Lemos para ti

Lectura do poema "Hombre preso que mira a su hijo", do novelista, poeta, dramaturgo e crítico uruguaio pertencente á Xeración do 45, Mario Benedetti (Paso de los Toros, 1920 - Montevideo, 2009).

Fragmento de lectura da novela “A ira dos mansos” do escritor e médico vigués Manuel Esteban (1971). A obra, galardoada co Premio Xerais de Novela no ano 2016, enmárcase dentro do xénero de novela negra, cun claro enfoque social e crítico que nos convida á reflexión e á superación de prexuízos.

Fragmento de lectura do relato "A casa tomada", incluído no libro "Bibliópatas e fobólogos" da escritora coruñesa Emma Pedreira (1978). Unha obra publicada na Editorial Galaxia e galardonada co Premio da Crítica Española de Narrativa Galega no ano 2017.

Lectura do poema “Fotosíntese”, incluído no libro “Diáspora do amor balea” de Andrea Nunes Brións (Marín, 1984) e María Rosendo Priego (Vigo, 1984). Esta obra, publicada na editorial Caldeirón no ano 2018 foi gañadora do XII Premio de Poesía Erótica Illa Sisargas (2017).

Fragmento de lectura do relato “Saúde e arroutada”, incluído no libro “Contos da Coruña” do músico, cantante, locutor e escritor Xurxo Souto (A Coruña, 1966). A obra, publicada na editorial Xerais, convida aos lectores e lectoras a unha apaixonante viaxe ao fondo da memoria da cidade da Coruña e dos seus barrios.

Fragmento de lectura da novela “Un amor pequeño” (Anagrama, 2004) do escritor e director da Escola Contemporánea de Humanidades Alejandro Gándara (Santander, 1957). Unha obra sobre a natureza do amor nunha sociedade gobernada polo diñeiro e a ditadura do presente.

Fragmento da lectura da novela "O que non sabías" da autora tinerfeña Elba Pedrosa (Santa Cruz de Tenerife, 1973). Esta novela, de corte intimista, é unha novidade do mes de marzo da colección Narrativa da Editorial Xerais.

Fragamento de lectura da novela de Agustín Fernández Paz (Vilalba, 1947 - Vigo, 2016), "Non hai noite tan longa". Obra publicada pola editorial Xerais no ano 2011 e recoñecida cos seguintes galardóns: Premio Redelibros ao mellor libro de ficción, Premio Fervenzas Literarias ao mellor libro de narrativa para adultos, Premio Irmandade do Libro ao mellor libro galego do ano 2011, Premio Ánxel Casal a...

Fragmento de lectura da novela "Cartas a Lelo" de Xosé Neira Vilas (Vila de Cruces, Pontevedra, 1928 - Gres, 2015), publicada orixinalmente en Edicións do Castro en 1971. Neira Vilas foi recoñecido co Premio da Crítica Galega e é o autor da novela máis traducida e máis vendida da literatura galega: "Memorias dun neno labrego".

Fragmento de lectura da novela "A filla da patrona", de Xoan Xesús González, mestre, xornalista, avogado, escritor e político galego nado en Sebil (Cequeril, Cuntis) no ano 1895 e finado en Santiago de Compostela no ano 1936.

Lectura do relato breve "Agarda longa ao sol", recollido no libro "Vento ferido" do escritor ourensán Carlos Casares (Ourense, 1941 - Nigrán, 2002). A obra inclúe un total de doce relatos breves e foi publicada inicialmente no ano 1967 pola Editorial Galaxia.

Lectura dun fragmento do poemario "ELexías a Lola" da autora galega Xohana Torres Fernández. Poeta, dramaturga e escritora, Xohana é unha referencia obrigada na historia da literatura galega da segunda metade do século XX, recoñecida co Premio da Crítica, en 1980, polo poemario "Estacións ao mar".

Fragmento de lectura da novela de corte social "Remexido de patacas" da polifacética autora galega Eli Ríos (Londres, 1976). A obra, gañadora do XL Premio Modesto R. Figueiredo, foi publicada pola editorial Baía no ano 2019.

Lectura da historia de transmisión oral "O pirata Moitabarba" recollida no libro "Contos para nenos que dormen deseguida", de David Pintor (A Coruña, 1975) e Carlos López (Boimorto, A Coruña, 1967), dous humoristas gráficos máis coñecidos por Pinto Chinto. O libro foi publicado na editorial Kalandraka e contén un total de vinte e oito contos breves.

Lectura de poema "Deitado frente ao mar" do escritor ourensán Celso Emilio Ferreiro (Celanova, 1914 - Vigo, 1979), máxima figura da poesía social e políticamente comprometida coa cultura de Galicia.

Fragmento do relato "Grieih", incluído na obra "Percival e outras historias" do escritor e político galego Xosé Luís Méndez Ferrín. A obra, dedicada a Ramón Piñeiro e Ramón Otero Pedrayo, foi publicada orixinalmente na colección Illa Nova da Editorial Galaxia no mes de febreiro de 1958.

Poema escrito en 1958 da poeta, tradutora, crítica literaria, compositora e ensaísta uruguaia Idea Vilariño Romani (Montevideo, 18 agosto 1920 - Montevideo, 28 abril 2009).

Poema "Distinto" de Juan Ramón Jiménez (Moguer, 1881 - Puerto Rico, 1958).

Epílogo da obra “Cando petan na porta pola noite” (Premio Nacional de Literatura Infantil e Xuvenil 1995), do recoñecido e galardoado escritor e mestre galego Xabier P. Docampo (Rábade, 1946 – A Coruña, 2018).

Fragmento da autobiografía da bailarina, mestra e directora Maya Plisétskaya (Moscú, 1925 – Múnich, 2015). Toda unha lenda da danza clásica.

Fragmento da novela de intriga “El sueño eterno”, do escritor estadounidense Raymond Chandler (Chicago, 1888 – California, 1959) e publicada orixinalmente no ano 1939.

Fragmento de “Válido para unha viaxe”, do escritor, poeta e intérprete interdisciplinar Pau Gener (Sant Celoni, 1977). Traducido ao galego por Brais Estévez Vilariño e publicado en Estaleiro Editora.