Ligwalagwala FM Current Affairs

Tinkulungwane tetisebenti letivela kulo lonkhe lakuleli betiyicenye yemashi lebeyiholwa yi-nyonyana yetisebenti iMaanda Ashu Workers Union of South Africa (MAWUSA),ePitoli. Letisebenti letingephansi kweluhlelo lwe-EPWP titsi tifuna bulungiswa, kukhokhelwe kahle kanye nekunakekelwa ngendlela lefanele.  Kukhuluma ngalendzaba sicocisana nemhlelembisi wavelonkhe wenyonyana yetisebenti i-Maanda As...

Liphalamende belibambe umcimbi wekutfulwa kabusha kwesigungu lesitawubukana nesifo sesifuba, iSouth Africa TB Caucus. Lokwetfulwa kabusha kwalesigungu kwentiwe ngekubambisana nelitiko letemphilo velonkhe kanye nemkhandlu lolwa nekwandza kwesandvulelangculazi iSouth African National Aids Council (SANAC). Sicocisana nenhloko yetekuchumana kuSANAC, Nelson Dlamini.

Seyiphotfuliwe lengcungcutsela yemalanga lamatsatfu lebeyimayelana nekugucugucuka kwesimo selitulu  kanye netindlela tekumelana netinhlekelele lebeyibanjelwe e Windhoek kulase-Namibia. Kutfola kabanti kutsi lekuphunywe nani kulengcungcutsela sichumana namcwaningi ngekugucugucuka kwesimo selitulu lophindze abe ngumetfuli wetifundvo te-Communication and Media, University of Johannesburg, Dr San...

Mengameli we-National Freedom Party (NFP) Ivan Barnes ufuna kutsi inhlangano ye-IFP  ihocise Ndvunankhulu wesifundza saKwaZulu Natal Thami Ntuli. I NFP iyso nayitawqehluleka iIFP kutsatsa lesincumo, kutayiphocelela kutsi icubungule kuhlanganyela kwayo kuhulumende wekubusa ngekubambisana kulesasifundza. Lenhlangano isola Ntuli ngekwehlulaka kutsatsela tinyatselo baphatsiswa labasolwa ngenkhohl...

 Likomidi lelibuke tindzaba tabomake, lusha nalabakhubatekile ephalamende lisukumise umkhankaso wekuva luvo lwebantfu mayelana nekugagadlelwa kwebantfwana labangaphansi kweminyaka levumelekile kutsi bangaya emacansini, kuleliviki.  Lotosichazela kabanti ngalomkhankaso ngu Angel Khanyile lolilunga lalekomiti lebukene tindzaba talabasikati, lusha nalabakhubatekile ephalamende.

I-Nigeria itsi ayinakinga ngekusitwa yiMelika ekulweni nemavukelambuso inge nje nayitohlonipha sitfunti sekutimela kwayo njengelive. Loku kuta ngemuva kwelusongo lolwentiwe ngumengameli waseMelika Donald Trump kutsi utawutfumela emasotja eNigeria kuyawula nekubulawa kwema-Krestu. Simeme umhlatiyi wetembangave Prof Bheki Mngomezulu kutokhuluma ngaloludzaba.

Likhomishana lelibukele kutfutfukisa nekuvikela emalungelo etemasiko, tenkholo netelulwimi, iCRL Commision, lisukumise likomiti lelitawucubungula ngetindlela tekutiphatsa kwebafundzisi kanye nemasontfo. Lisekela lasihlalo weRCL Commission George Mahlangu uyasichazela.

Kubikwa kutsi balinganiselwa etigidzini  letisitfupha banftu labashona njalo ngemnyaka ngenca yekuhlaselwa sifo sekufa luhlangotsi. Kuyicoca kabanti lendzaba asamukele Dr Simangele Nkosi. 

Indvuna ehhovisi lamengameli lebukene netindzaba tabo make, bantfwana kanye nalabakhubatekile Sindisiwe Chikunga, ubalule ludlame lolubhekiswe kubomake njengenhlekelele lebukene nalelive le Ningizimu Africa. 

Esigabeni setfu  sekucubungula emabhuku namuhla sikhuluma naDr Alex Maseko lobhale libhuku lelinesihloko lesitsi "Criminal Minds Uncovered." 

Mabhalane waMhlabuhlangene Antonio Guterres, uvakalise kukhatsateka ngalesishingishane lesibitwa nga-Mellisa, lesidale umonakalo lomkhulu eveni lase Jamaica. Lesishingishane sihlasele nakuletinye tindzawo letifaka ekhatsi i-Haiti kanye ne-Bahamas. Kukhuluma ngalesimo simeme sangoma selitulu  Bongani Chibi.

Inhlangano lebuke tikhalo tebantfu labahola imali yesibonelelo sahulumeni iBlack Sash beyivakashele kumasipala waseBushbuckridge. Kepha lotasitjela kabanti kutsi bebatiwentani ngulokhulumela iBlack Sash, Umnumzane Jerome Bele.

Umphatsiswa wetemfundvo kulesifundza seMpumalanga Lindi Masina ukhutsata batali kutsi babe yincenye yeluhlelo lekugcugcutela kufundza. Ukhulume loku kulandzela kwetfulwa kwe-book club yalelitiko.

