Ligwalagwala FM Current Affairs

Namuhla umhlaba wonkhe ucwashisa ngekulimala kakhulu kwengcondvo (World Trauma Day). Ngekusho kwabosolwati tinyenti tintfo letingabanga kwekutsi ingcondvo yemuntfu  ilimale ngalokwecile, lelekutsiwa yi-Trauma.  Kukhuluma ngalendzaba ye-trauma, simeme umhlengikati losebenta kakhulu ngekusita bantfu lebabukene netimo taloluhlobo, Sister Mvelwenhle Gumede-Dlamini

Namuhla sicubungulula libhuku lelibhalwe babhali lababili bo Siyabonga Sambo na Justice Mdluli lelinesihloko  lesitsi "Shadows of Mbombela, Blood & Silence."   

I ANC itsi ngetulu kwalesincumo senkantolo yemtsetfos-sisekelo lesivumelana nayo kuloludzaba lweIEC, itawuchubeka nekusebentisana nalelikhomishana lelukhetfo njengoba litilungiselela kwetfula lukhetfo lolukhululekile nalolungakhetsi. Simeme lomelele iANC lekulisekela lamabhalane wenhlangano yabomake beANC, Dina Pule, kutophefumula ngalesincumo senkantolo yemtsetfo-sisekelo.

Namuhla kubungatwa lelinga lesichazamagama, i Internataional Dictionary Day. Ngekusho kwalabakulomkhakha, kwentiwa taba tekucinisekisa kutsi tichazamagama titfolakala malula etinkundleni tebuchwepheshe. Nanobe kusetjentiswa tindlela letinyenti tekucinisekisa kutsi tichazamagama tiyatfolakala kepha kusanekukhatsateka kutsi tilwimi tendzabuko tisabukene nebulukhuni bekufinyelela etinkundleni tebucwe...

Livekati leAfrika ngulelinye lelitsatfwa njengalelibukene nenkinga yendlala, futsi banyenti bantfwana lababulawa tifo letiphatselene nekungadli kahle ngekusho kwenhlangano yaMhlabuhlangene. Namuhla umhlaba wonkhe ubungata i World Food Day. Simeme umcondziisi lomkhulu etikweni letekuliima, kutfutfukisa tindzawo tasemakhaya kanye netemvelo eMpumalanga, Dr Maanda Dagada.

Mengameli welive le Melika Donald Trump ubambe umkhankaso etifundzeni letisitfupha kuleliviki njengobe inhlangano yema Republicans, ibambe matima kucinisekisa kutsi iyabuyela ephalamende njengoba kubanjwa lukhetfo lwasemkhatsinii nesikhatsi nesiphatsa.  Kuyibuka ngeliso lemhlatiyi lendzaba, sikhulumisana nasolwati ngetepolitiki Dr Sakhile Radebe..

Lijaji Ratha Mokgoatlheng akakavumi kutsi abuyele ebhokisini labofakazi lofakazi lowetfula titfombe lekusolakala kutsi, taveta Mncube ahobile enhloko futsii anelitinyo legolide. Losolwati wetincingo lowake wetfula bufakazi kusatekwa lelicala, bekulindzeleke kutsi achaze kabanti ngemininingwane lemayelana netitfombe letatfolakala elucingweni lwa Mncube. Lerato Makola na Dan Dlamini bayasibikela...

Lisekela lamengameli we-ANC Paul Mashatile, utsi bayohlala batehlisa njalo ngetulu kwekusolwa ngekutsi bayatikhukhumeta. Balandzeli balomfelandzawonye basole lenhlangano ye-ANC ngekutsi itibona iyinkhulu futsi incono kakhulu.  Mashatile utsi usamele kutfola umbiko lophelele kutsi kwentekeni kulenkomfa yeCOSATU ngalesikhatsi sihlalo weANC Gwede Mantashe aphuma ashiya lenkomfa angaketfuli umyal...

Umhlatiyi wetembusave Solly Masilela utsi uyetsemba kutsi inkantolo yemtsetfo-sisekelo ibuke tonkhe tinhlangotsi nayikhipha lesincumo  lesivuna iANC kulesikhalo sayo ngenkantolo yetelukhetfo. Utsi lesincumo senkantolo yemtsetfo-siisekelo singumkhombandlela ngalokufanele kwenteke esiikhatsini lesiitako

Simeme lokhulumela iDA Karabo Khakhawu kutophawula ngesincumo senkantolo yemtsetfo-sisekelo lesivuna iANC kulandzela sincumo lesaakhishwa phambilini yinkantolo yetelukhetfo. 

Icale itolo ingcungcutsela yelihlandla lesiphohlongo ye-FEDUSA e Kempton Park, emphumalanga ye Jozi. Tilinganiselwa ema-500 titfunywa letihambele lengcungcutsela ye-FEDUSA levulwe ngalokusemtsetfweni lisekela lemengameli Paul Mashatile.  Kepha kuva kutsi yini lesingayilindzela kulenkomfa njengoba beyingene elangeni lesibili, sikhulumisana ne Mnumzaane Mandla Mabuza lolisekela lemengameli we-N...

Sikhulumisana nasihlalo we-School Governing Bodies, Elphus Maseko njengoba bafundzi bakamatikuletjeni bacala kubhala luhlolo lwabo lwekugcina. 

