Ligwalagwala FM Current Affairs

Bahlali baseTonga esigodzini sase-Nkomazi kulesifundza se-Mpumalanga bebagcwele titaladi ngemphelasontfo bavala titolo tebantfu labachamuka emaveni angaphandle. Simeme lomunye walabahlali, Noxolo Mtileni, kutosichazela matfupha.

Emaphoyisa kulesifundza seMpumalanga atsi kunemsolwa loboshiwe kulandzela kubulawa kweliphoyisa kanye nekulimala kwalelinye eBushbuckridge. Lamaphoyisa lamabili abebitelwe kuyophenya ngesehlakalo seludlame lwasekhaya.  Sicele lokhulumela emaHawaks eMpumalanga Khenela Magonseni Nkosi kutosichazela ngalesehlakalo. 

Live lase-Spain kube ngilo  boshampeni bemchudzelwano wendzebe yemhlaba iFIFA World Cup 2026. Lomchudzelwano wemhlaba ebholeni letinyawo bewusingatfwe mave lamatsatfu, i-Melika, Mexico ne-Canada. Kubuka kancane lokwenteke kulomchudzelwano simeme umhlatiyi wetemidlalo, Prof Sibusiso Mazibuko

Umbiko welihhovisi letibalo kuleli uveta kutsi balinganiselwa ku50% bantfu labangakujabuleli kuba semsebentini ngoba basola kutsi kubabangela kukhungatseka engcondvweni nekudzangala emoyeni. Lombiko uphindze utsi loku ngulesinye setizatfu letenta bantfu balove emsebentini. Kantsi lesimo sichubeka ngetulu kwekutsi tinkapani letinyenti tinetinhlelo tangekhatsi letihlose kunakelela simomphilo setiseb...

Sifundza se Mpumalanga sihamba phambili ngesibalo sebasokwa lebashonele engomeni.  Ngasekucaleni kwaleliviki indvuna yelitiko lekubusa ngekubambisana nabohulumende basemakhaya Velenkosi Hlabisa umemetele kutsi bangema-43 basokwa labashonele engomeni kuvelonke kantsi kulesifundza seMpumalanga bali-18. Simeme sihlalo wekomiti lelibukele tingoma eMpumalanga, Inkosi Bongani Mahlangu.

Kuyobe kusephuka tidzindzi enkundleni yetemidlalo i-KaNyamazane Stadium njengobe kuyobe kutfolene etulu emacembu lamane akulesifundza emchudzelwaneni i-Mpumalanga Premier's Cup. Lamacembu latawube adlala afaka ekhatsi TS Galaxy, Kruger United, The Bees kanye ne-Casric Stars. Sicocisana nalokhulumelalitiko letemasiko, temidlalo nekukhibika  eMpumalanga, Sibongile Nkosi.

Licembu lebantfu lelyincenye ye-Trek4Mandela lucale luhambo lekucanca intsaba i-Mount Kilimanjaro e-Tanzania kuleliviki njendlela yekukhumbula nekuhlonipha umshiyandvuku wemengameli waphambilini kuleli Nelson Mandela. Kukhuluma kabanti ngalomkhankaso, simeme lovela ku-Imbumba Foundation, Siyavuya Yawa.

Namuhlka umhlaba weonkhe ubungata lilanga laMandel, iNelson Mandela International Day, lapho bantfu kulindzeleke bakhombise buntfu njengendlela yekuhlonipha lomholi  longasekho emhlabeni.  Kepha ingabe lesimo lesiphila kuso kulamalanga sibanga kutsi bantfu batikhohlwe imvelaphi yabo kanye nekubonelela labanye labeswele? Busekhona yini bona buntfu? Sicocisana neMfundisi Sipho Fakude, love...

Kushone bantfu labatsatfu engotini leyenteke entsabeni iHilltop emkhatsini kwe Mbombela ne Baberton kulesifundza se Mpumalanga itolo ntsambama. Kutfola kabanti sinalokhulumela litiko lekuphepha kwemango kuvikeleka netekuchumana, Moeti Mmusi. 

Namuhla esigabeni setfu sekucubungula emabhuku sibuka libhuku lelinesihloko lesitsi "After Rapture, A story of a pastor who was left behind" lelibhalwe nguErens Mangalana. 

Mengameli welive le Ningizimu Africa, Cyril Ramaphosa kanye namengameli wase-Namibia  bebabambe umhlangano we bi-national commission welihlandla lesine. Inhloso yalomhlangano kukucinisa budlelwane nekuhwebelana emkhatsini walamave lamabili. Sikhulumisana nasomnotfo Lunga Mahlaba.

Bashayeli bematekisi lebangaphansi kweTop Star basukumise umkhankaso wekucosha bashayeli lebachamuka emaveni angaphandle lebangenawo emaphepha labavumela kusebenta kulelive. Sikhulumisana nalomelele bashayeli bematekisi kuTop Star, Mthunzi Sibiya 

Masipala wase-Mbombela kulesifundza sase-Mpumalanga ukhiphe satiso sekufuna kudzilitela bonkhe labatsengisela emigwacweni babe bangenamvumo. Lokhulumela masipala weCity of Mbombela Joseph Ngala uyasichazela.

