پښتونخوا او قبایل

د جنوبي وزیرستان په کرکڼیو کې د ځليخېلو او دوتاڼیو ترمینځ له تېرو ۱۱ ورځو راهیسې د مځکې پر سر په شخړه کې درې تنه وژل شوي او شپږ نور ژوبل دي. له مشال راډیو سره په خبرو کې د پولیس چارواکي ویلي چې دواړه غاړې پر یوه بل درنه وسله کاروي.

په خوست کې میشت د شمالي وزیرستان کډوالو له پاکستاني سرکار غوښتي چې بې له ځنډه دې دوی خپلو سیمو ته ورستانه کړي یا دې پر غلام خان د تګ راتګ اجازه ورکړل شي. د دوی په وینا که یې دا ستونزه ژر هواره نه شوه ګنې پر غلام خان به پرلت ووهي. د عمر وزیر راپور

د سویېلي وزیرستان په رځڼ خوله سیمه کې شوال ته پر تلونکې لار بېګا ناوخته پر یوې پوځي پوستې په وسله وال برېد کې څلور عسکر وژل شوي او درې نوز ژوبل دي. ای اېس پي ار د دغه برید پخلی کوي خو وايي چې په جوابي ډزو کې یې څلور مشکوک وسله وال هم وژلي دي. تحریک طالبان پاکستان د برید ذمه واري منلې

د شمالي وزیرستان په غلام خان کې پولیس او ځايي خلک وايي، د فېبرورۍ پر لسمه نېټه یو ځايي مشر حاجي ګل رحمان په یوه هدفي برید کې وژل شوی دی. په وزیرستانو کې د دغه بریدونو خلاف خلکو او په تېره پښتون ژغورنې غورځنګ بیا بیا لاریونونه کړي. د عمر وزیر رپورټ

په افغانستان کې میشته د شمالي وزیرستان بې کوره شوي خلک وايي، خپلو سیمو ته ستنېدل خو یې پرېږده اوس یې مړي او ناروغان هم پر غلام خان بندر نه پرېږدي. دو پر پاکستان سرکار د دغه بندیزونو لیرېکولو ږغ وکړ. د عمر وزیر رپورټ

د سوهېلي وزیرستان په چګملۍ سیمه کښې د پي ټي اېم او ځايي ولس له تېرو ۱۱ورځو راهیسې روان خپل پرلت د صوبايي اسمبلۍ غړي عصام الدین په ژمنه ختم کړ چې غوښتنې به یې سرکار ته رسوي. دغه پرلت د دوو ځايي کسانو د ورکېدو، د ښخو ماینونو پاکولو او پر امنیتي پوستو د عسکرو د چلند خلاف وو. د اشتیاق مسید راپور

پښتانه ځوانان د باچا خان د عدم تشدد له تګلارې څه ګټه پورته کولائ شي. همدا موضوع د ځوانانو غږ خپرونه کې څېړو. کوربه اسرار عالم مومند

د ډېره اسماعیل خان عدالت د پښتون ژغورنې غورځنګ مخکښ ډاکټر سید عالم مسید په سفري ضمانت ټانک پولیس ته سپارلی. د ټانک پولیس اېس پي انوسټیګېشن تجمل خان وايي، چې ډاکټر سید عالم ورته د ریاست خلاف بغاوت په دوو مقدمو کې مطلوب و، خو د ډاکټر سید عالم یو وکیل اسد عزیز د پي ټي اېم غړیو خلاف مفدمې ناقانونه بولي.

د جنوبي وزیرستان د پولیسو مشر شوکت علي ادعا کوي چې د جنورۍ پر ۱۷مه نېټه د شکتوی په باراتي کلي کې پاکستانیو ځواکونو د خپلو عملیاتو په ترڅ کې د تحریک طالبان پاکستان (ټي ټي پي) دوه وسله وال وژلي دي. ټي ټي پي لا په دې اړه څه نه دي ویلي. اشتیاق مسید یې راپور راکوي.

