Unger üs gseit

Düechts euch nid oh, dass je älter mir werde, desto meh geit üse Humor verlore? Chli tragisch oder nid? Für üs isch die Episode sehr lustig gsi zum ufnäh. Fabian bringt spannendi Fakte zum Thema Lache und Julie stellt ihri Flachwitz-Kenntnisse unger Bewis. Üse Rat a euch: meh lache, nid aues so ernst näh und ah üsne Sunnefältli schaffe.

Fabian het de Vorschlag mau gmacht, dasmer üse Tag düregöh und luege weli Kommunikationssituatione oder -mittle mir vo Tag zu Tag bruche. Kommunikation faht mitem Erwache am Morge ah, geit um non-verbali Signal über Textnachrichte zu Outlook-Termine. Wie bewusst düet dir ufere täglecher Basis kommuniziere und was fallt euch eventuell gar nümme uf?

Die Foug macht auergattig Idruck. Kommunikationsbeobachtige si on point u villech erkennsch di o wieder? Ds Houpthema dasmau widmet sich üsem Umfeld. Wie prägt üs das? Was müesse mir unbeding drzue wüsse? U was het sich im direkte Umfeld ir hütige Zit psychologisch und o süsch veränderet? Mir hoffe das die Lüt mit dene du di (fasch) täglech umgisch, di inspiriere und witerbringe.

Was seit dir d Stimm ih dim Chopf? Redsch du positiv mit dir selber oder eher negativ. Schimpfsch mit dir, wöu de wieder z spät hesch ahgfange lerne, öbbis hesch vergässe oder öbbis hesch kaputt gmacht? Oder begegnisch dir eher mit Empathie und versuechsch di selber nid ache z mache? Es isch echt schwierig die negative Denkmuster wo sech es Lebe lang ihpflanzt hei im Chopf umzmodle, aber es isch n...

I derä Foug heimer z erste Mau ä Kommunikationsbeobachtig vo öperem wo üs offebar ab u zue lost, ds freut üs riiisig. Dasmau hei mir üs säuber di eher schwirigi Ufgab gsteut, üs über verschiedeni ethischi Dilemmata z ungerhaute… Wed inelosisch: wi würdsch du kommunikativ i so Gränzfäu reagiere?! Mir si erstuunlich nöch i üsne Perspektive. Stay tuned.. und unger üs gseit: s wird uf jede fau spannen...

Wie oft mir Redewenige verwände ih üsem Sprachgebruch, isch de meischte äuä nid mau bewusst. Villech ou darum, wöu üs oh nid immer bewusst isch, was de Redewendige si und was nid. Es git paar schwizerischi Redewenige, wo Julie so nie hätt vermuetet und Fabian wird testet uf sis Wüsse, wöuer mau gseit het er isch richtig schlecht ih dene Sache.

Zum Wort vom Tag mache mir usnahmswiis ä Abstecher is Bündnerland. Und d Kommunikationsbeobachtige schiine sich aus neui rubrik dürezsetze. Mir rede über gueti oder besser gseit unvergesslichi TED Talks und Präsentatione generell u analysiere was sone Präsentation bsunder usmacht. Tune in, s wird lustig u villech sogar chli lehrrich. Hie no aui Talks verlinkt: FrancescaHogi- How to Unlock Your Fli...

"Social Hacking" beschriebt d Beeiflussig dür Kommunikation ih gsellschaftleche Situatione. Es isch hert ar Grenze zur Manipulation, aber je nachdem wiemers ihsetzt chamer würk Vorteile drus zieh. Ir dere Episode bespreche mir es paar so "social hacks", wo aber ganz harmlos si. Paar netti, chlini Tricks, wo euch sympathischer löh lah würke oder chöi häufe ih private oder bruefl...

Nachem locker-flockige Ihstieg inklusive ere neue Rubrik wirds ganz schnäu ganz deep. Hüt rede mir über intrinsischi Glaubenssätz wo sech wohl jedi und jede drmit cha indentifizere. Es geit um töif ih üsem Bewusstsi verankeriti Überzügige, wo positiv, aber ou negativ chöi si. Bi wellne gsehsch du di wieder? Gueti Nachrichte oh hie: Gseht me sech bi somne Glaubenssatz, heisst das nid, dasme niemeh...

