Todos os podcast | A crónica deportiva

Nace en Vigo “Sinérxias 430. I Festival Internacional de Música de Cámara”, unha viaxe pola evolución da música de cámara para violín e piano ao longo de máis dun século.

Andrea Jamardo recoméndanos hoxe dúas novelas: -’Queco e Kica’, de Eva Mejuto, publicado por Edicións Xerais e premio Agustín Fernández Paz de literatura infantil pola igualdade.  -’A maldición do tesouro da momia’, de Adam Stower, segunda entrega da serie Rei Cuu publicada por Sushi Books en tradución de Estela Villar Nogueira

Tamén analizamos a actualidade do Celta na semana da súa estrea na Europa League. Finalmente conversamos con Diego Iglesias, do CJ Cambados, xogador que fixo historia ao marcar o primeiro gol do equipo en Terceira RFEF tras 27 anos sen estar na categoría.

5º empate consecutivo, a uns, do Celta na liga. O Deportivo levaba 11 anos sen ser líder da 2ª. Falamos con Héctor Rico, de Marea Verde, sobre o desembarco racinguista no Anxo Carro. Histórico ascenso de Chapela á Liga ACT. Felicitamos ó adestrador Juan Zunzunegui e ó presidente Antonio Viaño.

Afonso Becerra fálanos da Carmen de Calixto Bieito que inaugurou a temporada de ópera na Coruña

Antón Sobral conmemora 50 anos na pintura coa antolóxica"Océano Sobral". Falamos dos toques de muiñeira, xota ou maneo procesados en “samplepack”.

Moncho Lemos comenta "Mi amiga Eva”, de Cesc Gay e protagonizada por Nora Navas. A película estréase o venres nas salas de cine e trata do xogo do amor

O pasado e o futuro configuran o presente tamén en Galeusca. Da literatura oral á Intelixencia Artificial no programa do encontro literario en Compostela. En Vigo nova edición de Galician Freaky Film Festival.

Os galegos Lontras presentan o seu primeiro disco, 'Caras no lume'. Tamén Boo Boos debutan con ‘Young love’, e Soleá Morente publica novo traballo, ‘Sirio B’. Ademais Tito Lesende repasa o cartel do Caudal Fest, que se desenvolve esta fin de semana en Lugo

Recibimos a visita do excancerbeiro do Deportivo Germán Lux. Coámonos en directo nun adestramento do Calo, líder da Primeira Autonómica Grupo II, e analizamos a actualidade do Dépor e do Celta.

Previa do Depor - Huesca con Javi Torres. Antonio Hidalgo "vinde preparados para sufrir". Última hora do Celta con Víctor López. O Racing Club Ferrol é colíder da 1ªRFEF. Na Copa Federación, Bergantiños - Ourense CF, o 1 de outubro nas Eiroas de Carballo. Un xogará a Copa do Rei.

Malores Villanueva debulla “Sarela”, a novela primeira da ‘comunicóloga’ Marga Tojo, premiada co SELIC 2024 e publicada por Edicións Positivas. Un cadáver de muller aparece no río e unha xornalista que retorna de Madrid a Santiago investiga o caso dende a perspectiva de xénero

"Aberto" marca o inicio da temporada expositiva da arte contemporánea en Galicia. Dez galerías fan coincidir a inauguración das exposicións da nova temporada. A Academia de Cine escolle "Sirat ". A película de Oliver Laxe é a candidata española aos Oscar.

Comentamos os partidos en xogo da Champions con Óscar Martínez, Dani Cabo e Eros López. Falamos cos adestradores de Ourense C.F. , Estradense e Bergantiños tralos seus partidos da Copa Federación. Presentamos a Galiano, avo do xogador do Celta Javi Rodríguez.

No Celta, Marcos Alonso comeza a traballar co grupo. No Depor, Dani Barcia desvela que é parente lonxano de Miguel Loureiro. Citas para hoxe: 1ªRFEF Real Madrid Castela - Racing Club Ferrol. Copa federación: Ourense CF - Zamora e Bergantiños - Estradense. Presentada a 10ª edición do Torneo Encesta Rías en Ponteverdra, coa participación do Real Madrid, Valencia, Baskonia e Breogán de Lugo.

Nas ‘descubertas’ de Carlos Crespo hoxe temos o tomiñés Gabriel Fandiño, antes coñecido como G.Face e que dende agora pasa a ter o nome artístico de Gabriel Fandi. O artista publicará nos días vindeiros un sinxelo novo que estreamos na Galega: “Loco por ti”

A relación de Rosalía de Castro con Portugal centra o novo número da publicación "Follas Novas" de estudos rosalianos. Falamos con Anxo Angueira do Cantar da emigraçao, o retrato de José de Brito e a biografía de María Ondina Braga sobre a escritora .

Mónica Maneiro comenta dúas exposicións en Madrid dos galegos Álvaro Negro-Peirao- e de Los Bravú (Dea Gómez and Diego Omil) - ‘Donde el aire es fresco y las flores tiemblan’

Vemos o partido do Real Madrid contra o Marsella con Javi Guillén, Borja Melchor e Fernando Mahía. Entrevistamos ao adestrador da UD Ourense, Borja Fernández

Regresa a Liga de Campións. O Celta xogará 3 partidos seguidos fóra e 5 seguidos en Balaídos. Miguel Loureiro fala do Depor - Huesca. O Racing Club Ferrol viaxa a Madrid para xogar mañá co Castela. No CD Lugo, o director deportivo Javi Recio mantén a aposta por Iago Iglesias, pero pide que se acaben as excusas para non gañar.

Begoña Vázquez recomenda a película de 2014 'Os fenómenos', de Alfonso Zarauza, que forma parte do catálogo de AGalega.gal. Un drama social con toques de humor coa crise do ladrillo como pano de fondo

Os modelos de distribución do libro galego e as liñas de apoio á exportación do libro centran o Simposio do Libro e a Lectura que cada ano organiza a Asociación Galega de Editoras. Antón Sobral celebra 50 anos na pintura coa mostra "Océano Sobral".

Andrea Jamardo recomenda ler a novela infantil ‘A Escola Robot’, de Anxo Fariña. Está na colección Merlín de Xerais. A partir de nove anos. Para primeiros lectores propón o álbum ilustrado ‘Cando era pequena’, de Ramiro Peralta con ilustracións de Blanca Millan, de Hércules Editora. E para os que aínda non saben ler ‘A pés descalzos’, de Katarzyna Samosiej, publicado por Alvarellos Editora