د پاکستان پوځ عامه اړیکو څانګه (ای اېس پي ار) وايي چې د شمالي وزیرستان په دته خېلو کې د عملیاتو په ترڅ کې درې عسکر او دوه وسله وال وژل شوي دي. د عمر وزیر رپورټ

په ډېره اسماعیل خان بېګا ماسخوتن نامعلومه وسله والو یو عیسوی خبریال قیس جاوید په خپل کور کې وژلی دی. د هغه یو خپل مشال رېډیو ته وویل چې د جاوید له هېچا سره دښمني نه درلوده. په سیمه کې خبریالانو د جاوید د وژنې غندنه کړې او په دې پیښه کې د ککړو کسانو د نیولو غوښتنه کړې ده.

پېښور پریس کلب مخي ته ښځینه فعالانو پر ښځو پرضد د تشدد نړیوالې ورځې په مناسبت د نومبر په ۲۵مهدنېټه په پېښور کي مظاهره وکړه. په دوی کې دوو فعالانو صایمه منیر او طاهره کلیم مشال رېډیو ته وویل چې له تېرو څه باندې دوو لسیزو همداسې احتجاج کوي خو د ښځو حقونو په اړه لاهم هېڅ بدلون نه ویني.

د چارواکو په وینا پېښه بېګا شپه (د اکتوبر ۲۸مه) د شمالي وزیرستان په خیسور کې شوې. دوی وايي چې ناځرګندو بریدګرو د سرتېر په نامه یو کس په ډزو وژلی او تښتېدلي دي. په شمالي وزیرستان کې له تېرې یوې اونۍ راهیسې دا څلورم او له سږني کال راهیسې ۳۷ هدفي برید دی چې پکې ځايي وګړي په نښه کېږي. د عمر وزیر راپور.

په سوهېلي وزیرستان کې د یوې غیر- سرکاري ادارې (سرحد رورل سپورټ پروګرم) دوه انجینېران ناڅرګندو کسانو تښتولي دي. د پولیس چارواکو په خبره پېښه د مکین په قلندر سیمه کې شوې ده. انجینېران په سیمه کې د اوبو رسولو یوې وړوکې پروژې لپاره سروې کولو ته تللي ول. نور حال زموږ د خبریال اشتیاق مسید په راپور کې

پولیس چارواکي وايي، تیر ماښام په شمالي وزیرستان کې د ګرېنډ امن جرګې غړی ملک رییس خان نامعلومه وسله والو وژلی دی. د پولیسو په وینا ملک رییس له میرلي بازاره خپل کلي خیسور ته روان وو چې په لاره کې ووژل شو. دا په شمالي وزیرستان کې په روان کال کې ۳۴ مه هدفي وژنه ده. په اړه يې بشپړ رپورټ واورئ.

د جنوبي وزیرستان په واڼه کې د اکتوبر پر ۱۱مه (پرون) په يوه مارکيټ کې اور لګېدلی وو. دکانداران وايي د دوی د کروړونو روپيوو زیان شوی دی دوی وايي، که اوروژونکي پر وخت ورسېدلي وای نو دومره ډېر تاوان به یې نه کېدلو خو د ریسکیو ۱۱۲۲ یو چارواکی وايي، د دوی په زیار د مارکېټ لویه برخه له سوځولو وزغورل شوه.

چارواکي وايي، ناڅرګنده وسله والو شمالي وزيرستان کې د پوځ انجینېرینګ څانګې اېف ډبليو او دوه کارکونکي تښتولي دي. د شمالي وزيرستانوايي دغه کارکونکي چې تعلق يې له پنجاب صوبې سره دی، پرون ماښام وسله والو په سپين وام کې تښتولي دي. پوليس وايي چې وسله والو ټول پنځه کسان نيولي وو چې درې ترې په تېښته کې بريالي شوي دي. دوي زياتوي دې کسانو په سپين وام کې د کرم تنګي ډېم په جوړولو کې کار کاو. که څه هم کومې وسله...