Mir rattere hie itz nid aui Tipps abe für guets Storytelling. Da drzue fingt me online gnueg. Mir bereite z Thema meh uf mit persönleche Gschichte und Erlebnis rundum Stories us üsem Alltag. Es git chuum ä Lebensbereich, wo Storytelling nid irgendwie relevant isch. Paar Gschichte si besser und paar schlechter. Die wahri Kunst isch Gschichte guet chönne z verzeue - egau was ihre Inhalt isch. Showno...

Mir starte „gstabig“ i di neui Foug und knacke när dr Mythos hinger Persönlichkeitstests. Werum sisi fasziniderend, obwou d Wüsseschaft mängisch o dr Kopf schüttlet? Di Foug isch zwüsche unterhautsamer Säubstanalyse und echtem Deep Dive. Wo öffne settigi Tests d Ouge? U sisi eventuell mängisch o gfährlich ischränkend? Wie versproche no dr Link zu de 16 Personality-Test: https://www.16personalities...

Kennsches? Du wartisch ufne Bscheid ob die neui Stell becho hesch oder nid. Usem nüt bechunnsch ä mega härzigi Nachricht vo öbberem wod scho lang nüm gseh/ghört hesch. Es zeigt dir ah, dass dir öbber ä 3-minütigi Sprachnachricht gschickt het. Settigi Situatione chöi richtig toll si oder oh richtig müesam. Ghöre unerwarteti Ahrüef vo fremde Nummere für di oh zu de schlimmste Kommunikationsmomente?...

Mir starte fasch scho chli bünzlig i die Foug: Nämlich mitem Mürggu. Ds Bärndütsche Wort vom Tag öffnet schomau ds eint oder angere Fass u när gumpä mir i zwöi klassischi Kommunikationsmodell: Ds Kommunikationsquadrat vo Schulz von Thun und d Axiom vo Watzlawick. Si die Modell no gültig im 2026? Spiele si ke Roue meh oder sisi aktueller den je? Finge mirs zämä use..

Mir rume uf. I dere Episode bespreche mir die bekanntischte Klischées zu Introversion und Extraversion. Wo mir üs selber uf dr Skala gseh erfahret dir oh. Spannend wirds, wenn mir versueche Bruefsgruppene uf dem Spektrum z platziere. Und obwohl me nie ganz z einte oder z andere isch, si oh Julie und Fabian nid ganz freigstellt vo de Stereotype, wo die Persönlechkeitsmerkmal begleite.

Wieso verliere mir so oft ds „grau“ und flüchte is schwarz-wiis-dänkä? Mir versueche usezfinde wele Ihfluss Algorithmä hei uf die omnipresänti Meinigsmachi.. Werum füehlt sich üses mitenang hüt so brüchig ah? Mir sueche i derä Wäut z verlornig gloubte „grau“.. Äs isch äs Plädoyer für meh Muet u meh wieder-ufenand-zuega, aus üs no meh la spaute. Echte Diskurs isch ke Sieg über di angeri Person, son...

Wenn Ching mit sech selber rede, isch das z normalste vor Welt. Wenn ä erwachseni Person das macht, würde mir villech chli weniger entspannt druf reagiere. Das Stigma isch aber völlig nid berechtig. Wer mit sech selber redt, isch nid wirr im Chopf - im Gegeteil. Wo üs Selbstgspräch am meiste nütze und weli Personegruppe ihre Erfolg oh chli abhängig drvo macht, erfahret dir hie.

Isch Mitleid eigentlech nur ä Form vor herablassender Arroganz? Isch authentisch si eigentlech nur äs Schutzschild vo fulä und unhöfleche Lüüt? Und: Isch Bluet villech nid dicker als Wasser? Mir diskutiere die Thesene, wo üs KI het generiert. Die triggere üses Ego, Empathie und töifi soziali Wurzle..

