不正常90後

58. 屬於自己的理想空間 30.04.2023 45:35 ↓

出黎做嘢之後，都會有少少想搬出去住😆 可能係因為想有自己空間，都可能係想要體驗生活。不過香港生活成本高，搬出來住似乎好奢侈。就等三位主持分享一下對於搬出來住既想法啦！

57. 你的髪型如何，你的樣子也必如何 23.04.2023 45:06 ↓

香港人嘅形象管理一向水準都十分之高 而每個人外在形象最大影響嘅因素一定係髪型 (靚仔除外，靚女都好難講) 但係呢樣嘢並唔係你100%可以控制 如果你都(曾經)喺剪髮上嘅煩惱，咁你一定要收聽呢一集

56. 懷舊熱潮掀起！ 16.04.2023 47:16 ↓

近年來，越來越多人對香港8090年代的生活方式、文化和服飾產生懷舊情懷。在這一集中，我們討論了這股懷舊熱潮的原因，探討了為何現今越來越多人對這段歷史產生懷舊情懷，並分享了我們的個人回憶和觀點。

55. 流量密碼: AI之亂 (ft. ChatGPT) 09.04.2023 38:50 ↓

相信呢幾個月，好多香港人已經成為AI專家或者狂熱者，就係因為ChatGPT嘅出現。 AI嘅發展速度愈來愈快，有人覺得可以令生活更方便，亦有人 (aka Elon Musk) 覺得人類社會嘅發展速度跟唔上AI。 咁到底呢樣嘢係危定機呢?

54. 初戀哪些柒事 02.04.2023 44:48 ↓

今日我哋嘅主題係：初戀！係唔係好有感覺呢？三位主持人會同大家分享佢哋當時嘅心路歷程，講返佢哋喺初戀時嘅甜蜜(on9)瞬間。我諗呢個話題一定會令好多聽眾都有啲共鳴，因為每個人嘅初戀經歷都好特別(OL9)。希望大家可以同我哋一齊分享返自己嘅回憶，重溫返那些美好嘅時光啊！

53.【不正常嘉賓】保險Agent的日與夜🌅(下) 26.03.2023 39:54 ↓

承接上集，究竟作為一個保險 Agent 會遇到咩嘢有趣事情呢？ 做保險係咪真係搵咁多錢？快啲聽埋呢集啦！未聽上一集嘅聽眾都可以聽翻 EP.52 架。

52.【不正常嘉賓】保險Agent的日與夜🌅(上) 19.03.2023 41:41 ↓

三位主持一直都想開始邀請下唔同嘅嘉賓，講下唔同行業嘅趣聞同經歷。我地嘅第一位嘉賓係從事保險業嘅朋友 - 啊琳！仲要係我地開台以來第一個女嘉賓，真興奮！ 講起保險業，大家可能會諗起林作，可能會諗到呃錢/各種黑暗傳說......又有人話可以搵大錢。究竟實際係點呢？同我地一樣咁好奇嘅聽眾不妨收聽今集同下一集，了解下佢地嘅日常生活，同埋工作點滴。

51. 職銜通漲 12.03.2023 35:09 ↓

唔知大家有無發現而家通街都係Manager 可能大街跌個招牌落嚟都中幾個Analyst/Specialist 但係其實可能一個Vice President都只係sales? 今集阿豪同阿俊就嚟探討下呢個現象

50. 你唔啱唔通我又唔講得咩 05.03.2023 47:44 ↓

香港人作為連登戰士，路見不平屌你兩句真喺等閒事。不過我諗大部分人都係只不過係網上勇武，Keyboard Fighter。始終，面對面「駁嘴」係需要勇氣。到底點解香港人，特別係啲長輩咁憎人「駁嘴」，而我地90後又應唔應該「駁嘴」呢?

49. 跑咩呀，未跑就已經輸左喇 26.02.2023 30:24 ↓

作為走喺毒雞湯最前線嘅我地(堯:唔關我事)，所有關於起跑線嘅問題一律建議分手，I mean 放棄，因為你本來就應該跑唔過人。咁究竟，係依個咁絕望嘅社會，作為龜兔入邊龜嘅我地，又可以點做?在線等!

