SBS Tibetan - SBS བོད་སྐད་སྡེ་ཚན།

SBS ཡི་སྐད་ཡིག་སྣ་ཚོགས་ཀྱི་ཞབས་ཞུ་ཁག་བསྐྱར་ཞིབ་དང་བསྐྱར་ཞིབ་ཀྱི་གྲུབ་དོན་དེའི་ཐོག་ནས་ SBS གསར་འཛུགས་གནང་ནས་ལོ་ ༥༠ འཁོར་བའི་དུས་དྲན་བསུ་རྒྱུ་དང་། བསྐྱར་ཞིབ་དེ་གཙོ་བོར་འདི་ལོའི་མི་འབོར་ཞིབ་བཤེར་ལ་གཞིར་བཅོལ་ནས་མ་འོངས་ལོ་ ༥ ཡི་རིང་སྐད་ཡིག་གི་ལེ་ཚན་ཁག་ཡར་རྒྱས་གོང་འཕེལ་གཏོང་ཆེད་ཡིན་པ་རེད།

ཏོག་དབྱིབས་ནད་ཡམས་ཐོག་མར་ཁྱབ་སྐབས་སྨན་པ་ཚོས་བུད་མེད་སྦྲུམ་མ་རྣམས་དང་། དམིགས་བསལ་གྲོད་ཁོག་ནང་ཡོད་པའི་ཕྲུ་གུ་རྣམས་ལ་ཤུགས་རྐྱེན་དང་ཉེན་ཁ་གང་ཡོད་མེད་སྐོར་སེམས་ཁྲལ་བྱས་ཡོད་པ་རེད།

ནིའུ་སོ་ཐི་ཝལ་མངའ་སྡེའི་ནང་མི་འབོར་བརྒྱ་ཆ་ ༧༠ ལ་ཏོག་དབྱིབས་འགོག་ཁབ་ཆ་ཚང་བརྒྱབ་ཚར་རྗེས། ཕྱི་ཟླ་ ༡༠ ཚེས་ ༡༡ ཉིན་ནས་ཁྱིམ་སྡོད་བཀའ་རྒྱ་དང་དམ་བསྒྲགས་རྣམས་ལྷོད་དུ་བཏང་ནས། ཚོང་ལས་ཁག་མང་ཆེ་བ་བསྐྱར་དུ་སྒོ་ཕྱེ་འཆར་ཡོད་པ་རེད།

ཨོ་སི་ཊོ་ལི་ཡའི་གྲོང་ཁྱེར་སིཌ་ནི་ནས་བར་ཐག་སྤྱི་ལེ་ ༡༥༠ ལྷག་ཙམ་གྱི་མཚམས་སུ་ཡོད་པའི་གྲོང་ཁྱེར་ནོར་ར་ Nowra ནང་བོད་མི་ཁག་ཅིག་གིས་གཙང་བཟོའི་ལས་རིགས་ཞབས་ཞུ་ཁང་ཞིག་བཙུགས་ཡོད་པ་དང་། གཙང་བཟོའི་ཞབས་ཞུ་ཁང་དེ་གང་འདྲ་ཞིག་ཡོང་གི་ཡོད་མེདསྐོར་ཞབས་ཞུ་ཁང་དེའི་སྦྱིན་བདག་དང་འགན་འཁུར་བ་ཕུར་བུ་ཚེ་རིང་ལགས་དང་གླེང་མོལ་ཞུས་པ།

ཨོ་སི་ཊོ་ལི་ཡའི་སྲིད་བློན་སི་ཀོ་ཊི་མོ་རེ་སོན་མཆོག་གིས་མི་འབོར་བརྒྱ་ཆ་ ༨༠ ལ་ཏོག་དབྱིབས་འགོག་ཁབ་ཆ་ཚང་བརྒྱབ་ཚར་རྗེས་སུ་མངའ་སྡེའི་བློན་ཆེན་ཁག་གིས་ས་མཚམས་སྒོ་ཕྱེ་དགོས་པ་དང་། ཡི་ཤུའི་འཁྲུངས་སྐར་དུས་ཆེན་སྐབས་ནང་མི་མཉམ་འཛོམས་བྱེད་བཅུག་དགོས་སྐོར་གསུངས་འདུག

