Driesestig

‘n Man in België is aangekla vir dronkbestuur, maar vrygespreek siende dat hy Outo-brouerysindroom het. Sy liggaam vervaardig alkohol.

Dawie Botha vertel in SO IS DIE LAND GEBOU van die Gariepdam se kamers en galerye in die wal.

Haidee Muller-Isaacs gesels met Sandra van de Rheede, wat vertel oor haar komvandaan, handwerk en hartsgoed. Jy kan haar altyd deur 'n ring trek, waar sy ook al gaan. En, dan is daar Sandra se manier van tafeldek vir daaglikste etes - soms selfs net vir een.

Hyrone Thomas vertel vir Martelize Brink wat die verskil tussen LP-gas en natuurlike gas is. Aan LP gas is daar nie ‘n tekort nie.

Milan is van plan om gelato, pizza en ander wegneemetes by buitetafels te verbied op weeksaande ná 00:30 en naweke ná 01:30, vanaf middel Mei tot November.

Riaan van der Walt vertel van die Clanwilliam-sandvisprojek, wat tot die spesie se redding kom.

Langbome is een van talle buiteposte in die Wuppertalse Rhynse-sendinggemeenskap. Rooibostee is nie net die hoofslagaar van inkomste vir dié besondere gemeenskap nie, maar ook van die gesondste en onaangetaste biodinamiese produkte wat wereldwyd gesog is as gevolg van die skoon en ongerepte aarde waaruit dit kom. Johan Rademan het by die prosesseringsbaan ‘n draai gemaak, en buiten die bestuurshoo...

Twee vroue in Mexiko was slaags in ‘n gimnasium. Nadat die 44-jarige gekla het dat die 66-jarige te lank besig is by ‘n oefenapparaat, is hulle in mekaar se hare in, en die 66-jarige byt die ander se vinger se voorste lit af.

Lindsay Lewis vertel vir Martelize Brink wat te sien is in die Paarlberg-natuurreservaat.

Viljoen Retief vertel vir Martelize Brink oor hoe hy in die musiekbedryf beland het, liedjieskryf en die droom om weer Kenia te besoek, waar hy gebôre is.

Vuur en vlam Kokkedoor Cindy Minego praat oor die gebruik van paprika in kookkuns.

Jacob Swann gesels oor sy musiek, sy aanslag, en die musiek waarna hy luister.

Aktrise Daneel van der Walt vertel wat sy as kelnerin geleer het, en die plesier daarvan om kinderprogramme vir radio skep.

Haidee Muller-Isaacs gesels met Gershwin Cupido oor sy grootworddae in Albertinia, die bemagtiging van die jeug by Die Stigting vir Bemagtiging deur Afrikaans, en nou bestuurder in eie reg. Hy ploeg steeds terug in sy gemeenskap op Albertinia waar hy 'n jeugfees gestig het.

‘n Vrou in Brasilië is met haar oom se lyk bank toe om met sy handtekening daar geld te kry.

Jean Craven gesels vertel van die volgende Madswimmer-avontuur waar hy en ‘n groep mense Himalajas toe gaan om ‘n nuwe wêreldrekord vir die hoogste swem op te stel. Meer as 7000 meter bo seespieël is waarvoor hulle mik, maar 6 500 meter is genoeg om die rekord te behou wat Madswimmer voorheen opgestel het met ‘n swem in die Andesgebergtes.

Haidee Muller-Isaacs gesels met Namakwalander Sydene Cloete oor haar omgeehart vir die kinders van die Masigcine Kinderhuis in Mfuleni. Daar versorg hulle verwaarloosde, verwerpte en mishandelde kinders.

Lorren de Kock vertel vir Martelize Brink van ‘n wêreldwye peiling wat wys dat 85% van mense ‘n verbod op enkelgebruik-plastiek steun.

‘n Bende wat aan ‘n godsdienstige sekte behoort, het op ’n Bollywood-superster geskiet. Salman Khan het glo in 1998 twee bedreigde bokke geskiet, en die sekte beskou dié bokke as heilig.

Dawie Botha vertel in SO IS DIE LAND GEBOU van damme en hoe die oorloopkrag van water oor die wal verminder word.

Haidee Muller-Isaacs loer in by die Down with Dough-bakkery in Kaapstad. Dis begin deur Lynne Rutherfoord om jongmense met intellektuele gestremdhede se vaardighede op te skerp. Lynne se seun, Joshua, het Downsindroom. Sy wou graag hê dat hy en ander soos hy ook hulle plek kan volstaan as jong werkendes.

Dr. Johann Strauss vertel hoe litium-ioon-batterye werk, en hoe veilig dit is.

Soms word motorhuise gebou om by die eksotiese motors daarin te pas. Hulle noem dit ‘n kunsgalery vir die rygoed.

Wie word die hardste geslaan deur Kunsmatige Intelligensie in die kunswêreld. Johan Rademan het met argitek en kunstenaar Evert Esterhuizen hieroor gepraat.

Nieu-Seeland het helikopters, bote, honde, kameras en lokvalkundiges ingespan om ‘n wesel agt maande lank te jag. En 300 000 Amerikaanse dollar later is die wesel wel van kant gemaak.