Namuhla kuboshwe lofakazi lowatiwa ngekutsi ngu Witness K,lowaftula bufakzi phambi kwelikhomishana laMadlanga. Kuyibuka ngeliso lemhlatiyi lendzaba simeme solwati ngetebugebengu, Dr Mxolisi Mathebula...........  

I Action SA isemkhankasweni wekukhipha bonke bantfu labangene kuma-RDP lekungasiwo abo eGauteng. Sikhulumisana nelilunga layo  iActionSA Zandile Dubula.

Kuladzela kumenyetelwa kwelilanga lekutawubanjwa ngalo lukhetfo lwabohulumende basekhaya lwamhla ka-4 kuNovembver, tinyenti tinhlangano letivelile letifuna kuchudzelkana kulolukhetfo. Lenye yaletinhlangano letisandza kusungulwa yiService Delivery Party (SDP), lecoke lowake waba ngumngcinimafa weANC eMpumalanga, Umnumzane Mandla Msibi njengemchumanisi wayo i-SDP.  Sinaye Umnumzane Mandla Msibi...

Ayachubeka nekungena emavi ekudvuduvuta umndeni kanye nebalingani kulandzela kwendlula emhlabeni kwemlingisi Seputla Sebogodi. Umufi ushone itolo aneminyaka lengu-63 budzala.  Sikhulumisana nalomunye umlingisi weludvumo Desmond Dube

Bangetulu kwesigidzi banftu lesebaphumulile kumbe lebangasacishelwa gesi ngekulandzela luhlelo lwe-Load Reduction. Inkapani lephakela gesi kuleli i Eskom, itsi tisitfupha tifundza lesetikhishwe kulelihlelo lekusebentisa gesi ngekwabelana. Lokhulumela lenkapani Dapheny Mokoena uyasichazela

Likomishana laMadlanga liphakamise kutsi litawubita bodokotela labelapha Suliman Carrim lokwahlehliswa kulalelwa kwebufakazi bakhe kulelikhomishana ngenca yekugula. Lesiphakamiso salelikhomishana silandzela imibiko letsi lowa-Carrim ubonakele ajangaza etitolo anebangani bakhe. Kutfola kutsi ingabe bodokotela banawo yini emandla ekudzalula kugula kwesigulane sabo lebebasilapha nasebagunyatwa ngumts...

Sekusuke umsindvo kulabanye labahola sibonelelo sahulumende kulesifundza seMpumalanga lapho bakhala ngekutsi i-SASSA ivale timali tabo ngaphandle kwekubatisa. Batsi loku kwenteka ikakhulukati nangabe kube nemadlana lebonakalako ingena kuma-account abo. Kuyikhuluma lendzaba , sicele lokhulumela iSASSA eMpumalanga Senzeni Ngubeni

Licembu lebantfu labasebasha  leliyincenye ye-Trek4Mandela selicalile luhambo lekucanca intsaba i-Mount Kilimanjaro e-Tanzania. Balinganiselwa ema-40 bacanci lesebacalile kwenyuka lentsaba lenkhulukati kulelivekati le-Africa. Kutfola kahle ngaloluhambo asamukela Bongani Makwakwa loyincenye yalabacanci.

Baka Mhlabuhlangene kanye nemave ase Europe sebavakalise kukhatsateka ngemitamo yakamuva yekufuna kuhlakata inkantolo yebugebengu yemhlaba i International Criminal Court. Loku kulandzela kutsi iMelika isukumise umkhankaso wekuhlakata lesikhungo. Kutfola kabanti kutsi tishoni letingucuko sikhulumisana nesati setemtsetfo, Mpumelelo Zikalala lovela enkapanini yebameli i Zikalala Attorneys

Likhomishana laMadlanga likuhlehlisele kumhla ka-8 Inyoni kulalela bufakazi ba-Vusimuzi "CAT" Matlala. Kubuka loko lokwenteke namuhla kulelikomishana asamukele sati ngetebugebengu Dr Mxolisi Mathebula............

Esigabeni setfu setindzaba telukhetfo ngabolwesitsatfu neIEC, likhomishana lelukhetfo iIEC ligcugcutela kubaluleka kwekutsi bantfu bayobhalisela kuvota elukhetfweni lolutako lwabohulumende basekhaya. Simeme lokhulumel iIEC eMpumalanga, Thanduxolo Chembeni. 

 Sekunekushayisana kwemibono ngalokucoshwa kwaNdvunankulu wesive semaZulu Umfundisi Thulasizwe Buthelezi silo. Silo Misizulu kaZwelithini ubese umemetela i-eNkosi Phathisizwe Chiliza njengaNdvunankhulu lomusha wesive saZulu. Kuyifakela tibuko lendzaba simeme somlandvo, Khaya Ndwandwe.