Spektrum

Ons praat met 'n politieke ontleder oor die Zuma-korrupsieverhoor en uitspraak oor die sogenaamde CR17-miljoene. Suid-Afrika se Covid-inentings steek die vyfmiljoen kerf verby. Hulp van oraloor na KwaZulu-Natal ná die gewelddadige betogings.

Die jongste oor Jacob Zuma se hofbetoë. Hulde aan 'n RSG-aanbieder. Ivermektien as behandeling vir Covid is in die spervuur. Groot koue is op pad.

President Cyril Ramaphosa sê hulle is op die spoor van diegene wat daarvan verdink word dat hulle die land probeer destabiliseer het, en sê Suid-Afrikaners het bewys dat hulle nié vir verdeeldheid staan nie. Die ontleder, Max du Preez, sê die president kan nie alleen vir die regering se swak reaksie op die situasie beskuldig word nie, want “hy sit met ministers wat werklikwaar onbeholpe is.” Die k...

Planne is aan die gang om 25,000 weermaglede te ontplooi, maar presies hoe sal dit werk, en wat moet geprioritiseer word? Boere word daarteen gewaarsku om skerppunt-ammunisie teen ortreders te gebruik. Gauteng se regering bly bekommerd oor die impak wat die geweld en wetteloosheid van die afgelope week op dienslewering in die provinsie het. Die department van bosbou, visserye en omgewingsake het v...

Honger en armoede word as redes gegee vir die onluste in KZN en Gauteng - 'n sosioloog meen die probleem lê veel dieper. Gemeenskappe staan saam om mekaar te beskerm en te help te midde van waarskuwings vir inwoners om nie die reg in eie hande te neem nie.

Politieke partye is ontevrede met die reaksie van die regering op die plundertogte in dele van die land. Die Weermag gee duidelikheid oor presies wat hulle rol gaan wees om die geweld te stop. Ons vra: Is die minister van polisie meer Bheki as binnegoed? Die Amerikaanse ruimte-agentskap gaan fynbos in die Wes-Kaap begin monitor.

Jacob Zuma wend hom vandag tot die hoogte hof om sy tronkstraf omgekeer te kry, terwyl onluste in sy naam in dele van die land voortwoed. Ysweer en storms teister die Kaap, en is op pad binneland toe. Restaurante voel die knyp, in weerwil van die geringe verligting wat president Cyril Ramaphosa gisteraand aangekondig het.

Gauteng se Covid-19-verspreidingskoers neem af, maar kommer oor ander provinsies neem toe. Te midde van stygende Covid-19-gevalle, sterf Johannesburg se uitvoerende burgemeester, Geoff Makhubo nadat hy met die siekte gehospitaliseer is. Die ANC se sektretarisgeneraal, Ace Magashule, bly geskors, maar wat van oudpresident Jacob Zuma se ANC-status? Daar is heelwat vrae oor die skorsing van die hoof...

Oudpresident Jacob Zuma is agter tralies - die leiers van die DA en die VF+ gee hulle mening hieroor. Die Suid-Afrikaanse Nasionale Weermag begin vandag sy inentingsveldtog vir soldate by die Waterklooflugmagbasis in Pretoria. Die jongste National Income Dynamics Coronavirus Rapid Mobile-studie wys die grootste struikelblok in die stryd teen die pandemie, is die feit dat daar nie ingeënt word oor...

Korttermyn-versekeraars vaar baie goed. Die Kaapstad Internasionale Konferensiesentrum begin met massa-inentings. Julie is Spaarmaand, en kenners waarsku dat dit nou belangriker as ooit is om te spaar. En, ons het die jongste nuus van Wimbledon af.

Ons kyk na wat ons kan verwag van oudpresident Jacob Zuma se aansoek om sy inhegtenisneming af te weer. Die saak word vandag en môre in die Hooggeregshof in Pietermaritzburg aangehoor. Die ANC gee opdrag dat daar opgetree moet word teen diegene wat geweld in Nkandla aangehits het. RandWater is besig met herstelwerk aan die Palmiet-pompstasie ná 'n ontploffing daar die afgelope naweek.

Vrae hang nog in die lug oor waarom die polisie nie opgetree het nie teen Zuma-ondersteuners wat inperkingsmaatreëls oortree het. Ons kry reaksie op die verduideliking wat die minister van polisie gee vir hulle gebrek aan optrede. Nuwe data wys dat Covid-19-entstowwe meer effektief is teen die DeltaPlus-variant.

Mense wat voorheen besmet is met die Alpha en Beta variante van die Covid-19-virus kan steeds met die Delta Plus variant besmet word. Die Suid-Afrikaanse Reguleringsowerheid vir Gesondheidsprodukte verduidelik waarom dit so lank neem om uitslag te gee oor Russies en Sjinese entstowwe. Gerugte doen die rondte dat Jacob Zuma die hooggeregshof wil nader om uit die tronk te bly. Die waarnemende minist...

