo Comercio que realizamos en colaboración con ACITUI recibimos a Jairo Correa de Pet&Grow Shop, situado en Guillarei. Explicou os productos e servizos que ofrecen tanto para cultivos como para mascotas.

Hoxe no tempo de Raíces e vangarda o chef Judicael Romero deu consellos prácticos para iniciarse na cociña, dende diferenciar os distintos tipos de arroz a saber facer un sofrito. Hoxe cociñamos arroz meloso.

Do 22 de xuño ao 7 de setembro vaise celebrar na Macoca, en Ludikeka, un campamento de verán. Nenos e nenas de 3 a 12 anos poderán gozar con xogos ao aire, de auga, ou excursións. Contan con opción 'madruga' e 'tupper'. Rebeca Fernández, de Ludikeka deunos todos os detalles deste campamento.

Este sábado día 30 célebrase a IV Ruta Mototurística do Meixón en Tui. Unha cita que busca dar a coñocer os principais puntos de interese de Tui e da contorna. O punto de saída será a rúa Compostela. Para participar é preciso inscribirse previamente no teléfono 670 60 13 22 ou o propio día da proba na saída. Joaquín Agra e Julio Solleiro, do Moto Club Papaya déronnos hoxe os detalles.

Unha conferencia, a proxección dunha película, unha degustación de viños e un concerto conforman a programación das Xornadas Señor Afranio que dende este xoves e até o domingo se van desenvolver en Tui. A concelleira de Cultura, Sonsoles Vicente, explicaba como xurdiron estas xornadas e a programación que se vai desenvolver.

O tudense Victor Aparicio, Víctor Coyote, é un dos homenaxeados este ano no Festival de Cans co chimpín de prata, cunha retrospectiva e coa exposición que abriu o pasado sábado. Deunos hoxe información sobre esta programación e vindeiros proxectos.

Nuska Chousa é agricultora e divulga en redes sociais consellos, trucos e comparte o seu día a día con máis de 100.000 persoas. Este domingo ás 12 h estará en Goián, na Feira de Cultivos do Baixo Miño, ofrecendo a conferencia "Compartindo saberes hortelás". Con ela conversamos hoxe.

Hoxe inaugúrase a XXI Feira de Cultivos do Baixo Miño na praza Pintor Antonio Fernández, en Goián. No acto participará o paisaxista Íñigo Segurola, padriño desta edición e conferenciante dunha charla mañá sábado ás 12 h, na mesma feira. Hoxe avanzou no programa Día a Día algúns dos contidos da súa conferencia e do seu proxecto Lur Garden.

Hoxe ás 19.30 h no Espazo Sociocultural o escritor lucense Francisco Narla presentará a súa nova novela, Ultreia, nun acto organizado pola Libraría Espazo Lector Nobel coa colaboración da Biblioteca Municipal e forma do programa de actividades “Tui en Letras”. Francisco Narla desvelou hoxe algúns segredos desta nova novela, primeira dunha triloxía.

As parcelas situadas en faixas secundarias deben estar limpas de biomasa antes do próximo domingo 31 de maio. Así o lembran dende o Concello de Tui. Por outra parte a parroquia de Guillarei foi declarada como Parroquia Priorizada no Plan de Prevención e Defensa contra os Incendios Forestais de Galicia (PLADIGA 2026). Coñecemos hoxe toda a información con Ismael Diz, concelleiro de Medio Ambiente;...

Xornada de Portas abertas e Campamentos de Verán son dúas das iniciativas que teñen en marcha dende a Escola da Banda de Música Popular de Tui. Hoxe Eloy Carrera, director da Banda, explicou que as xornadas terán lugar a próxima semana do luns 25 ao sábado 30. É preciso inscribirse previamente na web da escola. De cara ao verán organizan dous campamentos de verán, un deles musical, para persoas qu...

