Barrscéalta

Cuirfidh RTÉ Raidió na Gaeltachta agus Ceolfhoireann Coirme RTÉ ceolchoirm speisialta ar stáitse a dhéanann ceiliúradh ar na hamhráin is ansa leis na Gaeil, amhráin a mhol lucht éisteachta RTÉ Raidió na Gaeltachta san fheachtas “An tAmhrán is Ansa Linn” ar an chlár an Cóisir Cheoil.

Le Corn an Domhain faoi lán seoil chuaigh muid siar go dtí an bhliain 1990 nuair a d’imir foireann sacar na hÉireann sa chomórtas den chéad uair riamh Ba é Packie Bonner a bhí sna cúil d’fhoireann na hÉireann agus labhair Pádraig Ó Cnáimhsí agus Naul Mac Comhaill le Conall Ó Dubhthaigh faoi Phackie ag an am.

Tá an clár ceoil tíre “Opry le Daniel” i measc na gcláracha teilifíse is mó a bhfuill tóir air ar TG4 le blianta anuas agus beidh Opry le Daniel ar ais sa Millennium Forum i nDoire ar an 30ú Meitheamh go dtí an dara lá d’Iúil.

Comhairle do dhaoine atá ag smaoineamh ar dhul chun na farraige le linn an aimsir mhaith, caithfear i gcónaí a bheith cúramach san uisce.

Chuir an Teachta Dála ón Pháirtí Cúitimh 100%, Charles Ward rún os comhair na Dála ar maidin inniu maidir leis an chaighdeán úr IS465 le measúnú a dhéanamh ar thithe le brící lochtacha a foilsíodh le gairid.

Le scéalta mór nuachta an lae ón taobh seo tíre.

Beidh oíche oscailte ag scéim Chéad Fhreagróirí Ghleann Cholm Cille ón 7-9 a chlog anocht i Seanscoil na Carraige.

Bhí Conor Ó Gallachóir i láthair ag ócáid a bhí ar siúl i nGaoth Dobhair le gairid dírithe ar an téama ‘Éire Aontaithe” Labhair Conor Róisín Nic Liam, a bhí i mbun taighde do Chonradh na Gaeilge ar an ábhar seo, Dónall Ó Cnáimhsí, Oifigeach Pleanála Teanga an Iarthuaiscirt agus Ciarán Mac Giolla Bhéin, Uachtarán Chonradh na Gaeilge.

Beidh comhdháil ar siúl in Ollscoil Uladh i mBéal Feirste ar an Déardaoin seo dírithe ar Chaighdeáin in Reachtaíocht agus i gCur Chun Cinn Teanga. Is é Oifig an Choimisinéir Gaeilge atá ag reáchtáil na hócáide.

Bhí deireadh seachtaine gnóthach ann ag an deireadh seachtaine agus Railí Idirnáisiúnta Dhún na nGall ar siúl sa chontae seo. Tharla cuid mhór eachtraí agus bhí deireadh seachtaine gnóthach ag na Gardaí.

Seolfar Fleadh Cheoil na hÉireann go hoifigiúil i mBéal Feirste inniu.

Le scéalta móra nuachta an lae ón taobh seo tíre.

Clár irise á chur i láthair beo ó stiúideo na nDoirí Beaga ag Aodh Máirtín Ó Fearraigh agus a léiriú ag Conor Ó Gallachóir.

Ag caitheamh súil chun cinn ar chluiche Dhún na nGall v Baile Átha Cliath agus cluichí eile a bheas ar siúl i gCraobh na hÉireann ag an deireadh seachtaine. Labhair sé fosta faoi bhás Donald Uí Bhreisleáin, fear a bhí iontach gníomhach i CLG Ghaoth Dobhair i rith a shaoil mar imreoir agus mar riarthóir.

Tá cluiche mór ag Dún na nGall ar an Domhnach i bPáirc an Chrócaigh, beidh lá stairiúil ag fear eile ar an Domhnach fosta, sin Micheal Ó Murchú agus é réidh le himirt. 200ú cluiche dá chontae agus labhair sé fosta faoin scéal brónach ar maidin go bhfuair Donald Ó Breisleáin bás, iar imreoir do Ghaoth Dobhair agus do Dhún na nGall.

Beidh mná Dhún na nGall ag dul chun páirce amárach i gCraobh na hÉireann in éadan Mhaigh Eo.

Beidh an ócáid, Griantrad ar siúl ar an Domhnach seo i bPáirc Bhaile na Lorgan i nDún Dealgán.

Mír rialta ag tabhairt comhairle faoi chúrsaí garraíodóireachta. Inniu labhair Deirdre ar an dóigh le leas a chur ar a gcuid glasraí agus torthaí.

Beo ó Railí Idirnáisiúnta Dhún nGall agus an chéad lá ar obair i nGaoth Dobhair.

Clár irise á chur i láthair beo ó stiúideo na nDoirí Beaga ag Damien Ó Dónaill agus a léiriú ag Conor Ó Gallachóir.

Seolfar an leabhar “Maith Thú A Mhicí” le Micí Sheáin Néill Ó Baoill i Rann na Feirste anocht. Bhí an leabhar as cló le tamall, agus seo an tríú eagrán den leabhar. Labhair Conor Ó Gallachóir le Brídanna agus Eileen faoin ócáid.

Ag cur síos ar an bhaint a bhí aige leis an railí le daichead bliain, an obair a bhíonn ar siúl aige le linn an railí agus an ról a bheas aige i railí na bliana seo.

Mír rialta leis an Dochtúir Delap ag freagairt ceisteanna ó éisteoiri agus ag tabhairt comhairle sláinte don phobal agus plé ar Seachtain Idirnáisiúnta Sláinte na bhFear ar siúl an tseachtain seo.

Tá sé deimhnithe anois go mbeidh Oifig an Phoist in Anagaire ag druid i gceann 6 seachtainí mar go mbeidh an máistreás poist in Anagaire ag éirigh as go luath agus nár éirí le An Post ina gcuid iarrachtaí duine eile a aimsiú chun an Oifig an Phoist a reáchtáil.

Ag caint ar an tionchar a bheas ag na rialacha úra a d’fhógair an Roinn Tithíochta maidir le daoine ar mian leo tithe a ligean go gear téarmach ar Airbnb ó suíomhanna de mhacasamhail le hiarracht a dhéanamh níos mó tithe a bheith ar fáil ar chíos go fad téarmach.