Handkastið

Stymmi Klippari fékk þá Ásgeir Jónsson og Ásgeir Gunnarsson til sín í stúdíó til að fara yfir fyrstu umferðina í Olísdeild karla og kvenna. Félögin virðast flest koma vel undan sumri og eigum við vona á æsispennandi móti í allan vetur.

Keppnistímabilið í Olísdeildinni fer af stað í vikunni og Handkastið hefur opinberað spá sína en það þurfti tvær tökur til. Meistarakeppni kvenna fór fram um helgina þar sem Valur hafði betur. Verið með okkur í allan vetur.

Enn eitt tímabilið er að hefast og Handkastið verður að sjálfsögðu með ykkur í allan vetur. Ásgeir Jónsson og Einar Ingi Hrafnsson kíktu í stúdíóið til Stymma og ræddu sumarið og félagsskiptin í sumar. Verið með okkur í allan vetur.

Sigursteinn Arndal þjálfari Íslandsmeistara FH kíkti til okkar í spjall um tímabilið. Hlustendaverðlaun Handkastsins voru einnig veitt. Takk fyrir tímabilið.

Fórum yfir úrslitaeinvígi UMFA og FH þar sem FH-ingar tryggðu sér Íslandsmeistaratitilinn 3-1. Dregið var í riðla fyrir HM2025 þar sem Ísland mun spila í Króatíu.

Fengum Aðalstein Eyjólfsson til okkar í stúdíó-ið að ræða leik FH og UMFA. Valsmenn skrifuðu söguna með því að tryggja sér Evrópumeistaratitilinn þegar þeir unnu Olympiakos í vítakastkeppni.

Fórum yfir leik UMFA og FH í fyrr í kvöld þar sem innkoma Arons breytti öllu. Farið var yfir félagsskipti innanlands og velt því upp hvort UMFA spili með 3 markverði innanborðs á næsta tímabili.

Afturelding leiðir í baráttunni við FH um Íslandsmeistaratitilinn og Valsmenn eru í góðri stöðu fyrir seinni úrslitaleikinn í Grikklandi næstu helgi.

Afturelding er komið í úrslitaeinvígið eftir að hafa slegið út Val í undanúrslitum og mætir þar Aroni Pálmarssyni og félögum í FH. Tímabilinu er þó ekki lokið hjá Val sem mætir Olympiacos í fyrri úrsitaleik Evrópubikarsins um helgina. Valsstelpurnar tryggðu sér Íslandsmeistaratitilinn eftir að hafa sópað úrslitakeppninni.

Ísland er komið á HM áttunda mótið í röð eftir þægilega sigra á Eistum. Fagmannleg frammistaða og loksins vinnur Ísland sannfærandi sigur á útivelli. Stefán Rafn Sigurmannsson fyrrum leikmaður Hauka og íslenska landsliðsins var gestur þáttarins ásamt Guðjóni Guðmundssyni. Hitað var upp fyrir það sem koma skal í úrslitakeppninni og farið yfir stöðuna í úrslitaeinvíginu kvennamegin.

25 marka sigur strákanna okkar á Eistlandi gefur góð fyrirheit fyrir seinni leikinn um helgina. Sæti á HM í janúar bíður. Úrslitaeinvígið um Íslandsmeistaratitil kvenna er farið af stað og það með miklum látum. Hrannar Guðmundsson þjálfari Stjörnunnar var gestur þáttarins.

Við settumst niður með Ásgeir Jónssyni og fórum yfir undanurslitaeinvígin í Olís deild karla. FH-ingar eru komnir í úrslit og Mosfellingar eru í lykilstöðu í sínu einvígi gegn Val. Kíktum á úrslitaeinvígið hjá stelpunum og skúbbuðum nýju þjálfarateymi hjá nýliðum Fjölnis í Olísdeildinni.

Geðveikin í Eyjum og hrun Mosfellinga var til umræðu í þættinum. Auk þess var sjónvarpsmálin rædd í 100x skipti og ótrúleg endurkoma Fjölnismanna sem eru mættir í Olís-deildina.

