trufm Current Affairs

Uluntu lunesithuba senyanga ukuba bavakalise uluvo lwabo kuhlenga-hlengiso lomthetho-sihlomelo wezengqesho, i-Employment Services Amendment Bill. Lo mthetho uyilwayo ungabona iinkampani kunye nemizi isithiwa nkaa ngomdliwo we-hundred thousand rands ngamqeshwa ngamnye ongummi welizwe langaphandle ongenazimpepha zisemthethweni ezimgunyanzisa ukuba abekweli. Eli lilinge likarhulumente lokuqinisekisa...

Nangengoko siqhuba nokumema imibutho yezopolitiko kuquka nabagqatswa abazimeleyo kunyulo loomasipala luka-2026. Namhlanje enkqubeni sincokole no-Bonginkosi Sondiyazi ongumgqatswa ozimeleyo ku-Ward 20 kumasipala i-Umzimvubu, phantsi komasipala wesithili i-Alfred Nzo eMpuma Koloni, nalapho esixelela ngezicwangciso anazo kuluntu...

Nangengoko siqhuba nokumema imibutho yezopolitiko kuquka nabagqatswa abazimeleyo kunyulo loomasipala luka-2026. Namhlanje enkqubeni sincokole no-Andisa Mncunzwa ongumgqatswa ozimeleyo ku-Ward 5 eMatatiele, phantsi komasipala wesithili i-Alfred Nzo eMpuma Koloni, nalapho esixelela ngezicwangciso anazo kuluntu...

Sele siqalisile ukuva ifuthe lonyulo nanjengoko kusele nje isithuba senyanga phambi konyulo loorhulumente bamakhaya, noluza kubanjwa ngomhla wesine kwinyanga yeNkanga. Ngoku sithetha nombutho olwela amalungelo abahlali base Makhanda, i Makana United Civic Movement. UAyabonga Kekana uncokole nophuma kulo mbutho, u Andile Peter... 

Siyaqhuba nokuthetha nemibutho yezopolitiko emitsha engenela unyulo loomasipala lwalo nyaka. Sisahleli kumasipala iNdlambe oquka iidolophu ezifana ne-Cawa, iKenton-On Sea, i-Alexandria ne- Bathurst, nophantsi kwesithili iSara Baartman apha eMpuma Koloni. U-Ayabonga Kekana uncokole nenkokheli yombutho iThina Bahlali People's Movement, uXolisa Runeli…

Nanjengolo kushiyeke iintsuku ezingamashumi amane anesithathu phambi kokuba siye kunyulo loomasipala kwinyanga ye-Nkanga. Imibutho yezopolitiko iyaqhuba nokugaya inkxaso kubavoti koomasipala abohlukileyo. Eminye yemibutho engenela unyulo phakathi kwayo ngumbutho omtsha iNdlambe Citizens Movement nongenela unyulo kumasipala iNdlambe oquka iidolophu ezifana ne-Cawa, iKenton-On Sea, i-Alexandria ne-...

Ngoku masijonge umbutho iMakana Citizen Front ukuba uthembisa ntoni kubahlali. Lo ngumbutho wabahlali esele kulithuba usilwela izidingo zoluntu lwaseMakhanda, ngaphambi kokuba ube ngumbutho wezopolitiko ngo2021. Ukuva ngezicwangciso zabo, uAmanda Xhala uncokole nophuma kwi Makana Citizen Front, uLungile Mxube...

Njengoko sikwixesha apho ifuthe lonyulo liphezulu, sincokola nemibutho yezopolitiko ngemiqulu yayo yonyulo equlathe izithembiso zayo yezinto ezakuthi izenze ukuphucula imo-ntlalo koomasipala. Namhlanje sibambe umbutho iMovement For Change. U-Amanda Xhala uthethe nophuma kulo mbutho, uNondumiso Solo...

Njengoko sikwixesha apho ifuthe lonyulo liphezulu, sincokola nemibutho yezopolitiko ngemiqulu yayo yonyulo equlathe izithembiso zayo yezinto ezakuthi izenze ukuphucula imo-ntlalo koomasipala. Namhlanje sibambe umbutho iAZAPO. U-Amanda Xhala uncokole noququzelela unyulo kulo mbutho, uChris Swepu....

