Driesestig

Soms word motorhuise gebou om by die eksotiese motors daarin te pas. Hulle noem dit ‘n kunsgalery vir die rygoed.

Wie word die hardste geslaan deur Kunsmatige Intelligensie in die kunswêreld. Johan Rademan het met argitek en kunstenaar Evert Esterhuizen hieroor gepraat.

Nieu-Seeland het helikopters, bote, honde, kameras en lokvalkundiges ingespan om ‘n wesel agt maande lank te jag. En 300 000 Amerikaanse dollar later is die wesel wel van kant gemaak.

Terena le Roux vertel dat mense weer al hoe meer self dinge bou, maak en regmaak. Aanlynvideos wat stap-vir-stap verduidelik, maak dinge minder skrikwekkend vir beginners.

Koshistorikus Hetta van Deventer-Terblanche praat verder oor sout.

Die Vernigde Koninkryk se Royal Mail het ‘n uitdaging met vervalste seëls. As jy ‘n brief met ‘n vervalste seël daarop ontvang, is daar ‘n £5 boete!

Haidee Muller-Isaacs vind meer uit van edelstene en minerale by 'n klub vir dié stokperdjie waar belangstellendes selfs klippies uitruil. Die klub is al in 1962 gestig.

Hoe kouer die water, hoe beter. Dít, in kort, is waarop die Baai se maandelikse geestesgesondheidswem tot anderkant die branders neerkom. Mariska Spoormaker het gaan kyk hoe doen hulle dit.

Prof. Helmuth Reuter vertel vir Johan Rademan van pyn, en die middels wat daarvoor gebruik word.

‘n Werker in ‘n Duitse kunsmuseum is sy werk kwyt nadat hy een van sy eie kunswerke in die museum gehang het.

Komediant Wayne Mckay vertel van Afrisnaaks, en sy ervaring met die taal op internasionale verhoë.

Toe sy as kind op Kraaifontein grootgeword het, was dit haar droom om eggenote en moeder te wees. ‘n Laerskooluitstappie na die Kasteel in Kaapstad het egter haar kop na die geskiedenis geswaai, en het sy na matriek in dié rigting aan die Universiteit Stellenbosch gaan studeer. Vandag is sy doktor Anziske Kayster, bestuurshoof van Graaff-Reinet Museums. Mariska Spoormaker wou by haar weet wat in d...

Dr. Wentzel Coetzer praat oor die behoefte aan bewaring van die Kabeljous- en Papiesfonteingebiede se biodiversiteit en kulturele erfenis vir Khoisangroepe.

‘n Amerikaanse man het 50 vroue hof toe gesleep nadat hulle op ‘n Facebookblad sy gedrag op romantiese afsprake veroordeel het.

Dawie Botha vertel in SO IS DIE LAND GEBOU van die Gariepdam se geboë vorm en die kinetiese kragte.

Melinda Botha vertel hoe Deafways die gaping tussen horende en dowe mense oorbrug - van gebaretaaltolke tot werksgeleenthede vir dowes.

Baie mense glo dat entrepreneurskap slegs vir diegene in hulle twintigs of dertigs is. As jy ouers as veertig is, is dit maklik om te glo dat jy te oud is. Magriet Groenewald, ’n sosialemedia-bemarkingspesialis, sê niks is verder van die waarheid af nie. Sy verklap aan Haidee Muller-Isaacs hoe jy op enige ouderdom aanlyn ’n ekstra inkomste kan verdien.

Twee Amerikaners het ‘n klasaksie begin teen die Franse vervaardiger van luukse goedere, Hermès. Hulle klagte is teen die manier hoe kliënte toegang kry tot hulle eksklusiewe Birkin-handsakke.

Dr. Rudi Swart vertel van sy navorsing oor die insekte wat die Knysnabos se bome bestuif. Hy moes leer om professioneel boom te klim met ingevoerde toerusting, om bo by die bome se blomme uit te kom.

Annemarie Smith, ‘n Suid-Afrikaner wat in Houston in Texas woon, vertel vir Martelize Brink van die opwinding daar oor die sonsverduistering, en hoe Amerikaners die geleentheid vier.

‘n Gonswoord tussen argitekte en kunstenaars in hulle werk en ontwerp, is fleksieruimtes. Johan Rademan hoor by Evert Esterhuizen, ‘n kunstenaar én argitek, wat dit is.

Joernalis Elise Tempelhoff praat oor voorgestelde wetgewing oor die biodiversiteitsekonomie. Sy bevraagteken dat kommersialisering biodiversiteit kan beskerm.

Tsjetsjnië het ‘n nuwe wet wat bepaal dat musiek se tempo tussen 80 en 116 slae per minuut móét wees. Musikante het tot 1 Junie om hulle musiek te verwerk om aan die nuwe bepaling te voldoen, anders mag dit nie in openbare ruimtes uitgevoer word nie.

Eintlik moet die rooi mat ver uitgerol, en palmtakke geswaai word vir al die pasassiers wat met elke plesierboot die Baai binnekom. Sodra hulle voet aan wal sit, begin die ekonomiese wiele sterk draai in ’n streek wat dit baie nodig het. Dit skep sommer ’n karnavalgees, sê Alan Foggerty, ‘n Oos-Kaapse toeroperateur.

Koshistorikus Hetta van Deventer-Terblanche praat oor sout.