Día a Día

Coñecemos o labor que coas colonias felinas se está a realizar no Concello de Tui. Dende a institución municipal púxose en marcha o protocolo CER, Captura, Esterilización e Retorno. Tamén o traballo que realiza Callejeriños Tudenses. Así nolo contaron no programa Día a Día Ismael Diz, concelleiro de Medio Ambiente, e Estefanía Rodríguez, de Callejeriños Tudenses.

Dende hoxe e até o domingo Couso, en Gondomar, acolle o festival Festa Raxada. Unha proposta que nace co obxectivo de tecer redes no rural con música, gastronomía, cultura e compromiso social. Durante estes tres días daranse cita no festival Mercedes Peón, Sun Iou, Brassica Rapa ou Baiona Bay. Damaris Sánchez, membro da Casa das Redes, unha das organizadoras, falounos desta iniciativa.

Mañá sábado ás 18 h a Catedral de Tui acolle o concerto-conferencia Vitae Mariae sobre a representación da Virxe María ao longo da Historia da Arte. A conferencia correrá a cargo da doutora en Historia da Arte Ana Pereira Molares. O concerto será ofrecido por Artificio Barroco e polo Ensemble Vocal Ángel Barja. Antonio Abal, membro do ensemble, detallou o repertorio musical que van interpretar.

Guillarei celebra mañá sábado festas na honra a San Antonio no recinto de Festas da Virxe das Dores. Dende primeira hora da mañá haberá unha ampla programación con quedada e ruta moteira, xantar popular, actuacións musicais, as tradicionais poxas, actos litúrxicos, verbena e djs. Así nolo contaron José Ferreira e Maike Rodríguez, membros da comisión de festas Virxe das Dores. Avanzaron ademais o n...

Hoxe venres ás 18 h nas instalacións da Escola da Banda de Música Popular de Tui, en Guillarei, celébrase a audición de fin de curso coa participación de 30 alumnos e alumnas do centro. O director da Banda, Eloy Carrera, fixo balance positivo deste curso, e deu conta de que o prazo de matrícula para o próximo está xa aberto.

As inscricións para participar na experiencia de mototurismo CatroCantos Galicia Riders 2026 están xa abertas, cun prezo especial até o 20 de xullo. A proba celébrase o 12 de setembro, e terá saída en Tui con rutas de 300, 500 e 700 quilómetros. Paco López, organizador desta actividade deu todos os detalles hoxe no programa Día a Día.

Este sábado 13 de xuño ás 20 h terá lugar o XVIII Festival de Corais na igrexa de San Domingos en Tui. Unha cita musical na que participarán a coral do Centro Social de Tui, a coral Coro Cantemos de Salvaterra, e a Orquestra de Corda do Conservatorio Profesional de Música de Tui. Hoxe coñecemos todos os detalles con José Manuel Martínez e Gonzalo González da coral tudense; e Rosa Castro e Alfonso...

Este sábado ás 20 h o Pavillón Gustavo Rodríguez en Tui acolle a Velada de Fieras. Un evento deportivo no que o público asistente poderá ver seis combates de boxeo principiante e un profesional. A entrada anticipada ten un prezo de 15€ e en taquilla 20€, tal e como hoxe explicaba Alberto Fernández, de Rebouras Team.

O equipo infantil masculino de 2ª división do CB Tui xógase dende esta fin de semana o ascenso a Liga Galega. Medirase ao Celtas Foz, Basket Ames e Esclavas, da Coruña. O coordinador deportivo do club, e adestrador do equipo, Javi Niño, deu detalles destes encontros.

O vindeiro domingo 28 de xuño SOS Tomiño Baixo Miño organiza o seu XV Xantar Solidario nas instalacións da adega Altos de Torona en Tomiño. O prezo é de 28€ persoas adultas, 15€ menú infantil e tamén hai unha opción de mesa 0, de 2€ por rifa. O menú está composto por aperitivos, polbo á feira, carne ao caldeiro, café, postres, e bebidas. Unha xornada con dobre obxectivo, tal e coma hoxe explicaban...

Esta é a Semana Internacional dos Arquivos, e o Concello de Tui súmase un ano máis a esta celebración cunha visita guiada ao Arquivo Municipal de Tui. Será este venres 12 ás 12 h, e é necesario inscribirse previamente en arquivo@tui.gal antes do xoves. O arquiveiro tudense, Rafael Sánchez Bargiela, fixo fincapé en que a actividade centrarase en documentos vencellados ao lema deste ano “Arquivos pa...

O tudense Juan Vázquez foi o gañador do I Certame de Tala en Pedra "Antonio Palacios escríbese en Pedra", que se celebrou esta fin de semana no Porriño. Foi cunha obra inspirada no arquitecto porriñés, que foi o tema central sobre o que debían traballar as persoas participantes. Hoxe conversamos con el sobre o funcionamento deste certame e sobre a peza que lle fixo gañador.

