Перадачы

Аналітык амэрыканскага Інстытуту дасьледаваньня вайны Кацярына Сьцепаненка расказвае пра магчымую ролю ядзернай зброі ў Беларусі для расейскай стратэгіі ва Ўкраіне і пра тое, што можа зрабіць Крэмль, каб скарыстаць беларусаў для вайны.

7 эпізод прысьвечаны драматычным падзеям у шпіталі, вынікам якіх сталі сьмерці людзей. І прычынай іх быў не каранавірус.

Другі сэзон падкасту доктара Ўладзімера Мартава прысьвечаны другой хвалі каранавірусу ў Беларусі. Яна супала зь мірнай рэвалюцыяй, якая распачалася пасьля фальсыфікацыі вынікаў прэзыдэнцкіх выбараў 2020 году і брутальных рэпрэсій уладаў.

Cтаршыня Беларускага фонду спартовай салідарнасьці, алімпійская чэмпіёнка, плыўчыха Аляксандра Герасіменя – пра дзейнасьць фонду, дапамогу спартоўцам, жыцьцё без басэйна і магчымыя выступы беларускіх спартоўцаў на Алімпіядзе пад белым сьцягам.

Як зьбіраецца мяняць Канстытуцыю Лукашэнка? Ці можа пратэст скарыстацца Ўсебеларускім сходам? Ці даможацца Расея сваіх мэтаў наконт канстытуцыйнай рэформы ў Беларусі? Гэтыя пытаньні абмяркоўваюць доктар палітычных навук, дырэктар інстытуту «Палітычная сфэра» Андрэй Казакевіч і публіцыст, паліттэхноляг Аляксандар Фядута.

Вальжына Морт — беларуска-амэрыканская паэтка, жыве ў горадзе Ітака ў штаце Нью-Ёрк, дзе выкладае ў Карнэльскім унівэрсытэце. З чаго нараджаюцца яе вершы? Якую ролю ў іх адыгрываюць бабуліны сьведчаньні? Адкуль бяруцца мэтафары ў яе паэзіі? Як ёй бачыцца сёньняшняя Беларусь? З паэткай размаўляе Ян Максімюк.

Ці здолее прэзыдэнт Байдэн пераадолець раскол амэрыканскага грамадзтва? Зрынаньне помнікаў, рух BML — гэта ўсё разгарыцца зь яшчэ большай сілай ці пойдзе на спад? У чым ён працягне палітыку Трампа? Адносіны з Расеяй і Кітаем — што зьменіцца? Што адбудзецца з амэрыканскім лідэрствам у сьвеце? Пры Байдэну — ці ўручыць пасол ЗША даверчыя граматы Лукашэнку? Гэтыя тэмы ў Праскім акцэнце абмяркоўваюць б...

Аляксандар Лукашэнка абвясьціў, што пасьля зьмены Канстытуцыі ня будзе прэзыдэнтам. Што стала прычынай гэтай заявы? Ці выканае ён гэта абяцаньне? Якой будзе рэакцыя на гэтую заяву пратэстоўцаў, намэнклятуры, Захаду і Масквы? Гэтыя пытаньні ў Праскім акцэнце абмяркоўваюць палітолягі Рыгор Астапеня, Валерыя Касьцюгова і Арцём Шрайбман.

У інтэрвію тэлеканалу «Дождж» Сьвятлана Ціханоўская заявіла пра неабходнасьць зьмены тактыкі пратэстаў. У чым можа палягаць гэтая зьмена, якія варыянты зьменаў абмяркоўваюцца? Ці азначае гэта адмову ад вулічных акцыяў? Як Ціханоўская прапануе адказваць на палітычныя пляны ўладаў – правядзеньне усебеларускага сходу і канстытуцыйную рэформу? На гэтыя пытаньні палітычнага аглядальніка Свабоды Юрыя Др...

Чаму супраць нядзельнага маршу ўлады кінулі такія вялікія сілы? Якія тэндэнцыі пратэсту? Ці назіраецца яго радыкалізацыя? Над гэтымі тэмамі ў Праскім акцэнце разважаюць заснавальнік і ўласьнік рэсурсу «Сильные новости» Пётар Кузьняцоў і палітычныя аглядальнікі Валер Карбалевіч і Віталь Цыганкоў.

Якой будзе палітыка Байдэна адносна Беларусі? Ці прыедзе ў Беларусь амбасадар ЗША? Як яна будзе суадносіцца зь яго палітыкай адносна Расеі? Па гэтых тэмах у «Праскім акцэнце» спрачаюцца амэрыканскія беларусы: адвакат, палітык Юрась Зянковіч і былы дыплямат, грамадзкі дзеяч Валер Кавалеўскі

Якімі будуць адносіны Беларусі і ЗША, калі прэзыдэнтам абраны Джо Байдэн? Ці прыедзе тады ў Беларусь у хуткім часе амбасадар ЗША? Ці ўвядзе Вашынгтон новыя санкцыі адносна Беларусі? Якімі будуць шанцы на зьдзелку ЗША і Расеі адносна Беларусі? Гэтыя пытаньні ў «Праскім акцэнце» абмяркоўваюць палітычныя аглядальнікі Валер Карбалевіч і Віталь Цыганкоў і экс-кандыдат у прэзыдэнты Беларусі, былы амбаса...

