Ligwalagwala FM Current Affairs

 I South Africa Leterary  Awards (SALA) seyimemetele ngalabacokwe kuyoncintisana emcinini wekuhlonipha babhali nebashicileli. Labaphumelele batawuklonyeliswa emcimbini welihlandla lema-20 wemaSALA lotawubanjwa mhla tili-11 kuLweti 2025, eRoodepoort Theatre and Museum. Sicocisana nalomunye webabhali lebacokiwe kulomcimbi weSALA, Muntomuhle Silindokuhle Mcambi.

Mengameli waseMelika Donald Trump utsi angeke basatfumela lotawumelela lelalive kulomhlangano we-G20 lekulindzeleke ibanjelwe kuleli leNingizimu Africa kulenyanga lesetulu. Lesimemetelo saTrump sifika sekusele emalanga lali-12 ngembi kwekutsi kubajwe lomhlangano wemalanga lamabili. Umhlatiyi wetembangave Thulisa Ndlela utsi siyacaka lesicumo seMelika ngoba tiphatsimandla takulelalive betiyincenye...

Lihhovisi letibalo likhiphe umbiko lotfusako mayelana nekwenyuka kwelinani lebantfwana lebakhulelwa basebancane. Letibalo tikhombisa kutsi emkhatsini wa January lomnyaka lophelile na February lonyaka, kubelekiswe bantfwana labangu-123 000 labaneminyaka lesuka kulengu-19 budzala kuya phasi, lobafaka ekhatsi labangu- 2 108 lebaneminyaka leli-10 kuya kuleli-14 budzala. Kubuka kutsi yini lebanga kutsi...

Likomishana letebatsengi kuvelonkhe i-National Consumer Commission limemetele ngekujikiswa emakethe kwetimoti teluhlobo lwe Lexus. Kutfola kabanti ngalendzaba, sichumana nalokhulumela lelikhomishana, Phetho Ntaba.

Esigabeni setfu  semabhuku, namuhla sikhuluma  ngelibhuku lelibhalwe nguLindokuhle Shabalala lelitsi "Marvel Not".

Litiko letemfundvo lesisekelo lisemkhankaso wekuhlola labo labafundzela buthishela kutsi abanawo yini emacala ekunukubeta banfwana. Kubikwa kutsi litiko  letemfundvo lichuba lomkhankaso  ngekubambisana nemkhandlu lolawula bothishela i South African Council of Educators (SACE). Kukhuluma ngalendzaba sicocisana nelisekela lamengameli wenyonyane yabothishela i-NATU, Mandla Mabuza. 

Lokubulawa kwalabo dzadze lababili lekungu Baleseng naTshiamo Moramaga baseMamelodi kususe umsindvo lomkhulu kulelive leningizimu Africa kanye nasetinkundleni tekuchumana. Tebogo Mnisi lekunguye losolwa ngekubulala laba lababili, kukholakala kutsi bekadze asingani samunye walabo dzadze. Nanobee kunjalo, imibiko lengakacinisekiswa iveta kutsi laba lababili bebagijimisa imali ebantfwini labadvuna. N...

Indvuna yemaphoyisa leniketwe likhefu lelikhetsekile Senzo Mchunu umikise tonkhe tinsita takhe tetebuchwepheshe letifaka bomakhalekhikhini nebangcondvomshini njengencenye yeluphenyo leluchubekako. Kubuka kutsi kusho kjutsini loku, sikhulumisana nesolwati ngetebugebengu Dkt Mxolisi Mathebula.

Bameli baloyi bekayindvuna yetinkapane tembuso Malusi Gigaba bebahlangene netiphatsimandla teluphiko lwe Investigating Directorate Against Corruption (IDAC) ePitoli. Intsatseli ye SABC Samkele Maseko uyasibikela

Babuyiselwe esitokisini basolwa lababili lebaboshelwe kubulala Lusanda Mathabela, lobekaneminyaka lelishumi nemfica budzala. Lomunye walabasolwa kutsiwa besekahlukene naLusanda. Kuva kutsi kwentekeni, sikhulumisana nalokhulumela umndeni wakaMathabela, longange-Mnumzane Ali Sibiya.  

Licembu lebasubatsi lalapha eMbombela kulesifundza seMpumalanga iBellas Athletics Club isukumise umkhankaso wekuhamba noma kugijima emakhilomitha l;asemkhatsini kwalasiholanu nalalishumi njengendlela yekuvakalisa kukhala ngekubulawa ngesihluku kwa-Lusanda Mathabela. Mathabela, lobekaneminyaka lelishumi nemfica kusolwa kutsi ubulewe ngulobeksingani sakhe naso lebesineminyaka leli-19 kanye nemngani...

Sekusele emalanga lambalwa kutsi kubanjwe inkomfa letawubonisana ngetindzaba tekugucugucuka kwesimo selitulu yelihlandla lemashumi lamatsatfu (COP30), letawubanjelwa e Brazil. Nanobe kunjalo, labanye bacwaningi batsi tinkinga letikhungetse lelive letifaka ekhatsi kuswelakala kwematfuba emsebenti, bugebengu netenhlalo tenta kube matima kutsi lusha litibandzakanye etindzabeni letimayelana nekugucugu...

Inhlangano i MK Party seyimemetele ngekumisa lisekela lemengameli wayo nalophindze abe ngumholi walenhlangano ephalamende, Dr. John Hlophe. Kubikwa kutsi lesincumo sitsetfwe ngumengameli walenhlangano mnumzane Jacob Zuma ngekubambisana nebuholi lobusetulu balenhlangano. Kuyibuka ngeliso lemhlatiyi lendzaba, simeme solwati wetindzaba tepolitiki Prof Bheki Mngomezulu.

