Ligwalagwala FM Current Affairs

Litiko letemphilo litsi selilungise tibhedlela letingema-36 kulelive kulandzela kwesaba kutsi sifo se-Ebola singahle sibhebhetsekele nakulelive. Kukhuluma ngalolludzaba asemukele Dr Vusi  Masombuka.

Kulindzelele avele phambi kwelikhomishana laMdlanga namuhla, Vusumuzi "Cat" Matlala. Sikhulumisana nemmeli, Bongani Matsane ngalesingakulindzela.

Balinganiselwa ema-35 bazwali lesebashonile kusukela kucale ingoma yasebusika kulelive le Ningizimu Africa. Tisihlanu tifundza letitsintsekako kantsi sifundza se Mpumalanga sihamba embili njengobe bazwali labashonile balinganiselwa ekulabali-17. Simeme mengameli wenhlangano yebaholi bendfzabuko iCONTRALESA, Kgoshi Mathupa Mokoena.

Inhlangano ye-EFF itilungiselela kubamba umcimbi wekugubha iminyaka leli-13 yasungulwa mhla ka-25 kulenyanga. Lomcimbi utawuhambisana nekwetfulwa kwemhlahlandlela welukhetfo walenhlangano. Sikhulumisana nasihlalo we-EFF kulesifundza se Mpumalanga, Collen Sedibe.

Sikhwama  lesilondvolota timali tetisebenti tembuso, i-Public Investment Corpration (PIC), simise kwesikhashana emsebentini iCEO yaso, Patrick Dlamini. Kuyibuka lendzaba simeme somnotfo lophuma enkapanini iNkunzi Wealth Group, Lunga Mahlaba.

Bashayeli bemaloli batsi sekuyasebenteka eMozambiki ngetulu kwalemibhikisho lecubuke kulelive lemayelana nekucoshwa kwebantfu bangaphandle lebanganamaphepha ekuba kuleli. Kukhuluma ngaloludzaba, sicele umshayeli weloli lolilunga le-All Truck Drivers Forum and Allied South Africa, Vusi Ngcane.  

Lenyanga yaKholwane itsatfwa njengeyekucushisa ngekunakekelwa kwengcondvo. Tati ngetekutfotjwa kwengcondvo  titsi ingcondvo sitfo semtimba lesinganakekelwa njengaletinye, nanobe seyikhombisa timphawu tekutsi seyitfwele noma idvonsa matima. Kukhuluma ngalersimo sicele dokotela lotfoba ingcondvo (Clinical Psychologist) Elmon Mpangane.

Mabhalane we-ANC kulesifundza se-Mpumalanga Muzi Chirwa wenta lubito kumalunga emphakatsi  lanelwati ngalesigameko sekubulawa kwebantfu eMkhuhlu kutsi abambisane nemaphoyisa kuze kuboshwe labatsintsekako.

 Licala la Vusimuzi "Cat" Matlala selihlehliselwe ku September kulomnyaka kulandzela kutsi ahocise sivumelwano bekasente nelihhovisi letekushushisa iNPA. Kutfola kutsi lokuhoca kwakhe kulesivumelwano kusho kutsini, sikhulumisana nemmeli longumsunguli weMatsane Attorneys, Bongani Matsane.

Tibonakala tandza tehlakalo tekudutjulwa kubulawe bantfu eCalcutta, eMkhuhlu kulesifundza seMpumalanga. Loku kulandzela sehlakalo sakamuva lapho kudutjulwe kwabulawa bantfu labane kuleLisontfo lesisuka kulo. Simeme umphatsiwa wetekuphepha kwemphakatsi, kuvikeleka nekuchumana e Mpumalanga,Jackie Macie.

Indvuna yhetebudlelwano nemave angaphandle Ronald Lamola utsi kunyenti lokuvunyelwene ngako lekutawutfutfukisa lelive kuloluhambo lwemengameli Cyril Ramaphosa lekuvakashela eFrance ngekwesikhundla sakhe. 

I University of Mpumalanga, eMbombela, itawusingatsa ingcungcutsela yenhlangano yabothishela betibalo iAssociation for Mathematics Education of South Africa (AMESA). Lengcungcutsela itawutsatsa emalanga lasihlanu. Kuva kabanti ngalengcungcutsela sichumana nasihlalo weAMESA Kkulesifundza, Nkosinathi Nkambule.

Mengameli Cyril Ramaphosa uvakashe ngekwesikhundla sakhe eveni laseFrance  tinsuku letintsatfu. Kubuka kubaluleka kwaloluhambo, sikhulumisana nemhlatiyi wetemave emhlaba, Prof. Mbekezeli Mkhize.

Mengameli wenhlangano yebaholi bendzabuko, iContralesa, Kgosi Mathupa Mokoena, utsi ngetulu kwekutsi abahambisani nemagama lakhiswe Silo Misizulu kaZwelithini kuletitfombe letinyakatako, kepha kubalulekile kungakhipheli ngaphandle tibi tasendlini. 