ཨོ་སི་ཊོ་ལི་ཡའི་གཏན་འཇགས་སྡོད་མི་གསར་པ་རྣམས་ལ་གཞུང་གི་སྐྱོབ་གསོའི་ཐོབ་ཐང་བླངས་ཆེད་ལོ་བཞིའི་རིང་སྒུག་དགོས་ཀྱི་ཡོད་པ་དང་། ཨོ་སི་ཊོ་ལི་ཡའི་སྤྱི་ཚོགས་བདེ་སྲུང་དང་འབྲེལ་བའི་ཁྲིམས་གསར་པ་དེ་༢༠༢༢ ལོ་ནས་ལག་ལྟར་གནང་འཆར་ཡོད་འདུག

ཨ་ཧྥི་རི་ཀའི་རྒྱལ་ཁབ་རྣམས་ཏོག་ནད་འགོག་ཁབ་རྒྱག་པར་རྗེས་སུ་ལུད་ཡོད་པས་མཉམ་འབྲེལ་རྒྱལ་ཚོགས་ཀྱི་ཚོགས་ཆེན་སྐབས་སྨན་ཁབ་དེ་རྒྱལ་སྤྱིའི་ནང་འགྲེམ་སྤེལ་ཆ་སྙོམས་བྱུང་མེད་པའི་སྐོར་གྲོས་བསྡུར་ལྷུག་པོ་གནང་ཡོད་པ་རེད། དེ་ཡང་ཨོ་རོབ་རྒྱལ་ཁབ་ཁག་ནང་མི་འབོར་རྒྱ་ཆ་ ༨༥ ཙམ་ཞིག་ལ་སྨན་ཁབ་རྒྱག་ཟིན་པ་ཡིན་འདུག

འཛམ་གླིང་མཉམ་འབྲེལ་རྒྱལ་ཚོགས་ཀྱི་གནམ་གཤིས་འགྱུར་ལྡོག་ལྷན་ཚོགས་ཀྱིས་དེང་རབས་དང་མཐུན་པའི་གནམ་གཤིས་འགྱུར་ལྡོག་སྐོར་གྱི་སྙན་ཐོ་ཞིག་གི་ནང་། མ་འོངས་ལོ་བཅུ་ཚན་ཁ་ཤས་ཤིག་གི་ནང་རྒྱ་མཚོའི་ཆུའི་མཐོ་ཚད་དེ་རིམ་བཞིན་མཐོ་རུ་་འགྲོ་རྒྱུའི་ཉེན་ཁ་ཡོད་སྐོར་འགྲེལ་བརྗོད་གནང་ཡོད་པ་རེད།

ལུས་པོའི་སྤྱི་ཡོང་གི་བདེ་ཐང་ཆེད་སེམས་ཁམས་ཀྱི་འཕྲོད་བསྟེན་ནི་ཆ་ཤས་གཙོ་བོ་ཞིག་ཡིན།སེམས་ཁམས་ཀྱི་ནད་རིགས་ཡོད་པའི་མི་རྣམས་ཕྱི་ལུས་ཀྱི་ནད་མནར་ལས་ཉེན་ཁ་ཆེ་བ་ཡོད།ཨོ་སི་ཊོ་ལི་ཡའི་ནང་སེམས་ཁམས་འཕྲོད་བསྟེན་ཞབས་ཞུ་སྣ་ཚོགས་བླངས་རྒྱུ་ཡོད་ཀྱང་། དང་ཐོག་རང་ཉིད་ལ་སེམས་ཁམས་འཕྲོད་བསྟེན་དང་འབྲེལ་བའི་ནད་རྟགས་ངོ་འཕྲོད་པ་གནང་ནས་འབྲེལ་ཡོད་རོགས་སྐྱོར་བླངས་དགོས་པ་ཡིན།

ནད་ཡམས་སྐབས་དྲ་ལམ་བེད་སྤྱོད་ཇེ་མང་བཏང་བ་དང་བསྟུན་དྲ་ལམ་ཉེས་སྤྱོད་རིགས་དེ་བས་ཁྱབ་ཆེ་རུ་འགྲོ་ཡོད་པ་རེད། དེ་ཡང་ཨོ་སི་ཊོ་ལི་ཡའི་ནང་སྐར་མ་བརྒྱད་རེའི་ནང་ཚུལ་ལ་དྲ་ལམ་ཉེས་སྤྱོད་རེར་སྙེན་སེང་འབྱོར་བའི་གནས་སྟངས་ཤིག་གྱུར་ཡོད་འདུག འདི་ལོར་ཨོ་སི་ཊོ་ལི་ཡའི་དྲ་ལམ་བདེ་སྲུང་སྟེ་གནས་ཁང་ལ་དྲ་ལམ་ཉེས་སྤྱོད་ཁྱོན་བསྡོམས་སྟོང་ཕྲག་བདུན་བཅུ་ཙམ་ཞིག་སྙན་སེང་ཞུས་ཡོད་འདུག་པས། དེ་ནི་ལོ་སྔོན་མ་ལས་བརྒྱ་ཆ་ ༡༣ མང་བ་ཆགས་ཡོད་འདུག