Сяргей Гасаян, юрыст выбарчага штабу Валерыя Цапкалы, патлумачыў Свабодзе, чаму зьбіраецца ўзяць удзел у «круглым стале», які арганізуе Юры Васкрасенскі 8 сьнежня, што ён хоча данесьці і як будзе адказваць на крытыку за ўдзел у імітацыі дыялёгу.

Каталіцкі сьвятар з Расонаў (Віцебская вобласьць) Вячаслаў Барок расказвае ў інтэрвію «Свабодзе» пра судовы працэс над ім, перасьлед за пропаведзі ў ягоным yotube-канале і просьбы пакінуць Беларусь.

Што азначае заява Лукашэнкі пра пагрозу захопу заходняй часткі Беларусі сіламі NATO? Як на гэта рэагаваў Пуцін на саміце АДКБ і як можа адрэагаваць Расея? Якой рэакцыі можна чакаць ад Польшчы і ад Паўночнаатлянтычнага альянсу? Гэтыя тэмы ў «Праскім акцэнце» абмяркоўваюць палітолягі Валер Карбалевіч і Юры Царык.

Расейскі журналіст і музыказнаўца, аўтар папулярнага праекту «Хижина дяди Тёмы» на ARU TV Арцемiй Троiцкi параўноўвае рэпрэсіі ў Беларусі з часамі нацысцкай акупацыі, аналізуе розныя формы пратэсту і лічыць цяперашні час найбольш плённым для беларускіх творцаў.

Юліі Коцкай і Андрэю Шаўлюгу прысудзілі 8 і 15 сутак за нібыта ўдзел у незаконнай акцыі. У інтэрвію «Свабодзе» яны расказваюць пра суды над імі, побыт у ізалятарах, атмасфэру сярод зьняволеных і стаўленьне з боку ахоўнікаў.

Адзін з найлепшых заходніх экспэртаў па беларускай эканоміцы і бізнэсу нямецкі аналітык Даніэль Крутцына, які 13 гадоў працаваў у Беларусі, расказвае, што адбываецц з бізнэсам і інвэстыцыямі, чаму няма расколу элітаў, і як зьмянілася беларускае грамадзтва за апошнія паўгоду.

Што гаворыць пра стаўленьне беларусаў да Расеі і Пуціна апошняе апытаньне, зробленае брытанскім дасьледным цэнтрам Chatham house? Які народ самы блізкі беларусам? Якой форме двухбаковых адносінаў з Расеяй аддаюць перавагу беларускія гараджане? Ці варта Беларусі, на іх погляд, заставацца ў АДКБ? Пра гэта ў інтэрвію палітычнаму аглядальніку Свабоды Юрыю Дракахрусту распавёў супрацоўнік Chatham house...

Першы прэзыдэнт незалежнай Украіны Леанід Краўчук у інтэрвію Свабодзе называе сытуацыю ў Беларусі сапраўднай трагедыяй. Падпісант Белавескіх пагадненьняў лічыць, што цяпер бяссэнсоўна заклікаць Лукашэнку спыніць гвалт, і міжнародная супольнасьць мае дапамагчы ў вырашэньні палітычнага і гуманітарнага крызісу ў Беларусі.

27 лістапада расейскі гурт «Каста» выпусьціў новы кліп на сваю песьню «Выходи гулять». Відэа напоўнена жорсткім сцэнамі гвалту з боку сілавікоў, адзін зь якіх прыходзіць дадому, і зь ягонага цела пачынае сачыцца кроў ад успамінаў аб «працы». За першы ж дзень кліп набраў паўтара мільёна праглядаў, і мноства людзей у камэнтарах параўноўвалі гэтае відэа з дакумэнтальнымі кадрамі, зьнятымі ў Беларусі...

Пра падзеі ў Беларусі з пункту гледжаньня літаратуры і найноўшай гісторыі размаўляем з дырэктарам расейскага выдавецтва «Время», ураджэнцам Менску Барысам Пастарнакам.

Палітык і грамадзкі дзяяч Зьміцер Дашкевіч патлумачыў Свабодзе, чаму заклікаў усіх неабыякавых людзей стаць у Ланцуг пакаяньня 21 жніўня.

Акторка і сьпявачка Наста Шпакоўская (NAKA) патлумачыла Свабодзе, чаму напісала заяву аб звальненьні з Нацыянальнага драматычнага тэатра імя Горкага, у якім адпрацавала 16 гадоў.

Cябра Каардынацыйнай рады рэжысэр і драматург Андрэй Курэйчык лічыць абсурднымі абвінавачваньне ў «захопе ўлады», паводле якога была заведзеная крымінальная справа ў дачыненьні да рады.