Unger üs gseit

Ich dir schomau ufgfaue, dass ein und dieselbe Gschicht uf zwöi Arte oder sogar meh cha verzellt werde. I Politikwüsseschafte, Linguistik und Werbig spielt Framing ä riese Rolle - also wie Theme "grahmt" werde. Je nachdem weli Worte dasmer wählt oder weli Aspekte me hervorhebt vore Sache, cha die ganz angers würke. Bi üs stellt sech d Frag, ob das nid scho fasch a Manipulation grenzt..

Sit dir eher zueversichtlechi Mönsche oder eher nid? Zueversicht isch doch öbbis wo üs ständig begleitet und wo vieli kenne. Aber was macht Zueversicht genau us? Fabian und Julie rede drüber, was Zueversicht vo reinem Optimismus ungerscheidet und wie mir angerne vo üsere Zueversicht chöi abgäh und die oh besser chöi kommuniziere.

Weniger wüsseschaftlech fundiert wieder und eher persönlech: mir luege a weli elektronische Kommunikationsmittle mir Tag täglech nutze und wie mir se nutze. Isch euch eigentlech bewusst, wie viel Kommunikation passiert über au üsi digitale Grät? Mir si immer erreichbar sig das per WhatsApp, E-Mail oder Ahrüef - oder isch das bi dir angers? Ratet mau, was z meischt verachtete soziale Medium vo Juli...

Dasmau geits um unusgsprochnigi Soziali Regle, wo mir irgendwie aui kenne oder sogar befolge und glich ischs mängisch nid so logisch.. Weli Regle gäute bi Pissoirs? We du ids Kino geisch, weli Armlehne „ghört“ dir? U weli regle gits rundums Handy? Es wird widermau lustig i dere Foug, mir hei uf jede Fau Spass gha. Weli soziali Regle heimr vergässe, wo aber eigentlich uf dr Hand ligt?

Es git Konversatione wos eim so eifach fallt am Gegenüber zuezlose. Konversatione, vo dene me nid wott, dass sie verbi göh. Uf dr angere Site heimer die richtig träge, müesame, vor-längwili-tot-umgheie Konversatione. Mir rede hüt über üsi Erfahrige, was für üs richtig gueti Gspräch usmache und weli Gspräch mir vermiede, wes irgendwie müglech isch. Was chunnt euch hiezue i Sinn?

We ds Bürokafi afat schimmle u ke Mönsch sich drum kümmeret, zeigt sech dr Bystander-Effekt relativ dütlech - öbber angers luegt de scho. Er isch da im Grosse und o im Chliine.. Drbi wär üsi Wäut es Stück besser, we mir nid nume zueluege, sondern eifach mau säuber ds Läbe id Hand nähme. Schiins lohnt sichs, i di Foug inezlose…

Ob dirs gloubet oder nid: Dankbarkeit isch es wahnsinnig starchs Kommunikationsmittel. Plus hets no dr Effekt, wenn du regelmässig Dankbarkeit praktiziersch, dasde besser schlafsch, dass di Kreislouf sech verbesseret und dasde resilienter wirsch. Darum: bis dankbar für wasde hesch ih dim Lebe und seg oh de Lüt um di ume, was du bsungers a ihne schätzisch. Villech wird d Beziehig so no enger..?

Mir packe wieder üses pseudo Psychologie-Wüsse us. Dasmau irFolg geits um üsi Werte wo mir mitgäh überchöme us dr Chindheit und wie mir die eventuell verändere, hingergfrage oder wie sie immer glich bliebe. Villech ischs de einte oder angerne vo euch sehr bewusst weli Werte dir vertretet und woher die chöme. Und wenn nid? De lehret dir hoffentlech i dere Episode meh spannends drüber.