རང་ཉིད་གཅེས་སྐྱོང་ (Selfcare) ཞེས་པ་ནི་མི་རེ་ངོ་རེར་གོ་དོན་མི་འདྲ་བ་ཡོད་པ་དང་། སྨན་གྱི་ཉམས་ཞིབ་བརྒྱུད་རང་ཉིད་གཅེས་སྐྱོང་བྱེད་ཚེ་ཕུགས་རྒྱང་རིང་པོར་སྤྱི་ཡོངས་ཀྱི་བདེ་ཐང་ལེགས་པ་ཡོང་གི་ཡོད་སྐོར་ཐོན་ཡོད། འོན་ཀྱང་ཁྱིམ་ཚང་སྐྱོང་མཁན་དང་ཕྲུ་གུ་ཡོད་པའི་བུད་མེད་མང་དག་ཅིག་ལ་རང་ཉིད་གཅེས་སྐྱོང་བྱ་རྒྱུ་དཀའ་ལས་ཁག་པོ་ཆགས་ཡོད་པ་རེད།

བུད་མེད་ན་གཞོན་གྱི་ཁྲོད་དུ་ཏོག་ནད་འགོག་ཁབ་ལ་ཐེ་ཚོམ་ཅན་མང་དག་ཅིག་ཡོད་པར་བརྟེན། འཕྲོད་བསྟེན་སྟངས་འཛིན་པ་ཚོས་འགོག་ཁབ་ཀྱིས་སྐྱེ་ནུས་ལ་གནོད་འཚེ་ཡོད་པའི་གནས་ཚུལ་ལོག་པ་དེ་སེལ་ཆེད་འབད་བརྩོན་གནང་བཞིན་ཡོད་འདུག

ཨོ་སི་ཊོ་ལི་ཡའི་ཚོགས་སྡེ་ཁག་འདྲ་མིན་གྱི་ཆེད་མཁས་པ་ཚོས་ལྷན་དུ་ཨོ་སི་ཊོ་ལི་ཡ་གཞུང་ལ་ཏོག་དབྱིབས་འགོག་ཁབ་ཀྱི་འཆར་གཞི་བསྐྱར་དུ་སྒྲིག་དགོས་སྐོར་ཞུས་འདུག་པ་དང་། དེ་ཡང་གཙོ་བོར་ཏོག་དབྱིབས་འགོག་ཁབ་ཀྱི་དམིགས་འབེན་ཐད་གལ་གནད་ཆེ་བའི་མི་མང་ཨོ་སི་ཊོ་ལི་ཡའི་གདོད་མའི་མི་རིགས་རྣམས་ལ་འགོག་ཁབ་ཏག་ཏག་རག་ཐུབ་ཀྱི་མེད་སྐོར་བརྗོད་འདུག

ཕྱི་ལོ་ ༡༩༦༠ ཐམ་པ་ལོར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་བཙན་བྱོལ་བོད་མིའི་མང་གཙོའི་ལམ་ལུགས་གསར་གཏོད་དང་གསོལ་རས་གནང་ནས་ལོ་ངོ་ ༦༡ འཁོར་བར་བོད་མི་ཚོས་དུས་དྲན་སྲུང་བརྩི་གནང་བ།

སིཌ་ནིའི་ནང་ཡོད་པའི་གྲོང་སྡེ་ཞིག་ཏུ་ཉེ་འཁོར་གྱི་གྲོང་སྡེ་གཞན་ཁག་ལས་ཏོག་ནད་འགོག་ཁབ་མང་བ་བརྒྱབ་ཚར་ཡོད་འདུག སྤྱིར་གྲོང་སྡེ་ Edmondson Park ནི་གནས་སྐབས་ཉེན་ཁ་ཆེ་བ་ཡོད་པའི་ས་གནས་གཞུང་ ༡༢ ལས་གཅིག་གི་ཁོངས་སུ་ཚུད་གྱི་ཡོད་ཀྱང། གྲོང་སྡེ་དེར་གནས་སྡོད་མི་མང་བརྒྱ་ཆ་ ༩༠ ལྷག་ཙམ་ཞིག་ལ་སྨན་ཁབ་དང་པོ་དེ་བརྒྱབ་ཟིན་ཡོད་འདུག

