Ligwalagwala FM Current Affairs

I AfriForum seyivakalise kutsi ifuna kubophisa umholi weEFF Julius Malema ngetinsolo letitsi wabita lobekanguthishelanhloko wase-Bergview College Jaco Piterse ngekutsi ungumgagadleli. Lelicala lisukela esehlakalweni sekudlwengulwa kwentfombatanyane lefundza kulesikolo nga-2024. Kuyibuka kabanti lendzaba simeme solwati ngetebugebengu, Dkt Mxolisi Mathebula.

Kulindzeleke kutsi Pitso Mosimane atsatse ematomu ekuhola licembu lesive iBafana Bafana kulandzela kushiya kwa-Hugo Broos. Sikhulumisene nesati setemidlalo Umnumzane Abel Mpika

Bafundzi basesikolweni semabanga laphasi iMakoko Primary School lesise Ningizimu nelidolobha laseWhite River, eMpumalanga, banikela ngetibhidvo labatilimela tona emabaleni esikolo kuloluhlelo lekudla lesikolo (School feeding scheme) babuye batsengisele nendzawo yekuhlalisa tivakashi ledvutane nalesikolo tibhidvo. Simeme thishelanhloko wakulesikolo Laizer Mlangeni.

Ngalesikhatsi etfula inkhulumo yekubungata lilanga labomake, mengameli welive Cyril Ramaphosa  ukhulume kabanti ngalesihlava sekuhlukunyetwa kwabomake nebantfwana kulelive nangalokunye lokuhlupha emakhosikati. Simeme umhlatiyi wetepolitiki umnumzane Solly Masilela 

Likomiti leMaswati lahlala kuleli lelitibita ngekutsi Emaswati Sovereign Committe, lisemkhankasweni wekufuna kubuyiswe loku lelikuchaza ngencenye yemhlaba waseSwatini lowasala lapha eNingizimu Africa. Lelikomidi litsi selibhalele mengameli welive Cyril Ramaphosa, inhlangano yelubumbhano lwemave eAfrica, AU nenhlanangano yaMhlabuhlangene. Sikhulumisana nasihlalo walelikomiti Umntfwanenkhosi Menzi D...

Namuhla kuhlangana iminyaka lengema-70 kusukela bomake labatinkulungwane letingema-20 bamashela e Union Building, bafuna kuphele umtsetfo wemapasi kuhulumende wencindzetelo. Kepha nasibuka kulesikhatsi sanamuhla, yini lesingayifundza ngalesinyatselo lesatsatfwa ngulabomake. Simeme Dr Matoane-Nkabinde, lolilunga lekomiti yenhlangano yetifundziswa i-SAAPHDs, aphindze abe ngumcondzisi etikweni letenh...

Indvuna yelitiko letekubusa ngekubambisana Velenkosini Hlabisa sewulishicilele ngalokusemtsetfweni lilanga lamhla ka-4 kuLweti njengalekutawuvotwa ngalo elukhetfweni lwabohulumende basekhaya kulelive. Lokushicilelwa kwalelilanga emculwini wahulumende kusho kucala kwesikhatsi selukhetfo semalanga langemashumi layimfica. Simeme lomunye webacwaningi betepolitiki e-SABC Maswele Ralebone kutokhuluma ng...

Inyonyana yabothishela i Nataional Teachers Union (NATU) itsi ifuna kuba yincenye yaloluhlelo lwekuhlola kutiphatsa kwabothishela (vetting) ngenhloso yekucinisekisa loluhlelo aluketeli kutohlukumeta bothishela kepha lutewuphenya labo lebanemacala ekuhlukumeta bantfwana ngekwelicansi. Lokhulumela iNATU Mathemba Mabhija uiyachaza.

Inhlangano ye-DA kulindzeleke yetfule umhlahlandlela wetetsembiso telukhetfo (manifesto) eMary Fitzgerald Square eJozi kusasa.  Kepha lotasitjela kabanti ngalomcimbi ngulokhulumela lenhlangano Karabo Khakhawu  

I Ningizimu Africa ihlela kubeka umkhakha wetimbiwa eAfrica njengalotawudlala indzima lebaluleke ekukhuliseni umnotfo, kutfutfukisaa timboni kanye nekufaka sandla emnotfweni wemave emhlaba. Lena yinkhulumo  levele emhlanganweni wekucinisa budlelwano betemnotfo, kuhwebelana nekusisa eAfrica lobewuhola yindvuna yetangaphandle Ronald Lamola ngekubambisana neCEO yaseAbsa, Kenny Fihla. Bonolo Mari...

Iyacala namuhla imidlalo yesigaba semkhumla jezi pheceleti ema-quarter-finals e-Women's Africa Cup of Nations i-WAFCON ,  e-Morroco. Ekhatsi kwemidlalo letawudlalwa namuhla kulesigaba ,i-Banyana Banyana itawutfolana  etulu ne Moroccow.. Sikhulumisana nemhlatiyi welibhola letinyawo, Hloni Mathonsi.

Njengobe lelive ligumba inyanga yabomake, lenye yetigcinamba letibukene nabomake yinkinga yekungatfola imali yesondlo semntfwana kubobabe i-child support maintenance. Ngekusho kwenhlangano lengekho ngaphansi kwahulumende i-Social Justice Foundation, bomake labanyenti solomane bahlangabetana nebumatima nakumele batfole imali yesondlo . Kukhuluma ngalendzaba sicocisana na Mbongiseni Mdaka lovela eti...