Hand ufs Herz: Jedi und jede si irgendwie schomau uf Werbig ahgsprunge. Mir rede ih dere Folg über Glatze-Produkt und Werbige wo üs irgendwie ir Erinnerig blibe si. Weisch wiviu Werbeazeige mir tagtäglich usgsetzt si? Wie manipulativ darf Werbig si und überhoupt: weli psychologische Tricks stecke drhinger, dasmer druf ahspreche. Und aui wo itze denke: "Mir cha das nid passiere, ig bi immun ge...

Bi all dene Kommunikationsberatige und gschiede Videos wos zu dene Themä git, schwirre äbä oh viu Kommunikationsirrtümer ume. Villech tönt öbbis im erste Moment logisch, aber isch im Gspräch mit angerne Lüt eher kontraproduktiv. Es cha bim zuelose si, guet oder schlecht argumentiiere oder Missverständnis bi Absicht und Würkig. Es wird ume einisch meh klar wie komplex das gueti Kommunikation si cha...

Summerferie all over.. ämu für di meischte (sofern dir das im Juli loset). Es geit aber nid drum, dasmer Summerpouse hei, sonder wie mir verschiedeni Persönlickeit ihnähme, wemer ire Frömdsprach rede. Dr Fabian bringt ä Gheimtipp, wie du emotionali Distanz chasch schaffe zu dine persönliche Themä u Entscheidige. D Sprache vor Wäut definiere ufne Art o üse Charakter. Mir präge üsi Sprach und üsi Sp...

Julie schaffet als Journalistin. Für das muess sie öfter mal es Interview füehre. Nid eis gäh, sondern eis mache mitere angere Person oder sogar mehrerne. Wie vielfältig die Interview chöi si, ma euch eventuell überrasche. Bi dere Folg lernet dir eventuell öbbis, wieme gueti Frage stellt und a sones Interview heregeit. Und wer weiss? Villech chas dr eint oder die angeri vo euch sogar awende?

Düechts euch nid oh, dass je älter mir werde, desto meh geit üse Humor verlore? Chli tragisch oder nid? Für üs isch die Episode sehr lustig gsi zum ufnäh. Fabian bringt spannendi Fakte zum Thema Lache und Julie stellt ihri Flachwitz-Kenntnisse unger Bewis. Üse Rat a euch: meh lache, nid aues so ernst näh und ah üsne Sunnefältli schaffe.

Fabian het de Vorschlag mau gmacht, dasmer üse Tag düregöh und luege weli Kommunikationssituatione oder -mittle mir vo Tag zu Tag bruche. Kommunikation faht mitem Erwache am Morge ah, geit um non-verbali Signal über Textnachrichte zu Outlook-Termine. Wie bewusst düet dir ufere täglecher Basis kommuniziere und was fallt euch eventuell gar nümme uf?

Die Foug macht auergattig Idruck. Kommunikationsbeobachtige si on point u villech erkennsch di o wieder? Ds Houpthema dasmau widmet sich üsem Umfeld. Wie prägt üs das? Was müesse mir unbeding drzue wüsse? U was het sich im direkte Umfeld ir hütige Zit psychologisch und o süsch veränderet? Mir hoffe das die Lüt mit dene du di (fasch) täglech umgisch, di inspiriere und witerbringe.

Was seit dir d Stimm ih dim Chopf? Redsch du positiv mit dir selber oder eher negativ. Schimpfsch mit dir, wöu de wieder z spät hesch ahgfange lerne, öbbis hesch vergässe oder öbbis hesch kaputt gmacht? Oder begegnisch dir eher mit Empathie und versuechsch di selber nid ache z mache? Es isch echt schwierig die negative Denkmuster wo sech es Lebe lang ihpflanzt hei im Chopf umzmodle, aber es isch n...

I derä Foug heimer z erste Mau ä Kommunikationsbeobachtig vo öperem wo üs offebar ab u zue lost, ds freut üs riiisig. Dasmau hei mir üs säuber di eher schwirigi Ufgab gsteut, üs über verschiedeni ethischi Dilemmata z ungerhaute… Wed inelosisch: wi würdsch du kommunikativ i so Gränzfäu reagiere?! Mir si erstuunlich nöch i üsne Perspektive. Stay tuned.. und unger üs gseit: s wird uf jede fau spannen...