D Fortsetzig vor Episode 12 mit de Warnehmigsverzerrer. Mir berede no die zwöi, wo scho letschdmau hätte söue dra cho und Julie het no eine zuesätzlech usgsuecht. Z Bärndütsche Wort vo dere Folg fingt dr Fabian wieder nid so toll und mir hei es luschdigs Missverständnis gad am Ahfang. Hoffentlech amüsieret dir euch so wie mir üs. Es geit dasmau um soziali Rollene, Heiligeschiin-Effekt, Negativität...

Wahrnehmigsverzerrer begleite üs, ob wir wei oder nid, jede Tag. I derä Foug erfahrsch 3 us üsere Sicht wichtigi Verzerrer, wo mir aui sötte kenne, um ä bewusstere Umgang mitenang chönne z läbä. Spoiler: Säubst we mir üs aus tiefgründig würdä betitlä, si mir leider z mindscht ide erste paar Sekunde sehr oberflächlech ungerwägs. Wasmer drgägä cha mache oder wie mir drmit umgö? Los dri, s blibt uf j...

Z Bärndütsche Wort löst bim Fabian unschöni Erinnerige usund oh Chätschgummi-Tattoos erlebe ih dere Episode es churzes revival. Drna rede mir drüber weli chline Veränderige ufemne sprachleche Level di chöi selbstbewussterlah würke. Z Wörtli «aber» bechunnt ziemlech viu Bühni dasmau. Mir decke paar Bescheideheit-Floskle uf und diskutiere drüber weli Wünsch bimne Genie ahbracht si und weli nid. Uf d...

Mir schnappe üs dr Wäut-Bestseller «Der Alchemist» vom Paulo Coelho u disktutiere über: Werum ghöre mir nur das, was mir eigentlich o wöi ghöre? Werum isch z Handle am ändi vom Tag viu wichtiger aus die blanki Theorie? ⁠D Moderationserfahrig vo Julie isch dr best Bewis drfür, dases Muet brucht, öbbis Nöis uszprobiere. Genau i dene Momente aber, passiert d Magie. Dr wahr Schatz vo derä Folg: Du mer...

Wer het sech scho mau überleit, wie talentiert guetiSynchronsprecher:inne eigentlech müesse si? I dere Folg rede mir drüber, wo so Sprecher:inne ihgsezt werde und wie mir das villech gar nid so wahrnähme. Natürlech wird oh z Synchronschwümme churz thematisiert. Oh dr Donald Duck git ä churze Gastuftritt. Und wie absurd isches eigentlech, weme ire Serie äs Tier synchronisiert oder äsInsekt oder no...

Niemer chunnt drum ume irgendwenn es kritischs Gspräch zfüehre. Nid glösti Konflikte göh uf Chöschte vo üsere innere Rueh, vo Beziehige und Qualität vom schaffe. Es hiuft ä Konflikt möglichst direkt und gli mau z löse und so Sache nid mit sech umezträge. Und wer vo euch kennts, dass eim diebeschte Argument immer lang nachdem z Gspräch düre isch ih Sinn chöme? Spannend isch, dases verschiedeni «Bia...

Ersts Date, Bewerbigsgspräch, Gschäfts-Apéro, Meetings,Familieträff – das aues si Situatione, wome Smalltalk muess füehre. Es git ganz viu Aleitige, wieme Smalltalks cha meistere. Aber Julie und Fabian finge es chunnt immer mega druf ah wo dasd bisch, mit welne Lüt ids Gspräch chunnsch und was für Theme sech abiete. Was Ford mit Smalltalk z düe het und Tipps wiemer us unahgähme Situatione cha flüc...

Mitemne länge Ihstig übere Früehligsbringer d «Söiblueme»göh mir när über ines Gspräch wos drum geit das Früecher aues besser isch gsi. Mir empfinges tatsächlech scho nid so, aber mir steue fest, dass mir beidi viu Vergliche zu Früecher mache was Sache wie Musig lose, Erreichbarkeit ufem Handy,zämä game und abmache mit de Kollege oder Kolleginne betrifft. Und wie sech d Kommunikation rundum dene S...