Kusachubeka kubhonsela emswaneni mayelana nekwendlula emhlabeni kweMfundisi Dr ED Phoku welibandla iKanyamazane Alliance Church (KAC). Sicele lomunye webangani bakhe lophindze akhulumele umndeni, Umnumzane Jabulani "JR" Nkosi.

Namuhla esigabeni setfu semabhuku sibuka libhuku lelinesihloko lesitsi 'Strong Is A Lonely Place' lelibhalwe nguAsanda Hlamandana. 

Mabhalane wemkhandlu webamandla kuleli i-South African Council of Churches (SACC), Mzwandile Molo utsi bawumikisa emalunga enhlangano yemabandla lasentansi nelivekati leAfrica, i-FOCCISA etindzaweni letahlukahlukene kue atibonele matfupha kutsi luchubeka njani loluhlelo  lwekubuyisela emuva bantfu bangaphandle  lebangenamaphepha ekuba kulelive.

Hulumende wesifundza se Mpumalanga utsi uvakashele Emagogeni kumasipala weNkomazi ngeluhlelo lwakhe  lwekuchumana nemiphakatsi iExco Outreach Programme. SInalokhulumela hulumende wesifundza George Mthethwa kutosichazela kabanti.

Umndeni wa-Kgomotso Dibetso loneminyaka leli-16, lekutsiwa wanyamalala ngalesikhatsi asesikolweni sekusoka eHammanskraal, eNyakatfo yePitoli, solo usafuna timphendvulo., sekwendlule inyanga anyamalala. Nonhlanhla Ntshingila na-Given Mahlalela bsihlnganisele lombiko.

Mengameli Cyril Ramaphosa ukhulule tiphakamiso leticuketfwe embikweni wesibili wesikhashana welikhomishana laMadlanga.  Ldlikhomishana liphakamise kutsi kucondziswe tiogwegwe kubuye kuphenywe emqcala ebugebengu lisekela lelimisiwe lakhomishsna wemaphoyisa Lt-Gen Shadrack Sibiya, Sgt Fannie Nkosi, Fakazi G kanye naBrown Mogotsi. Sibahle Motha usihlanganisele lombiko lesiwetfulelwa ngu-Ephraim...

Indvuna yetekubusa ngekubambisana Velenkosini Hlabisa kulindzeleke ashicilele ngalokusemtsetfweni lililanga lekuvota lamhla ka-4 kuNovember. Kubuka kutsi kusho kutsini loku, simeme lokhulumela iIEC eMpumalanga, Thanduxolo Chembeni.

Tinhlangano letingasebenteli inzuzo letisemkhakheni wetemphilo tisakhala ngesincumo  seeMelika sekuvala lusito lwetimali. Kuva kutsi kukhona yini lokutsembisako lokuphume kulengcugcutsela  beyikhuluma ngeHIV/AIDS eBrazil, simeme Umnumzane Anele Yawa lovela ku-TAC

Likomishana la-Madlanga liphakamise kutsi kutsatselwe tinyatselo tekucondzisa tigwegwe futsi kuvulelwe emacala ebugebengu boLt-General Shadrack Sibiya, Sergeant Fanie Nkosi, Witness G kanye na Brown Mogotsi. Kubuka kabanti ngalombiko wesikhashana walelikhomishana, simeme solwati ngetebugebengu, Dkt Mxolisi Mathebula.  

Umhlengikati lotimele, Maria Zahoor, utsi kubalulekile kutsi bomake banakekele imitimba yabo nasebangetulu kweminyaka len gema-40. 

Somlomo wasephalamende Thoko Didiza uyelulele sikhatsi sekusebenta ikomiti yesikhashana lebeyiphenya ngenkhohlakalo nekugcambukela kwepolitiki ekusebenteni wemaphoyisa. Solwati ngetebugebengu, Dkt Mxolisi Mathebula utsi akumangalisi lokwelulwa kwalesikhatsi sekukhishwa kwalombiko ngoba kute lokuphatsekako lokwatfolwa ngulekomiti kuloluphenyo lwayo.

Likhomishana laMadlanga live ngetinsolo tekuboshwa kwelufindvo lwekukhuluma emanga ngaNkomishana lomisiwe wemaphoyisa Fannie Masemola kuze abekwe licala lekucamba emanmga ngekuhamba kwesikhatsi. Loku kuvele kulobufakazi lobetfulwe ngumshushisi wembuso Drushantha Ramsamy losebenta kuIDAC. Ephraim Mabilane usetfulela lombiko lohlanganiswe nguSibahle Motha.  

Umtimba lolwula tekutfutsa iRoad Traffic management Corporation (RTMC) igcugcutela bashayeli betimoti kutsi bachubeke nekuvuselela emalayisensi ekushayela. Loku kuta ngemuva kwekutsi likhabinethi limemetele kutsi kuvuselelwa kwemalayisensi sekutawntiwa ngemuva kweminyaka leli-10 hhayi lesihlanu njengoba kwenteka nyalo. Kubuka kutsi kungani kukhishwe lesecwayiso sekuchubeka nekuvuselela emalayisens...