Wie oft mir Redewenige verwände ih üsem Sprachgebruch, isch de meischte äuä nid mau bewusst. Villech ou darum, wöu üs oh nid immer bewusst isch, was de Redewendige si und was nid. Es git paar schwizerischi Redewenige, wo Julie so nie hätt vermuetet und Fabian wird testet uf sis Wüsse, wöuer mau gseit het er isch richtig schlecht ih dene Sache.

Zum Wort vom Tag mache mir usnahmswiis ä Abstecher is Bündnerland. Und d Kommunikationsbeobachtige schiine sich aus neui rubrik dürezsetze. Mir rede über gueti oder besser gseit unvergesslichi TED Talks und Präsentatione generell u analysiere was sone Präsentation bsunder usmacht. Tune in, s wird lustig u villech sogar chli lehrrich. Hie no aui Talks verlinkt: FrancescaHogi- How to Unlock Your Fli...

"Social Hacking" beschriebt d Beeiflussig dür Kommunikation ih gsellschaftleche Situatione. Es isch hert ar Grenze zur Manipulation, aber je nachdem wiemers ihsetzt chamer würk Vorteile drus zieh. Ir dere Episode bespreche mir es paar so "social hacks", wo aber ganz harmlos si. Paar netti, chlini Tricks, wo euch sympathischer löh lah würke oder chöi häufe ih private oder bruefl...

Nachem locker-flockige Ihstieg inklusive ere neue Rubrik wirds ganz schnäu ganz deep. Hüt rede mir über intrinsischi Glaubenssätz wo sech wohl jedi und jede drmit cha indentifizere. Es geit um töif ih üsem Bewusstsi verankeriti Überzügige, wo positiv, aber ou negativ chöi si. Bi wellne gsehsch du di wieder? Gueti Nachrichte oh hie: Gseht me sech bi somne Glaubenssatz, heisst das nid, dasme niemeh...

Mir rattere hie itz nid aui Tipps abe für guets Storytelling. Da drzue fingt me online gnueg. Mir bereite z Thema meh uf mit persönleche Gschichte und Erlebnis rundum Stories us üsem Alltag. Es git chuum ä Lebensbereich, wo Storytelling nid irgendwie relevant isch. Paar Gschichte si besser und paar schlechter. Die wahri Kunst isch Gschichte guet chönne z verzeue - egau was ihre Inhalt isch. Showno...

Mir starte „gstabig“ i di neui Foug und knacke när dr Mythos hinger Persönlichkeitstests. Werum sisi fasziniderend, obwou d Wüsseschaft mängisch o dr Kopf schüttlet? Di Foug isch zwüsche unterhautsamer Säubstanalyse und echtem Deep Dive. Wo öffne settigi Tests d Ouge? U sisi eventuell mängisch o gfährlich ischränkend? Wie versproche no dr Link zu de 16 Personality-Test: https://www.16personalities...

Kennsches? Du wartisch ufne Bscheid ob die neui Stell becho hesch oder nid. Usem nüt bechunnsch ä mega härzigi Nachricht vo öbberem wod scho lang nüm gseh/ghört hesch. Es zeigt dir ah, dass dir öbber ä 3-minütigi Sprachnachricht gschickt het. Settigi Situatione chöi richtig toll si oder oh richtig müesam. Ghöre unerwarteti Ahrüef vo fremde Nummere für di oh zu de schlimmste Kommunikationsmomente?...

Mir starte fasch scho chli bünzlig i die Foug: Nämlich mitem Mürggu. Ds Bärndütsche Wort vom Tag öffnet schomau ds eint oder angere Fass u när gumpä mir i zwöi klassischi Kommunikationsmodell: Ds Kommunikationsquadrat vo Schulz von Thun und d Axiom vo Watzlawick. Si die Modell no gültig im 2026? Spiele si ke Roue meh oder sisi aktueller den je? Finge mirs zämä use..