གཞུང་གི་སྐྱོབ་གསོའི་རོགས་དངུལ་ཐོབ་ཐང་མེད་པའི་གནས་སྐབས་ཀྱི་ཐོངས་ཆེན་ཡོད་མཁན་དང་སྐྱབས་བཅོལ་ཞུ་མི་རྣམས་ལ་སྒོ་རྒྱག་དམ་བསྒྲགས་ཀྱིས་རྐྱེན་པའི་དཀའ་ངལ་འཕྲད་བཞིན་ཡོད་ཚེ། གཞུང་གིས་ཛ་དྲག་གི་དཔལ་འབྱོར་རོགས་རམ་གནང་གི་ཡོད་པ་རེད།

ཨོ་སི་ཊོ་ལི་ཡའི་མི་ས་ཡ་མང་པོ་ཞིག་གོ་སྒྱག་དམ་བསྒྲགས་འོག་གནས་དགོས་པ་དང་། རྒྱལ་ཁབ་ཀྱི་དཔལ་འབྱོར་ཉམས་རྒུད་འགྲོ་བཞིན་པའི་སྐབས། དྲ་རྒྱའི་ཐོག་ཨོ་སི་ཊོ་ལི་ཡའི་ཐོན་རྫས་ཉོས་པའི་བརྒྱུད་ཚོང་ལས་ཆུང་ཁག་དང་ནང་མིའི་ཚོང་ལས་ཁག་འཚོ་གནས་ཐུབ་པར་ཕན་ཐོག་ཡོང་གི་ཡོད།

རྒྱལ་སྤྱིའི་ཉམས་ཞིབ་ལ་ལྟར་ན་ ༢༠༣༠ ལོའི་བར་ལས་ཀ་རིགས་ལྔ་ཆ་གསུམ་ཙམ་ཞིག་གི་ཆེད་དུ་གློག་ཆས་ཀྱི་ལག་རྩལ་དགོས་མཁོ་ཡོད་པ་སྔོན་དཔག་བྱས་ཡོད་ཀྱང་། ཉེ་ཆར་RMIT ཡིས་སྟོན་པའི་སྙན་ཐོ་ཞིག་གི་ནང་ཨོ་སི་ཊོ་ལི་ཡའི་ནང་ལས་མི་བཞི་ཆ་གཅིག་ཙམ་ལ་དགོས་མཁོའི་གློག་ཆས་ཀྱི་ཤེས་ཚད་ལེགས་པོ་མེད་པའི་གནས་ཚུལ་ཐོན་ཡོད་འདུག

ཨོ་སི་ཊོ་ལི་ཡའི་ནང་ཏོག་དབྱིབས་ནད་ཡམས་ཀྱིས་རྐྱེན་པས་ཁྱིམ་སྡོད་བཀའ་རྒྱ་བསྡམས་ཡོད་པ་དང་། སྐབས་དེར་ལས་ཀ་ཤོར་མཁན་བོད་མི་མང་པོ་ཞིག་ལ་ལས་ཀ་བྱེད་ས་ནས་གུན་གསབ་རག་པས་མ་ཚད་གཞུང་གི་རོགས་དངུལ་ཡང་རག་གི་ཡོད་སྐོར་འགྲེལ་བརྗོད་གནང་སོང་།

གལ་ཏེ་ཁྱེད་རང་ལ་ཕྲུ་གུ་ཆུང་ཆུང་ཡོད་བཞིན་དུ་སློབ་སྦྱོང་དང་ལས་ཀ་གནང་དགོས་ཡོད་ཚེས། ཕྲུ་གུ་ལྟ་སྐྱོང་ཆེད་གཞུང་གིས་རོགས་སྐྱོར་གནང་གི་ཡོད། དེ་ཡང་། ཁྱེད་ཀྱི་གནས་སྟངས་དང་། ནང་མིའི་ཁྱོན་བསྡོམས་ཡོངས་འབབ་ལ་གཞིགས་ནས་གཞུང་གི་རོགས་སྐྱོར་ཁག་མི་འདྲ་བ་མཁོ་སྤྲོད་གནང་གི་ཡོད་པ་རེད།