A praza Pintor Antonio Fernández de Goián acolle dende mañá e até o domingo a Mostra de Cultivos do Baixo Miño. Será un escaparate ao aire libre para o sector do viveirismo e a planta ornamental, tan importante en Tomiño e no Baixo Miño, e referente tamén a nivel internacional. Non será só unha exposición, senón tamén un punto de encontro, de venda e de formación e divulgación. Tamén haberá espect...

O cartel “Unindo Estrelas” de Ainhara, alumnada de 1º da ESO do Colexio Maristas foi un dos gañadores do I concurso de carteis do Día de Europa, convocado pola consellería de Facenda. Hoxe o director do centro, Roberto Díez, falounos deste concurso e do cartel gañador, e tamén de Rec Curta no que tamén foron galardoados.

O campo do Mián en Rebordáns, acolle este sábado a Furanchada organizada por Amigos da Festa. Cecilia Álvarez e Ángel Vila detallaron que na festa a gastronomía será protagonista dende ás 19 h, e non faltará tampouco a música tradicional. A próxima fin de semana, o 30 e 31 de maio, dende as 11 h celebrarán a Festa dos Callos no torreiro da Virxe do Camiño. Na noite do sábado 30 tamén celebrarán un...

Segunda xornada do Festival de Cans que onte comezou cunha homenaxe ao actor Celso Bugallo, unha das figuras máis queridas do audiovisual galego e moi vinculada ao certame. A de hoxe será unha das xornadas máis singulares da edición, marcada pola celebración do Día das Novísimas e pola tradicional Noite das Veciñas e Veciños. Amais, o tudense Victor Aparicio, Víctor Coyote, é un dos homenaxeados e...

Até este domingo 24 está aberto o prazo de inscrición para participar na II Busca do Tesouro que organiza Clásicos Tui para o vindeiro sábado día 30. Será unha xornada onde as persoas participantes irán percorrendo a cidade a través dun mapa con puntos marcados, sempre a bordo dos seus vehículos e cunha persoa de copiloto. O prezo é de 70 euros por parella, e inclúe unha merenda e cea para as dúas...

Este sábado 23 de maio o río Miño en Tui acolle a segunda proba do Campionato de España Inclusivo de Motonáutica. Será a partir das 10 h cando os equipos comecen os adestramentos, e ás 13 h terá lugar a entrega de premios. Esta é a única proba de motonáutica a nivel nacional con modalidade de deporte inclusivo. Así explicouno hoxe Carlos Gago, presidente da Real Federación Galega de Motonáutica.

Rutas no monte ou clases de hípica diarias son algunhas das actividades que os nenos e nenas poderán realizar este verán no campamento que organiza Equigalia para os meses de xullo e agosto. O horario é de luns a venres, de 10.00 a 14.00 horas para nenos e nenas a partir de 4 anos. O prezo por semana é de 150 euros e por día 35€, tal e coma explicaba hoxe Paula López, de Equigalia.

O CB Tui organiza un verán máis o seu campamento, este ano con dúas quendas: do 22 ao 27 de xuño e do 29 de xuño ao 4 de xullo, con actividades diversas como baloncesto, sendeirismo, canoas e xogos populares. Hoxe coñecemos os detalles con Javier Niño, coordinador deportivo do club. Amais, conversamos con el sobre o partido importante que esta fin de semana xogaba o equipo infantil masculino, no q...

Este domingo a Festa da Empanada celebra a súa XXVI edición en Estás, en Tomiño. Esteban González, presidente da Comisión de Festas Virxe Peregrina de Estás, deu conta da programación prevista para toda a xornada, que comezará as 11.30 horas coa Festa da Bicicleta.

Até o próximo luns 25 está aberto o prazo de solicitude de praza o Campamento de Verán 2026 do Concello de Tui que se vai celebrar en catro quendas nos meses de xullo e agosto cun total de 560 prazas, con 140 prazas por quenda. Hoxe Rafael Estévez, concelleiro de Deportes, deu conta das características desta actividade dixirida a nenos e nenas de 3 a 12 anos. Realizarase en instalacións municipais...