Arràbiu - Contai po no scaresci

In su 2010, s'ex bandiu Graziano Mesina si presentat in su bixinau de Sant'Elias po ndi torrai su dinai chi ddi depiant de sa benda de sa droga. Cun ameletzus, contus de arrangiai e spriculitamentus, ndi bessit a pillu s’arretratu de un’òmini chi mancai dd’apat acantzau sa gràtzia sa Giustìtzia, no at lassau mai su mundu de sa criminalidadi.

Casteddu, 2009. Sa vida de dònnia dii de Antonietta Piredda, ex maista in pintzioni, si ndi studat de mala manera aintru de domu sua. Una bocimenta maca, sentza de violèntzia po intrai e sentza de arrexoni sigura, chi benit a essi tra is prus arrorosas de sa crònaca sarda, aundi mistèrius, indàginis e interrogatòrius funt ancora sentza de arrispusta.

In su 2008, una dii de àcua chi pariat una cosa calisisiat a giru de unas cantu oras bessit una temporada chi ndi sciorrocat a Cabuderra, faendi dannu e bocendi genti. Un’arrori chi si fait biri sa fortza manna de sa Natura e sa nexi de s’òmini, e chi at lassau una ferta oberta in is arregordus de sa Sardìnnia.

Unu bocimentu spantat a Casteddu, e marcat a fundu is annus duamila. Sa morti de s’ex potecària Pietrina Tola fait a timi una tzitadi chi si creiat de essi acabau cun is bocidroxus mannus de su tempus passau. Is indàginis ndi bogant a pillu un’acuntèssiu arrorosu, una beridadi maca e chi at fatu spramai puru.

Una missioni po sarvai una vida benit a essi, a giru de unus cantu minutus, un’arrori tra is prus mannus de sa Sardìnnia de custus tempus. Una scuadra de cardiuchirurgia movit de Casteddu po ndi pinnigai unu coru po unu patzienti chi est abetendi su trapiantu, ma sa torrada no at a lompi mai anca depiat lompi.

A printzìpius de is annus duamila Casteddu si bisat de bessiri una tzitadi moderna, turìstica e chi càstiat a cras. In mesu de progetus mannus, promissas de cambiamentu e ocasionis pèrdias, nascint is contus de su Poetu, de Sant’Elias, de bia Roma, de su mercau de Santu Beneditu e de sa torrada de su tranvi. Unu viàgiu prenu de spèddiu e de amargura, aintru de una tzitadi chi est cambiendi, ma no...