Litiko letekuphepha kwemango, kuvikeleka kanye nekuchumana kulesaifundza se Mpumalanga selitfule ngalokusemtsetfweni umkhankaso wekucinisekisa tekuphepha njengoba sekusondzela emaholide akuphela kwemnyaka. Lomkhankaso wetfulwe e-Ermelo.  Sikhulumisana nemphatsiswa walelitiki Jackie Macie. 

Sibalo semabhizinisi lavaliwe ngoba angasakhoni kusebenta (Liquidation) senyuke nga 13% kukota yesitsatfu yalomnyaka losetulu, nakucatsaniswa nesikhatsi lesifanako kulomnyaka lowengcile. Sikhulumisana nemhlatiyi wetemnotfo, Mandla Malope.

 Inhlangano yamatekisi i-SANTACO igocota lenyanga yetekutfutsa yetekutfutsa lenesicubulo lesitsi: "Kulwela Kuphepha, Kusebenta Nekwemukela Buchwepheshe: Kwakha Imboni Yematekisi lesimeme. Lokhulumela iSANTACO Rebecca Phala uyasichazela.

Njengoba sesigocota lenyanga yekunakekelwa kwengcondvo, sikhungo setemphilo kuvelonke iNational Health Institute, sitfole kutsi lokucindzeteleka emoyeni nasengcondvweni lokubamba bantfu  ngemuva kwekuhlangabetana nesimo lesikhahlamete ingcondvo, iPost Traumatic Stress Disorder (PTSD), kuvame kubamba kakhulu bomake kunabobabe. Kukhuluma kabanti ngePTSD sicocisana na-Dr Girly Thwala, longudokot...

Intsentseli yemsakato weSABC Motsebi Monareng usibikela ngemcimbi wekwetfulwa kwemkhankaso wetekuphepha ngatikhatsi temaholide ekuphela kwemnyaka kulesifundza seMpumalanga.

Bebavele enkantolo yase Kapa ngasekucaleni kwaleliviki labafundzi labasiphohlongo labasolwa ngekukhombisa bubheva kulomunye umfundzi esikolweni i-Milnerton e-Kapa. Lesento salabafundzi sibonakele ku-video legcwele etinkundleni tekuchumana.  Labasolwa baneminyaka lesemkhatsini kwaleli-17 kanye naleli-18 budzala. Kepha kubuka kutsi yini inkinga lebanga kutsi tikolo takulelive tibukane nalenking...

Tati ngetindzaba tebungebengu titsi kuyakhatsata lokugcwala kwetibhamu emiphakatsini. Titsi kufanele kuciniswe sandla eminceleni kuze kuliwe namkhuba wekufohlisa tibhamu netidzakamiva kulelive. Loku kulandzela kudutjulwe kwabulawe bantfu labasha lababili kwalimala labane eWesbury lekusehlakalo leseyanyaniswa netidzakamiva. Kucoca ngalendzaba asamukele Dkt Mxolisi Mathebula losati setindzaba tebuge...

Ibhodi lelawula kutsengiswa kwetjwala itsi itawucala kukhulumisana nebatsengisi betjwala kuze kuliwe nalomkhuba wekutsi bafundzi batfolakale sebagcwele etindzaweni tekucedza koma. Kubuka kutsi lebhodi isebentisana njani nebanikati betindzawo tekucedza koma, simeme Umnumzane Cedrick Chiloane lovela kulebhodi lelawula kutsemgiswa kwetjwala kulesifundza seMpumalanga.

 Litiko letebulungiswa nekutfutfukiswa kwemtsetfo-sisekelo livakashela eNkhohlakalo, Kabokweni ngase Whiteriver, kulesifundza se Mpumalanga kusasa. Indvuna yalelitiko Mmamoloko Kubayi utawube ahola umkhankaso wekukulwa nemkhuba wekungalandvwa kwetimali tesondlo (Unclaimed Maintanance Monies) kanye naletinye tincabekelwane leteyamene nesondlo. Kutfola kabanti ngalomkhankaso, sikhulumisana nalo...

 Inhlangano lesebentisa emakhambi emvelo kwelapha tifo, iMedical Missionaries itsi bantfu kufanele bantjintje indlela yekuphila kuze kuliwe netifo temdlavuta letibonakala titipha emandla kulelive. Lokhulumela lenhlangano, Tswarelo Masango ucwayisa kutsi kufanele bangtfu banake kutsi badlani futsi basebentisa ini emitimbeni yabo.

Litiko letekubusa ngekubambisana, kuhlaliswa kwebantfu kanye netindzaba tebaholi bendzabuko, i-COGHSTA kulesifundza se Mpumalanga licwayisa bahlali kutsi bacaphele bangatitfoli balutseka batsengiselwa tindlu mbumbulu ngulabatenta tisebenti talelitiko. Lokhulumela lelitiko Freddy ngobe uyasichazela.

Mengameli wenhlangano yebaholi bendzabuko kulelive i-CONTRALESA Kgosi Mathupa Mokoena utsi emakhosi advumele ngalesincumo semalunga eANC kusishayamtsetfo saseMpumalanga Kapa sekuphikisana nesishukumiso lesitsi emakhosi kufanele nawo aniketwe ema-medical aid kanye ne-mphesheni. Simeme mengameli weContralesa, Kgosi Mokoena.