Kusasazo olukhethekileyo lwengxoxo-mpikiswano yamaqela ezopolitiko angenele unyulo loomasipala luka-2026, noluzakubajwa ngomhla wesine kweye Nkanga. Kulonyaka, iingxoxo mpikiswano zethu zigxila koomasipala benqila/sithili, hayi oomasipala basekhaya, njengoko besisenza ngaphambili. Kule nkqubo uYolanda Kambile kunye no-Ayabonga Kekana bakhokele ingxoxo-mpikiswano egxile kwinqila yase-Sarah Baartman...

Umbutho obizwa iSmile Foundation, ubuyisela ukuzithemba nesidima kubantwana, ngotyando oluguqula ubomi babo kwidolophu iGqeberha eMpuma Koloni. Lo mbutho, nonceda amaziko akhathalela impilo yoluntu ukwenza utyando lwenyheke nenkalakahla ecandekileyo, nolubizwa icleft lip, wasekwa kwiminyaka engamashumi amabini anesithandathu eyadlulayo, kwaye sele uncede iintsapho ezingaphaya kwamawaka amahlanu uk...

Ngonyaka u-2021 amazwe ase-Afrika angamashumi amahlanu anesine aangena ngokusesikweni kwinkqubo yorhwebo oluphakathi kwamazwe akwilizwekazi i-Afrika. Le nkqubo ibizwa ngokuba yi-African Continental Free Trade Area, lelona qonga likhulu lorhwebo kwihlabathi ngokwamazwe athatha inxaxheba kulo, kwaye injongo yayo kukuphakamisa ukuzimela kwe-Afrika kuqoqosho ingaxhomekeki kumazwe angaphandle kuyo, ukw...

Inkundla yomgaqo siseko yoMzantsi Afrika, igwebe ngelithi inkqubo eyalandelwa yipalamente ukupasisa umthetho olawula inkqubo yentengo karhulumente (Public Procurement Act), ayikho semthethweni. Owona mbuzo ubuphambili kwelityala ngowokuba, ingaba ipalamente yenza ngokwaneleyo ukubandakanya izimvo zoluntu kusini na. Injongo yalomthetho kukumisela umgaqo omawulandelwe xa kukhutshwa itender okanye ku...

Imibutho yoluntu ivakalisa inkxalabo ngokubulawa kwaminina nakubeni nje impatho-mbi esekelezelwe kwisini nokubulawa kwamanina, iGBVF, yachazwa njengentlekele yesizwe. Kungoku nje amapolisa aphanda ngamathuba oku ngahle kuyanxulumana ukubulawa kwamanina alithoba Ekurhuleni, kwisithuba seenyanga ezimbini ezigqithileyo. Kunyaka ophelileyo urhulumente wachaza iGBVF njengentlekele yesizwe phantsi komth...

Ubuchwepheshe bale mihla benze kubelula ukuba sibenolwazi ze sibone okwenzeka emajuku-jukwini, silapha emhlabeni. Obu buchwepheshe buncediswa luphando lwezobunzulu-lwazi. Konke oku kuyasincedisa ekuzuzeni ulwazi oluphangaleleyo ngokwenzeka kokungqonge ihlabathi, kusincedise nasekucwangciseleni ikamva. Iziko iSouth African National Space Agency kule minyaka ilishumi elinesihlanu, lidlale indima enk...

I-ANC ithi iza kubhena ngakwisigqibo senkundla yezonyulo, kulandela isigqibo sale nkundla sokukhaba isibheno salo mbutho ngakwikomishoni yonyulo ezimeleyo. Oku kuza emba kokuba le komishoni ivalele ngaphandle abagqatswa be-ANC abayi-181 abaphuma koomasipala abathandathu, emva kokusilela kwalo mbutho ukufaka uluhlu lwabagqatswa bawo kule komishoni ngosuku olwalusikelwe oko. Ukuxoxa banzi ngalo mba,...

Ngamazwe alishumi elinanye aphantsi kweBRICS, nomsebenzi wawo ikukuphuhlisa amazwe kwakunye nokusebenzisana. Lamazwe aquka iBrazil, China, Egypt, Ethiopia, India, Indonesia, Iran, Russia, Saudi Arabia, noMzantsi Africa. Phantsi kwe-BRICS kwaye kwasekwa umbutho ojongene nokuphuhlisa ulutsha, iSouth African BRICS Youth Association. Amanye amaphulo aqhutywa yi-SABYA kukudityaniswa kweenkokheli ezinga...