Bafundzi bakamatikuletjeni lababalelwa ngetulu kwa-950 thousand bakulelive bayacala namuhla kubhala luhlolo lwabo lekuphela kwemnyaka. Labanye balabafundzi batfukile, labanye bajabulile kutsi sigcine sifikile  lesikhatsi sekutibonakalisa lwati lwaloku bebakufundza kusukela kucale umnyaka. Sikhulumisana nemphatsiswa welitiko letemfundvo kulesifundza se-Mpumalanga, Lindi Masina

Sicocisana na Shawn Mandlazi lobekafundza esikoleni semabanga laphakeme i-Khutsani Secondary KaBokweni,  kutokhutsata bafundzi bakamatikuletjeni lebabhala liphepha lesiNgisi namuhla.

Sihlalo walelikomishana lelukhetfo iIEC, Sy Mamabolo, utsi batfole ticelo letingetulu kwetigidzi letimbili tebantfu lebafuna kuvota ngalokukhetsekile kulelikhetfo  lwabo hulumende basekhaya. Sicocisane nalokhulumela likhomishana lelukhetfo eMpumalanga, Thanduxoko Chembeni..

I COSATU ikhetse Mike Shingange njengemengameli wayo lomusha engcungcutseleni yayo eKempton Park Ekurhuleni. Susan Khumalo ukhetfwe njengelisekela lakhe lekucala kanye na Mbali Blose lolisekela lesibili. Zingiswa Losi ukhetfwe njengamabhalane jikelele walombutfo wetinyonyana tetisebenti, wesekelwa ngu Gerald Twala. Umgcinimafa lomusha we Cosatu ngu Khomotso Makhupola. Sicocisane nalokhulume i-COSA...

Litiko letekuphepha kwemphakatsi, kuvikeleka kanye nekuchumana kulesifundza se Mpumalanga, livumule kutsi kube neluphutsa lelentekile kulesikhangiso salo semsebenti wemaphoyisa emgwaco. Kepha njengoba singayati lendzaba,  sicele lokhulumela lelitiko Moeti Mmusi kutochaza kutsi kwentekeni..

Indvuna yelitiko letekubusa ngekuhlanganyela kanye netindzaba tebaholi bendzabuko, Velenkosini Hlabisa utsi hulumende kumele asise kakhulu etindzabeni tebucwephesha kuze kutoba netakhiwoncanti letitawukhona kumelana netinhlekelele temvelo. Lendvuna beyikhuluma ngalesikhatsi kubanjwe umcimbi wechushisa nge-International Day for Disaster Reduction. Sikhulumisana nemphatsiswa welitiko letekubusa ngek...

Tindzaba telukhetfo ngaLwesiitsatfu utiletselwa likomishana lelukhetfo i-IEC, Kulesigaba sanamuhla sitawukhulumisana ne-IEC ngemehluko lokhona emkhatsini kwe-Ward Ballot, PR Local Ballot kanye nePR District. Njengenjwayelo simeme lokhulumela likomishana le-IEC eMpumalanga,  Thanduxolo Chembeni.

Umfana loneminyaka leli-16 budzala usolwa ngekugwaza umntfwana loneminyaka lesitfupha budzala esakhiiweni selisontfo lelisetjentiswa njengenkhulisa endzaweni lebitwa ngetsi Umhlali,  enyatfo ne-Durban. Emaphoyisa atsi lomsolwa uboshwe asetama kubaleka. Lomntfwana uphutfunyiswe esibhedlela sase-Durban. Lomsolwa ulindzeleke abingelele mantji waKwaDukuza madvute. Dries Liebenberg naZandile Nkosi...

I-COSATU beyivotela labo labatawutsatsa tikhundla letisitfupha letisetulu kulenhlangano, itolo (13 October) kulengcungcutsela yelihlandla lelishumi nesihlanu lebanjelwe e Kempton Park.  Lolukhetfo  belucashelwe sikhungo selukhetfo lesitimele i Electoral Institute for Sustainable Democracy,  futsi imiphumela yalolukhetfo kulindzeleke kutsi imenyetelwe namuhla njengaloku kulilanga lek...

Njengaloku i-Ningizimu Africa iya elukhetfweni lwabohulumende basekhaya kulenyanga letako, sekwetfulwe luhlelo lolubuyeketiwe lwemtsetfo nemgomo ngenhloso yekubuyisa kusebenta ngekwetsembeka kwabomasipala (Municipal Systems Amendment Act). Lesinyatselo sihlose kucinisekisa kutfutfukisa indlela yekwenta umsebenti kuphindze kucinisekiswe kutsi kuba nekutiphendvulela.  Sikhulumisana na Nkosikhul...

Inhlangano ye ANC Ehlanzeni kulesifundza se Mpumalanga itsi ineletsemba kwekutsi itawubuyela kubobonkhe bomaspala kulesigodzi ngemva kwelukhetfo lwabohulumende basekhaya. Lenhlangano ikhulume nebetindzaba e Mbombela kubuka kabanti kutsi imephi kusayiwa elukhetfweni lwabohulumende basekhaya. Intsatseli yetfu Motsebi Monareng uyasibikela.

Mantji wenkantolo Hleziphi Mkhasibe utsite kutawumele atfole titatimende tabofakazi lababili lekungemantfombatane leneminyaka lengu 16 nalenye lena 18 budzala, ngaphambi kwekutsi akhiphe sijubo kusicelo sebheyili sa Shadrack Sibiya. Refilwe Mekoa  na Dan waka Dlamini bayasibikela.

Njengobe lusondzela lukhetfo lwabohulumende basekhaya takhamuti tase Waterval Boven kulesifundza se Mpumalanga titsi tineletsemba kutsi buholi lobusha lobutawungena kumaspala waseMakhazeni butawucinisenisa kulwa netinkinga lebabukene nato. Intsatseli yetfu Michael Mdluli uyasibikela.