Tibalo takamuva letikhishwe baka Stats SA tiveta kutsi lenyukile linani lebantfwana labakhulelwa basesebancane. Letibalo tikhombisa kutsi emkhatsini wa January nyakenye kanye na February lonyaka, kubelekiswe bantfwana labangu-123 000 labaneminyaka lesuka kulengu-19 budzala kuya phasi, lebafaka ekhatsi labangu- 2 108 lebaneminyaka lelishumi kuya kulelishumi nakune budzala.  Kukhuluma kabanti n...

Ndvunankhulu walesifundza seMpumalanga Mandla Ndlovu utawubamba umhlangano nalabo labayincenye yemkhandlu wesifundza lolwa nebudlovu lobuyamene nebulili kanye nekubulawa kwebantfu labasikati i-Council on Gender-Based Violence and Femicide (GBVF).  Kuva kabanti ngaloku asemukele Mandy Malope loyi-Technical Monitor ye-GBVF kulesifundza se-Mpumalanga

Litiko letekuchumana netebucwepheshe libambe inkomfa lebuka tindlela tekulwa nebugebengu lobentiwa ngetebuchwepheshe, leseyingena elangeni lesitsatfu eThekwini namuhla.  Kubuka lokwenteka kulengcungcutsela sikhulumisana neChief Information Security Officer, Doreen Mokoena.

 Likomishana lemalungelo eluntfu belihlangene netinhlaka letahlukene eNshonalanga Kapa kutewubonisana ngemtselela wemagenge (gangsterism) emphakatsini. Kubuka kutsi kuhambe njani futsi lingenelela njani lelikhomishana, sicocisana naNkomishana Asenza Gungubele

Namuhla lilanga lekuchushisa ngesifo samalaleveva kulesigodzi seSADeC. Litiko letemphilo kulelive litsi bacishe babe tinkulungwane letine bantfu lebalashelwa lesifo samalaleveva kumnyaka timali wanga- 2024/2025. Ngekusho kwalelitiko letibalo tikhombisa kwehla naticatsaniswa naseminyakeni leyandvulela lena.  Kukhuluma kabanti ngaloludzaba simeme umphatsi weligumbi lelilwa namalaleveva, Umnumza...

Libamba lendvuna yelitiko lemaphoyisa Firoz Cachalia utsi ngekubona kwakhe lomhlangano nebetindzaba waNkomishana wemaphoyisa KwaZulu Natal Nhlanhla Mkhwanazi ngaKholwane bewungakafaneli. Cachalia abevele phambi kwekomiti yesikhashane ePhalamende lephenya ngetinsolo tekuphepha kwelive. Kuhlatiya lobufakazi ba Cachalia sikhulumisana nasolwati ngetindzaba tebugebengu Dkt Mxolisi Mathebula ........

Inkantolo lenkhulu eGauteng iyale masipala waseJozi kutsi anonophise luhlelo lwekutfola imininingwane yabo bonkhe labantfu labatsengisa emgwacweni. Loku kuta ngemuva kwekutsi i-Socio-Economic Right Institute (SERI), imikiseke lomasipala enkantolo mayelana nekususwa kwalabantfu labaphila ngekutsengisa emgwacweni yase-Jozi.  Simeme mabhalane we-South African Informal Traders Forum kutewukhuluma...

Inhlangano iMK Party seyimemetele kutsi icoke Des van Rooyen njengasosiswebhu lomusha walenhlangano ephalamende. Lesikhundla besiphetfwe nguCollen Makhubele. Sicocisana nemhleli wetindzaba tepolitiki khona lapha kaSABC, Mzwandile Mbetje.

Sicele umhlatiyi wetembangave Umumzane Thamsanqa Malinga kutewubuka lomsindvo losuke emkhatsini wetinhlangano tepolitiki esifundzeni saKwaZulu Natal. I MK Party seyetfule siphakamiso sekungametsembi Ndvunankhulu Thami Ntuli ngemuva kwekutsi iNFP ibite iIFP kutsi ihocise Ntuli njengeNdvunankhulu wesifundza.

Mengameli Cyril Ramaphosa uphindze wabuyelisela Umnumzane Mosotho Moepya esikhundleni  sasihlalo welikhomisha lelukhetfo i IEC. Mengameli uphindze uphindze wacoka nalabanye bonkhomishana balelikhomishana lebatawusebentela iIEC. Kuyibuka lendzaba simeme umhlatiyi wetepolitiki, Prof Ntsikelelo Breakfast.

Njengobe titintsatfu enyangeni ye Lweti namuhla indvuna lebuke tindzaba tabomake, lusha kanye nalabakhubatekile ehhovisi lemengameli, Sindisiwe Chikunga, beketfula inyanga yekufundzisa ngemalungelo ebantfu labakhubatekile. Sicubulo salonyaka sigcile kakhulu ekucinisekiseni kutsi yonkhe imikhakha isebenta ngekubambisana kuze nalabakhubatekile badlale indzima kuyo yonkhe imikhakha yetemnotfo. Kubuka...

Likhomishana laMadlangan belilalele bufakazi ba Lt-General Patrick Mbotho longulomunye webaphatsi bema-Hawks ngaloku lokwenteka nakutseleka emaphoyisa emtini waKatiso Molefe ngenyanga yeNgongoni kulomnyaka lophelile.  Kuhlatiya lobufakazi sikhulumisana nasolwati wetindzaba tebugebengu Andy Mashaile.