Die Konstitusionele Hof bevind dat president Cyril Ramaphosa nie die parlement mislei het oor die CR17-fondse nie. Ons kry reaksie op die uitspraak, en vra of dit die saak versterk om die Openbare Beskermer uit haar pos te verwyder. Die Zondo-kommissie sal sy werk moet afhandel sonder die getuienis van oudpresident Jacob Zuma of die Guptas - ons vra wat die impak hiervan op die finale verslag sal...

Die Reserwebank vier vandag sy 100ste bestaansjaar. Sommige mense vra dat die plaaslike verkiesings uitgestel moet word - wat sou die implikasies hiervan wees? Oudpresident Zuma moet homself teen Sondag oorhandig aan die polisie - wat gebeur sodra hy dit doen? Vinpro vra 'n hofinterdik aan om wyn te verkoop in die Wes-Kaap.

'n Regskenner beantwoord die vraag: Sal oudpresident Jacob Zuma wel tronk toe gaan nadat hy skuldig bevind is aan minagting van die hof? Wat weet ons van die Delta Plus-variant van die Covid-19-virus? Navorsing oor die impak van die Wet op die Beheer van Vuurwapens op misdaad, is uiteindelik bekendgestel. Ons kry reaksie op die jongste kwartaalikse indiensnemingsyfers.

Die EFF word aangekla van die oortreding van die Wet op Rampbestuur. Rolspelers in die drankbedryf dreitg om ook die Covid-regulasies verontagsaam. Alle skole moet vir die Junie-skoolvakansie teen Vrydag gesluit wees - hoe raak dit die res van die skooljaar? Nog aasvoëls word in Botswana vergiftig.

Die waarnemende minister van gesondheid, Mammoloko Kubayi-Ngubane, sê mense bo 50 kan van Julie af registreer om entstof te ontvang. Ons wy 'n groot gedeelte van die program aan die jongste bevindinge oor die oor die inentingsproses. Daar is kommer oor 'n toename in politieke moorde in die aanloop tot Oktober se plaaslike verkiesings. Die publiek het nog tot 3 Julie kans om voorstelle in te dien o...

Die polisie en SANPARKE is op soek na 'n verdagte voertuig wat moontlik verbind kan word met die brande in Kaapstad vroeër vanjaar. Vrystaat Landbou sê die polisie neem plaasaanvalle nie ernstig op nie. SADC sê terreur in Mosambiek die stryd aan met die ontplooiing van die streek se bystandsmagte. Die department van omgewingsake het ‘n Turkse kragskip-maatskappy se aansoek vir 'n permit van die ha...

Die proses om onderwysers in al die provinsies teen Covid-19 in te ent, het vanoggend begin. Verbruikersprysinflasie het in Mei gestyg, te midde van waarskuwings dat munisipale finansies verswak. Twee partye stem nie saam met die finale verslag oor die ingryping om sekere provinsiale departemente van Noordwes onder administrasie te plaas nie - ons vind by hulle uit wat hulle besware is.

Ses-en-negentig persent van nuwe Covid-19 gevalle kom tans in Gauteng voor. Die Gautengse bevelsraad vergader vandag oor moontlike strenger inperkings - ons vra wat ons moontlik kan verwag. Onderwysers word van more af ingeënt, maar wat van kleuterskoolpersoneel? Die Wes-Kaap loop deur onder, nie een nie, maar twee kouefronte!

Suid-Afrikaners moet hulleself nou meer as ooit tevore beskerm teen Covid-19. Onderwysers sal van Woensdag af ingeënt kan word - ons kyk na hoe die proses sal werk. Die nuwe plekname in die Oos-Kaap is hier om te bly nadat die besware daarteen verwerp is. Daar is 'n klaarblyklike toename in aanvalle op polisielede vir hulle vuurwapens.

Die Departement van Gesondheid sê bykans 2 miljoen Suid-Afrikaners is reeds teen Covid-19 ingeënt. Die Wes-Kaap is in die greep van 'n derde vlaag van Covid-19-infeksies. Die polisie in Mpumalanga ondersoek die moord op 'n beweerde baasbrein agter renosterstroperysindikate. En die Rand het effens verswak ná die aankondiging deur die Amerikaanse Federale Reserwebank dat hy dalk vroeër as voorspel r...

Die Sol Plaatjie Munisipaliteit word beboet vir sy onvermoë om belangrike waterpompe te herstel. Gauteng se inwoners word aangemoedig om hulle te laat inent, selfs al het hulle nie SMS'e ontvang om afsprake te bevestig nie. 'n Man sterf nadat hy deur 'n tier aangeval is by die Seaview Predator Park in Gqeberha. Ons kry reaksie op die langverwagte ontmoeting tussen die Amerikaanse en Russiese presi...

President Cyril Ramaphosa se fokus op Jeugdag is om werksgeleenthede vir jongmense te skep. Ons kry reaksie op die nuus en kyk na waarom die jeugwerkloosheid syfer so hoog is. Sakevertroue in die landbousektor het 'n algehele hoogtepunt bereik. Die Suid-Afrikaanse Nasionale Redakteursforum is omgekrap oor die swak beriggewing oor die geboorte van 'n tienling in Gauteng.