ཕྱི་ལོ་ ༢༠༢༡ ལོའི་མི་འབོར་ཞིབ་བཤེར་ནང་མཉམ་ཞུགས་བྱེད་པར་ད་དུང་ཡང་རྗེས་ལུས་ཐེབས་མེད་པ་ཡིན་འདུག དེ་ཡང་ལོ་ལྔ་རེའི་མི་འབོར་ཞིབ་བཤེར་བརྒྱུད་ང་ཚོའི་རྒྱལ་ཁབ་ཀྱི་མི་རྣམས་སུ་ཡིན་པ་དང་། ས་གནས་གང་དུ་གནས་སྡོད་བྱས་ཡོད་པ། ང་ཚོའི་དགོས་མཁོ་ཇི་ལྟར་ཆགས་ཡོད་པ་སོགས་ཀྱི་སྐོར་གནས་ཚུལ་ཕྱོགས་བསྡུས་བྱེད་ཀྱི་ཡོད། འོན་ཀྱང་། མི་འབོར་ཕྱེད་ཀ་མིན་ཙམ་ཞིག་སྒོ་རྒྱག་དམ་བསྒྲགས་འོག་ཡོད་པས། Australian Bureau of Statistics ཡིས་འདི་ལོའི་...

ཨོ་སི་ཊོ་ལི་ཡའི་གསོ་དཔྱད་དངོས་རྫས་འཛིན་སྐྱོང་ཁང་ TGA གིས་ཨ་རིས་བཟོས་པའི་མོ་ཌེར་ན་སྨན་ཁབ་དེ་ཨོ་སི་ཊོ་ལི་ཡའི་ནང་བེད་སྤྱོད་བྱེད་ཆོག་པའི་ཆོག་མཆན་སྤྲད་ཡོད་པ་དང་། སྨན་ཁབ་དེ་ཨོ་སི་ཊོ་ལི་ཡའི་ནང་ད་ལྟ་སྤྱོད་བཞིན་པའི་ཏོག་དབྱིབས་འགོག་ཁབ་ Pfizer དང་ AstraZeneca དང་མཉམ་དུ་ཏོག་དབྱིབས་སྔོན་འགོག་གི་ལས་རིམ་ནང་མཉམ་དུ་ཞུགས་འཆར་ཡོད་པ་རེད།

ཨོ་སི་ཊོ་ལི་ཡའི་ལོ་འཁོར་གཅིག་གི་ཕྱི་མི་གཞིས་སྤོ་བ་བརྒྱ་ཆ་ཕྱེད་ཀ་ཙམ་ཞིག་ནང་མི་ཡིན་འདུག དེ་ཡང་མི་སེར་དང་གཏན་འཇགས་སྡོད་མི་རྣམས་ལ་རང་ཉིད་ཀྱི་བརྩེ་བའི་ནང་མི་དང་ལྷན་འཛོམས་ཡོང་ཆེད་གཞིས་སྤོའི་མཐོང་མཆན་ཁག་མི་འདྲ་བ་ཡོད་འདུག་པས་ཁྱེད་ཀྱིས་ནང་མིའི་མཐོང་མཆན་དང་འབྲེལ་བའི་ཤེས་དགོས་པའི་གནས་ཚུལ་གལ་ཆེན་ཁག་ཅིག

ཨོ་སི་ཊོ་ལི་ཡའི་བློན་ཆེན་ལྷན་ཚོགས་ཀྱིས་གཏན་འབེབ་གནང་བའི་སྨན་ཁབ་འཆར་གཞི་ཞིབ་ཕྲ་མི་མང་ལ་གསལ་བསྒྲགས་གནང་ཡོད་པ་དང་ཆབས་ཅིག་ད་ལྟའི་ཆར་ཏོག་ནད་ཁྱབ་ཆེ་ཤོས་ལོ་ན་གཞོན་པའི་ཁྲོད་དུ་ཡིན་པ་ངོས་འཛིན་བྱས་ཡོད་པ་རེད། དེ་ཡང་སྨན་ཁབ་འགྲེམ་སྤེལ་འཆར་གཞི་འདིའི་བརྒྱུད་མི་མང་རྣམས་ལ་ལོ་འཇུག་བར་སྒོ་རྒྱག་དམ་བསྒྲགས་མེད་པ་འགྱུར་བའི་རེ་བ་ཞིག་སྤྲོད་ཡོད་འདུག

ཉེ་ཆར་ཕྱི་ཟླ་ ༧ ཚེས་ ༣༡ ཉིན་ཨོ་སི་ཊོ་ལི་ཡའི་ནིའུ་སོ་ཐི་ཝལ་མངའ་སྡེའི་ནང་ཡོད་པའི་སིཌ་ནིང་རིག་གནས་སྐྱེད་ཚལ་ཁང་གིས་བོད་ཕྲུག་རྣམས་ཀྱི་ཆེད་༼ཨོ་གླིང་སྐྱེད་ཚལ་༽ཞེས་པའི་བོད་ཡིག་ཚགས་པར་ཞིག་དྲ་ལམ་ནས་དབུ་འབྱེད་གནང་ཡོད་པ་རེད།