افغانستان په بېلابېلو سیمو کې مېشت وزیرستاني کډوال وايي، د پاکستان حکومت دې د هغوی د بیرته ستنولو انتظام وکړي. حکومت وايي، دا خلک ځکه نه ستونوي چې د شمالي وزیرستان ځینې سیمې لا هم له وسله والو پاکې شوې نه دي. خو وزیرستاني کډوال وايي، که شمالي وزیرستان ته یې نه شي ستنولی، حکومت دې هغوی بنو یا د پاکستان کومې بلې سیمې ته ولېږدوي. د دغو خلکو په وینا سوړ ژمی راروان دی او هغوی یې لپاره هېڅ انتظامات نه ل...

د منځنۍ کورمې وګړي وايي چې د دوی ډېری خلک په خلیجي هېوادونو کې کار روزګار کوي خو له خپلو کورنیو سره د رابطې هېڅ اسانتیاوې نه لري. دوی له سرکاره غوښتنه وکړه چې د موبایل کمپنیو اندېښې دې لیرې کړي او دوی ته دې د رابطی سهولتونه برابر کړي، د طارق اورکزي راپور

میرعلي کې د ګل په ورځ د ناڅرګندو کسانو په ډزو د صحت څانګې د یوې کارمندې ناهیدې ګل د وژلو پرضد ځايي ولس او پي ټي اېم لاریون وکړ او د هغې د وژونکو نیولو غوښتنه یې کوله. دوی د ناهېدې کورنۍ ته د انصاف ورکولو او هدفي بریدونو ودرولو ږغونه پورته کول او ویل بې ناامني دې کچې ته راغلې چې ښځې هم خوندي نه دي.

د میرعلي په خوشالۍ سیمه کې ناڅرګندو وسله والو د روغتیا څانګې یوه کارمنده وژلې چې په ځايي صحت مرکز کې له کاره و خپل کور ته پر لاره وه. دا شمالي وزیرستان کې د سږني کال له پیل راهیسې ۲۹م هدفي برید دی. د عمر وزیر راپور

د میرامشا سپلګه په سیمه کی ځايي ولس نن پر دزېمه ورځ هم د امنیتي عسکرو له لوري د ځايي خلکو د نیولو پرضد پرلت وهلی دی. دوی وايي د شنبې په ورځ دغلته د دوو عسکرو له وژل کېدو پس امنیتي عسکرو د عام وګړي نیولي او تشدد یې پرې کړی دی. امنیتي چارواکي یې د تشدد ادعا ردوي او وايي چې ګرفتار کسان به ژر پرېږدي.

د جنوبي وزیرستان یو مخور مولانا حسام الدین وايي، په شکتوی کې پر ځايي خلکو د پاکستانيو پوځیانو د کړي تشدد په حواله په رابلل شوې جرګه کې پوځي چارواکو د ژمنې یا لوظ باوجود ګډون ونکړ. له حسام االدین، د شمالي وزیرستان د صوبايي اسمبلۍ غړي میر کلام وزیر، د شمالي وزیرستان اسسټنټ کمېشنر حمزه ظهور او د پي ټي اېم یوه مخکښ عالمزېب مسید سره زموږ خبریال اشتیاق مسید خبرې کړې.

له باجوړه هر کال څه نا څه لس زره زده کوونکي له سکولونو فارغېږي، په دوی کې یوازې څلور زرو ته په کالجونو کې داخلې ملاوېږي خو نور د کالجونو د کمي له کبله له زده کړو بې برخې شي. بلخوا سرکاري چارواکي وایي پنځه های سکولونه یې تر دولسم ټولګي پورې غځولي دي ژر به پکې زده کړې پیل شي. د شاهنواز ترکزي راپور

د جون پر ۳۰مه د ځمکې لانجې پر سر د جنوبي وزیرستان د دوو قامونو ترمنځ نښته وشوه. تر دې مخکې هم بېلا بېلو قامونو د یو بل پر ضد وسلې راخیستي او جنګېدلي. د سیمې مشران او پوهان وايي، د ځمکو کشالو تر شا بېلا بېل وجوهات دي چې انتظامیه یې باید د هواري هڅې وکړي. نور په رپورټ کې.