48. 婚前性準備行為 19.02.2023 43:46 ↓

相信大家喺結婚之前必然有一個大難題，就係點樣求婚 今集我哋三個主持就由心態講到鑽介 歡迎各位女朋友嚟集思廣益，男朋友就自行決定參唔參考啦

47. 對等關係 12.02.2023 45:52 ↓

每段關係，都有大家覺得舒服嘅相處方法。到底點樣找出一個大家認同，又可以維持嘅相處模式呢？ 經過咗咁多集，大家都知道三位主持對伴侶關係各有不同價值觀。聽下三位主持點講，或者留言話比我地聽你嘅想法！

46. 無朋友?洗乜驚呀! 05.02.2023 39:40 ↓

人越大，就好似越嚟越少朋友。我地往往會為自己搵好多藉口，工作太忙，掛住拍拖。但問心個句，我地係真係忙，定還是越嚟越唔重視朋友?今集，就同大家一齊，去重新審視朋友對你既意義係咩。

45. 親戚問問問 29.01.2023 40:31 ↓

每逢新年，就會見到一大班親戚。 你地會唔會同三位主持一樣，都好怕親戚嘅連環發問？有無解決方法呢 聽下三位主持嘅分享，同你地嘅遭遇似唔似？

44. 排隊文化 15.01.2023 38:58 ↓

如果要數一樣香港名物，「隊」一定係其中之一 唔係隊人個「隊」，係排隊個「隊」 香港人對於排隊嘅熱衷可能係全世界第一 而阿俊同阿豪今集就嚟深入探討下呢個此風不可長嘅文化

43. 成名要趁早 08.01.2023 32:53 ↓

好多嘢都係愈早做就愈好，包括成名 今集我哋就嚟討論成個社會嘅現象、風氣 亦都會講下點解要成名，點樣先做到呢 （唉我哋都未成名，講經咩...）

42. 求學就是求分數 01.01.2023 39:03 ↓

好多人都話香港地係一試定生死，認為公開試考得好唔好，決定左你一生人既命運。但偏偏好多人又會一直灌你雞湯，「求學不是求分數」、「行行出狀元」。究竟，我地喺香港地讀至少12年書係有無意義呢？今日阿豪同阿俊就同你講，求學就是求分數！

41. 性誕快樂 25.12.2022 32:59 ↓

又到咗聖誕節啦！不正常90後祝大家聖誕快樂！ 聖誕節大家計畫咗咩呢？ 無論計畫咗咩，最緊要同你愛嘅人一齊度過。或者大家可以聽下呢集podcast，聽下幾個90後點樣過呢個聖誕啦

40. 金手銬 18.12.2022 37:15 ↓

一般而言，金手銬是指公司利用股票期權、獎金紅利等預期收入手段留住企業高層管理者等人才的手段。聽落同我地依啲普通人無咩關係。但生活中嘅你，又有無試過為左錢，而去放棄一啲生命入面曾經以為好重要嘅野？或是，你係時候了解自己更多一啲。

39. 中學生應否談戀愛 11.12.2022 46:24 ↓

大家讀中學嘅時候，都會記得一個永遠都無定論嘅議題 - 中學生應否談戀愛。 可能你宜家已經為人父母，或者仲係一個中學生，但係中學想拍拖，似終係一個必經階段。 三位主持都唔例外，都曾經青春過。過左咁多年再回味一下中學嘅經歷，想法有無改變呢？ 歡迎大家進入我地嘅世界，一齊再經歷一次中學嘅回憶！

38. 輸一秒 就輸一世 04.12.2022 42:59 ↓

成日都聽人講。香港係最有效率嘅地方之一。香港人嘅行路速度之快，工作嘅勤力，絕對係遠近聞名。到底我地應該不斷追求更快，定係慢落嚟做自己鐘意嘅嘢呢？ 今集三位主持會分享一下對效率嘅看法，仲有分享提升效率嘅方法。有興趣嘅觀眾一定要聽下呢集啊！

37. 37歲就會失業 27.11.2022 37:46 ↓

有人話，當你擁有得越多就越會怕失去。對咁鍾意返工嘅香港人嚟講，失業可以話係最恐怖嘅事。有人話， 人一到中年就注定會失業，到底係真定假？我地又可以點樣改變宿命？

36. 性啟蒙 20.11.2022 56:00 ↓

【本節目只適宜十八歲以上成年人收聽】 正所謂：食色性也，性喺人類發展入面係不可或缺嘅部份，亦係正常不過嘅事。 但係偏偏喺呢個社會，特別係香港/東方，大家都將之視為避諱，避而不談。 今日我哋就要打破呢個框框：不正常90後首集成人節目上線啦～ 今集就聽下三位主持人嘅經驗分享，睇下有幾引人入「性」！

35. 門當戶對 13.11.2022 35:24 ↓

門當戶對，指婚姻雙方的社會地位和經濟情況相當。我哋都渴望愛情能戰勝家世同背景，但難免亦想伴侶可以有相當嘅「資源」，自己可以奮鬥少十年。到底依家嘅年青人，喺愛情同麵包兩者又會點選擇呢？

34. Ready Player Two 06.11.2022 52:41 ↓

作為第九藝術，遊戲已經成為唔少人生命不可或缺嘅一部分。而兩位主持人作為90後，見證住遊戲由黑白畫面變成Metaverse嘅未來，陪伴住雙方一齊成長。快啲入嚟聽下兩位主持人嘅遊戲歷程，一齊話當年喇！