Kwinqaku lethu lezopolitiko namhlanje, ilungu lesigqeba esiphezulu seANC nomgqatswa kwisikhundla sika sodolophu womasipala ombaxa, iNelson Mandela Bay, uAndile Lungisa, ubhenele kwiinkundla zamatyala malunga nomba wokukhutshwa kwakhe kuluhlu labagqatswa ngaphambi konyulo loomasipala. Igqwetha lakhe, uSinawo Makhangela, lithi uLungisa unetyala elibambekayo azakulixoxa kwinkundla ephakamileyo yaseRh...

Kule veki siyiqukumbelayo, inkonzo yesipolisa eMpuma Koloni ikhuphe ingxelo yeenkcukacha-manani zolwaphulo-mthetho zekota yokuqala yonyaka-mali u2026/27. Kuzo, iqondo lokubhaliswa kwamatyala okubulala, ukudlwengula, uxhatshazo noxhatshazo ngokwesondo lwehle ngomyinge ka-two-point-six percent ekhulwini. Nangona nje oku kusamkeleka, lukhona noluvo lokuba la manani awabonisi mfanekiso uchanekileyo ng...

Ukunqongophala kwamathuba emisebenzi, ulwaphulo mthetho nokusetyenziswa kweziyobisi, yeminye yemingeni emikhulu kulutsha oluhlala kwiindawo ezisemaphandleni. Yilento ibangele ukuba usomashishini nentsha-ntliziyo lophuhliso lolutsha, uTembelihle Tshatshu, eye wasungula umbutho ongekho phantsi kukarhulumente i-TeeMac Youth Game Changers. Lo mbutho uliqonga lophuhliso lwezakhono zolutsha, ukubancedis...

Umongameli wombutho i-AZAPO uNelvis Qekema, uthi unyulo loomasipala oluzakubanjwa ngenyanga yeNkanga kufuneka ibelithuba abantu abantsundu abalisebenzisa ukutshintsha iimeko ezingekho mgangathweni abaphila phantsi kwazo, kule minyaka ingapha kwamashumi amathathu idlulileyo. Uthi olu tshintsho ingasesona sipho sihle kumzabalazo walowo wayeyinkokheli ye-Black Consciousness Movement, uSteve Bantu Bik...

Babini abagqatswa abajonge isikhundla sokuba ngumongameli kumbutho olawula ibhola ekhatywayo, iSouth African Football Association (SAFA). Esi sibini ngugqirha Danny Jordan, nokhokelayo kulombutho kungokunje, kwakunye noSandile Zungu ongusomashishini ekwangumlawuli weqela iAmaZulu Football Club. Ugqirha Jordaan ujonge ukukhokela iSAFA isihlandlo sesine. Akhona ke amaphondo afana neKwaZulu-Natal, Mp...

Usapho, indawo yokuhlala okanye indlu yakho, nobomi obungcono ekuhlaleni, zizinto ezikhuselwayo ngumqulu wamalungelo oqulathwe kumgaqo-siseko weloMzantsi Afrika. Nanjengoko umgaqo-siseko weli lizwe ugqiba iminyaka engamashumi amathathu sukela oko wathi wasekwa, ingaba uthini ngokubhekiselele kwezi zinto sele sizikhankanyile? Ukuxoxa banzi ngalo mba, u-Amanda Xhala uthethe nengcali yezomthetho, uPh...

Kuvakala ukuba kuza ingqantsini yelanga ngenxa yemo yezulu ebizwa ngokuba nguEl Nino. Kuvakala nokuba izakuba yeyona inamandla kwisithuba seminyaka engaphezulu kwelikhulu. Ukuba sive ngefuthe lale mozulu, on the line we are joined by the Senior Scientist in the Research department at South African Weather Service, Kelebogile Mathole

Unondyebo woMzantsi Afrika, ucebisa ukuba ilawulwe kwindawo enye kusetyenziswa i Corporation for Pubic Deposits (CPD), imali engange R88.6 bhiliyoni randi ekungekafakwa mabango ngakuyo, efana neemali zomhlala phantsi yabasebenzi. Igunya bantu eliqwalasela indlela yokuziphatha kwamaziko ezemali, liphawule ukuba kukho umngeni kwinkqubo yokukhangela nokugcina iinkcukacha kumaziko ohlukileyo, ngelinge...