Kulesimo semnotfo lesitfwese matima bantfu labanyenti bakulelive, beluleki ngetetimali bayachubeka  nekugcugcutela bantfu kutsi batetayete konga imali. Banatfu labanyenti bakhala ngekutsi imisebenti iyikho, imiholo ayikhuphuki emsebentini futsi nematfuba ekuvula emabhizinisi alufifi. Yini lokumele yentiwe bantfu kwetama kuphila nekonga lokutsite kuloku lokuncane labatsi banako? Kwetama kucush...

Licembu lebantfu labasha e-Pienaar ngaphandle kancane kwe-Mbombela kulesifundza se-Mpumalanga libambe umhlangano lobitwa nge Youth Economic Empowerment Indaba. Labantfu labasha batsi bafuna kulungisa tinsayeya letibukene nelusha letifaka ekhatsi kuswelakala kwemsebentii, bugebengu netidzakamiva. Kuyiva kahle lendzaba sicocisene nalomunye webahleli bale- Youth Indaba, Innocent Msibi.

Mengameli we CAF Dr Patrice Motsepe wendlulisele emavi ekudvudvuta umndeni, badlali, bangani kanye nebalandzeli beMamelodi Sundowns kulandzela kwendlula emhlabeni ngekutuma lokukhula kwemdlali weBafana Bafana nayo iSundowns Jayden Adams. Imibiko ngekushona kwaAdams ifike esiveni itolo. Kukhuluma ngalokwendlula emhlabeni kwalomdlali, asemukele intsatseli yetemidlalo David Samkethe.

 Tibalo letikhishwe kamuva tivete kutsi bangetulu kwema-20 bantfu labatibulalako malanga onke kuleli kantsi linyenti labo bantfu labadvuna labasemkhatsini kweminyaka leli-15 kuya ema-29. Yini lengentiwa ekulweni nalesihlava sekutibulala ikakhulukati kubesilisa? Kusibuka lesimo sememekele Dr Sanele Gamede loyi Life Coach 

Sikhungo setekuvakasha nekongiwa kwemvelo kulesifundza, iMpumalanga Tourism and Parks Agency (MTPA), sitsi isakhulumisana nalamave lesakhelene nawo iMozambiki neSwatini mayelana nekucinisekisa kuvikeleka nekuphepha kwetivakashi letihambela lamave lamatsatfu lafaka ekhatsi nayo iNingizimu Africa. Loku kulandzela kuvela kwetitfombe letinyakatako letikhombisa tivakashi taseNingizimu Africa kwangatsi...

Namuhla esigabeni setfu semabhuku sicubungula libhuku lelibhalwe ngu Khensani Sayiya loneminyaka lengemashumi lamabili nesihlanu wase Gobhoza e Pienaar kulesifundza se Mpumalanga lelitsi " I saw it with my naked eye".

Masipala  we City of Mbombela, ubita bantfu labeswele nalabaluphele labanebumatima ngekubhadaka tinsita kutsi bete ngaphambili batobhalisela luhlelo lwe-indigent programme. Kepha kuva kabanti ngaloluhlelo asamukele umphatsi weligumbi lelibuke kubhadalwa kwetinsita kuCity of Mbombela,  Phumula Mathebula  

Sikhungo lesibitwa nge-Public Intrest South Africa, sifake simangalo ephikweni lemaphoyisa leliphenya ngenkohlakalo ema Hawks, lapho sikhala ngelibamba laNkomishana wemaphoyisa kulelive, Lt- General Puleng Dimpane. Sikhulumisana nasolwati ngetebugebengu, Dr Mxolisi Mathebula.  

Likomishana letebatsengi kulelive lecwayisa batsengi babuyisele timoti tabo taka-BMW njengoba kutfolakele kutsi kunenkinga letsite ledzinga kulungiswa. Lelikomishana litsi timoti letitsintsekako i-BMW 3 series, 4 series, kanye naleminye imhlobo yakhona ka-BMW. Litsi letimoti nguletatsengwa kusukela nga-2016 kuta phammbili. Kuyiva kahle lendzaba sichumana nalokhulumela lelikhomishana Phetho Ntaba.

Emaphoyisa esifundza seMpumalanga aphenya emacala lamabili ekushona kwendvodza nemshana wayo loneminyaka lemine budzala eMalahleni. Sicele lokhulumela emapghoyisa esifundza seMpumalanga Col. Mavela Masondo kutosichazela.

Inhlangano leyengamela kusebenta kwetiphaza eThekwini iFood4Nation itsi ayisilo liciniso lemibiko letsi tintfo letitsengiswa etiphaza setiyabita kusukela kucoshwe bekufika lebanganamaphepha ekuba kuleli ngalokusemtsetfweni. Umsunguli weFOOD4NATION Sakhile Mokoena banyenti lebafuna kucekela phansi sitfunti sabosomabhizinisi labancane.