Begoña Caamaño foi a persoa homenaxeada este ano no Día das Letras Galegas. Sobre o seu labor e papel como xornalista escribiu María Xosé Porteiro o libro "Begoña Caamaño. Xornalismo para a cidadanía. De Vigo a Compostela". A escritora, xornalista e política viguesa foi compañeira e amiga de Caamaño, e hoxe contounos como naceu este libro.

Carta de tapas, talleres de coctelería e unha colaboración co Pancho 3.0 son as novidades que chegan a MoMa de cara a este verán. Hoxe coñecemos toda a información no Espazo Comercio, en colaboración con ACITUI, con María Martínez e Lucas González, de MoMa.

“Di sí ao autismo” é a iniciativa de Change.org impulsada por Luján Borrás, nai dunha persoa autista, na que asociacións e familias reivindican que os servizos públicos en sanidade, educación, ocio, emprego e vida adulta estean garantidos para as persoas con autismo. Hoxe Luján Borrás e Montse Mon, de Un Máis, explicaron cal é a situación das 9.500 persoas con autismo na provincia de Pontevedra. P...

Hoxe no espazo gastronómico Raíces e vangarda o chef Judicael Romero deu consellos e trucos para conseguir unha ensaladilla rusa de verán diferente e mantendo a tradición. Tamén hoxe falamos de intolerancias e alerxias alimentarias.

Alfonso Ferreira vén de completar o Caminho da Fé, en Brasil. É unha ruta inspirada no Camiño de Santiago, que conecta Águas de Prata e o Santuario Nacional de Aparecida. Hoxe conversamos con el sobre este camiño e as súas curiosidades.

Este venres ás 19 h comezan as Galimpiadas 2026 con récord de participantes. Máis de 200 persoas competirán nas diferentes probas, en dous días de xogos populares, música e gastronomía en Caldelas. David Coímbra é membro da organización, e hoxe deu todos os detalles desta edición.

AMEI TUI acompaña a máis de 20 mulleres migrantes a través do programa INTEGRALAB, un proxecto que ofrece atención psicolóxica, asesoramento xurídico, formación e orientación laboral para favorecer a inclusión social e laboral das participantes. Trátase dunha iniciativa financiada pola Xunta de Galicia. Hoxe coñecemos o seu funcionamento con Anabel Solla, Carmen Raña e Almudena Álvarez.

O Concello de Tui organiza un curso de camareiro/a que comezará o próximo luns 15 de xuño. Consta de 44 horas lectivas que se van impartir de luns a venres de 16.30 h a 20.30 h até o 30 de xuño no Mercado de San Antonio. O número de prazas está limitado a 15 participantes. A información sobre este curso pode ampliarse no teléfono do Centro de Formación, 664 55 24 93, ou no teléfono de ACITUI, 604...

"Eva e a mazá" é a antoloxía de poesía que presenta hoxe Francisco Álvarez Koki ás 20 h na Casa dos Alonso da Guarda. Intervirá o autor e Armando Requeixo, profesor e crítico literario da USC. Francisco Álvarez Koki contou hoxe a historia deste libro.

Esta fin de semana Rebordáns celebra festas na honra a San Antonio, con música, gastronomía, misa e procesión. Unha programación que organiza a comisión Amigos da Festa de Rebordáns. Cecilia Álvarez e Sergio Veiga, da comisión, avanzaron amais que o venres 19 celebran San Xoán no antigo campo do Mián.

O libro “Patrimonio lúdico galego: investigación, recursos e divulgación dos xogos tradicionais” será presentado hoxe venres ás 20 h no Espazo Sociocultural de Tui. Trátase dunha obra considerada fundamental no estudo dos xogos tradicionais galegos, pois reúne colaboracións de ata 42 autorías desde moi diferentes perspectivas. Pepe López e Manolo García, investigadores e do Museo O Recuncho das Ar...

Mañá sábado ás 19 h parte dende a praza da Inmaculada de Tui o concerto itinerante Recunchos de música, que organiza a Coral Ponte das Febres. Será un percorrido polo conxunto histórico de Tui coas voces da coral organizadora, da Coral San Roque de Vigo e con actuacións do Grupo Folclórico Xuntanza. Rafael Pérez e José Manuel Solleiro, da Coral Ponte das Febres; e José Antonio Fernández, da Coral...

Este domingo ás 10 h ES sae dende a Macoca a Andaina do río Tripes, unha actividade que se enmarca no ciclo de Caminhadas Saudables da Eurocidade Tui-Valença. O percorrido é de 6 quilómetros e o prezo é de 6€. Claudia Montes, de Altitude, indicou no programa Día a Día as diferentes vías de inscrición, xa que as prazas son limitadas.