FH-ingum mistókst að tryggja sér sæti í úrslitaeinvígi Íslandsmótsins þegar þeir tóku á móti ÍBV. Valsmenn eru komnir í úrslit í Evrópubikarnum eftir auðvelt einvígi gegn Baia Mare. Hiti í umspilinu karlamegin og það verður vel fylgst með skrefunum hjá Haukastelpunum gegn Fram á Verkalýðsdaginn.

Undanúrslitin um Íslandsmeistaratitilinn er í fullum gangi. FH-ingar eru komnir með níu fætur í úrslitaeinvígið og það yrði þjálffræðilegt afrek hjá Gunna Magg að koma Aftureldingu ekki í úrslitaeinvígið. Umspilið, úrslitakeppni kvennamegin og meira til - allt í Handkastinu og allt í Handboltapassanum.

FH-ingar eru komnir í 1-0 í einvíginu gegn ÍBV eftir sigur í Kaplakrika áðan. Valsmenn unnu 8 marka sigur í Evrópudeildinni í kvöld á heimavelli og færast nær því að vera fyrsta íslenska liðið til að vinna evrópukeppni. Undanúrslit í Olís kvenna fara af stað á þriðjudaginn og Einar Jónsson þjálfari Fram kíkti í heimsókn til okkar.

Mosfellingar eru mættir í undanúrslitin. Fjögur bestu lið landsins munu því berjast um þann stóra. Gestur þáttarins var Sebastian Alexandersson sem fer yfir tíma sinn hjá HK í lokþáttar og skrautlegar samningaviðræður við stjórn HK á tímabilinu.

Fórum yfir leiki í 2.umferðar í 8 liða úrslitum úrslitakeppninar í Olísdeildinni. Þrjú lið kvöddu okkur og við fáum FH - ÍBV enn eitt árið. Við vorum bænheyrðir og fengum oddaleik í 8 liða úrslitum. Kíktum á Grill66 umspilið og 6 liða úrslit í kvennaboltanum. Strákarnir okkar gerðu það gott í Þýskalandi um helgina.

Úrslitakeppnin er farin af stað! Farið var yfir leikina í 8-liða úrslitunum og spáð í spilin í framhaldinu. Úrslitakeppnin kvenna megin er að fara af stað einnig.

Olís-deildin að baki og nú hefst úrslitakeppnin. Úrvalslið Olís-deildarinnar opinberað, bestu leikmenn hvers liðs valdir og spáð í spilið fyrir 8-liða úrslitin.

Farið yfir 21.umferðina í Olís-deild karla með Bjarna Fritz þjálfara ÍR sem er mættur á nýjan leik í Olís-deildina.

20.umferðin í Olís-deild karla gerð upp og spáð í spilin fyrir lokaumferðirnar. - Þarf að gera þjálfarabreytingar í Krikanum? - Loksins fengu efnilegustu leikmenn HK sénsinn - Vængbrotnir Mosfellingar fóru illa með norðanmenn - Lloyd Christmas getur ekki einu sinni bjargað Selfyssingum - Fram U + Rúnar Kára óheppnir í sumarbústaðnum - Grótta nýttu sér ekki mikið álag Valsmanna

Farið var yfir stóru málin í Handkastinu að þessu sinni. Hitað var upp fyrir 20.umferðina í Olís-deild karla og úrslitin skoðuð í Olís-deild kvenna sem lauk um helgina. Grill66-deildin lýkur á fimmtudaginn og þá kemur það í ljós hvaða lið endar í 2.sæti og fer beint upp í Olís-deildina. Seinni helmingurinn er síðan fyrir lengra komna þar sem djúp umræða myndaðist um Venslafélögin og U-liðin. Einni...

Farið var yfir leiki í 19.umferð Olísdeildar Karla. Grill 66 hornið. Lokaumferð Olísdeildar kvenna framundan.

Þátturinn um allt og ekkert. Landsliðsumræða - Olís-deild karla - Olís-deild kvenna og miklu meira til. Hvert fer Bjarni Ófeigur? Hvert fer Skarphéðinn Ívar? Hvert fer Ólafur Ægir? Skolphreinsun Ásgeirs fékk frí í vikunni og ætlar að nýta sér styttingu vinnuvikunnar. Á sama tíma var að koma út nýr BodyFuel drykkur - sem Sérfræðingurinn segir vera þann besta hingað til.