Ligwalagwala FM Current Affairs

Inhlangano yetemphilo emhlabeni i-Wolrd Health Organisation (WHO), seyivakalise kukhatsateka ngekwandza kwelizinga labomake lebabulawa ngumdlavuta wesibeletho ikakhulukati eAfrica. Kubuka kutsi kungabe kwentiwa yini loku, simeme dokodela lotimele walapha eMbombela, Dr Simangele Nkosi.......

Mengameli wase-South Sudan, Salva Kiir uvakashe kuleli ngekwesikhundla sakhe lapho kulindzeleke ahlangane nemlingani wakhe mengameli Cyril Ramaphosa. Sicocisana nemhlatiyi wetembangave Khanya Vilakazi

Nanobe inhlangano ye ANC ingakadzaluli  emabito alabanye labatawugacela tinkhundla  tabosodolobha kepha lenhlangano itsi itawukhona kubhalisa kuloluhla lwemabito alabo labatongenela lolukhetfo ku IEC. Mabhalane wehlangano ye ANC Fikle Mbalula, ukhulume nebetindzaba ngetakamuva letsintsa lenhlangano kutelukhetfo. Sikhulumisana nentsatseli  yetepolitiki eSABC, Ntebo Mokobo.......... &...

Likhomishana lelukhetfo selicele  tinhlangano tepolitiki kutsi tisebentise kahle tinkhundla trato tekuchumana njengoba kusondzela lukhetfo lwabohulumende basekhaya. Lelikhomishana b elihlangene nemalunga esishayamtsetfo saseMpumalanga eMbombela. Michael Mdluli uyasibikela.

Inkaantolo yamantji eJozi ive kwekutsi somabhizinisi waseNorth West Brown Mogotsi wetama njani kufuna kweca enkantolo nakagcina kuvela enkantolo, atenta nogadza wasejele.  Umbuso wetfule bufakazi lobuyincwadzi lefungelwe ngumseshi walelicala. Horisani Sithole naGiven Mahlalela basihlanganisele lombiko

Masipala wase-mfulen eVaal ukwemukele kuboshwa kwetisebenti tamasipala ngetinsolo tenkhohlakalo nekukhwbanisa.  ngekukhwabanisa. Basolwa labasikhombisa labafaka ekhatsi naletinye tisebenti talomaspala tivele kafishane enkantolo yamantji wase-Vanderbijlpark. Thabiso Radebe naMillicent Phakathi basihlanganisele lombiko.

Sikhungo lesiholela siibonelelo sahulumende i SASSA, sebita bonkhe labakhangeta sibonelelo sahulumende kutsi bacinisekise kutsi bantjintjela kulamakhadi lamasha ngembi kwelilanga lelingujucu umhla ka-31 August kulomnyaka. Lotasichazela kabanti ngaletingucuko ngulokhulumela iSASSA eMpumalanga, Senzeni Ngubeni.

Indvuna yetemidlalo Gayton McKenzie utsi uyikhiphile imali yekwelekelela tinhlelo tekwetfula i-VAR emdlalweni welibhola letinyawo kuleli. Lendvuna itsi inikete iSAFA imali lengu R13 milion kuze yente emalungiselelo ekwetfulwa kwayo i VAR kepha kudzimate kube kunyalo kusete lokwentekile. McKenzie utsi sewubhalele i-SAFA ufuna lemali ubuyiswe emuva ngoba kute lokwentekako. Kuyibuka kabanti lendzaba...

Inhlangano lelwela emalungelo etiboshwa kulelive iSouth African Prisoners Organization for Human Rights (SAPOHR) seyibita kutsi liposi lingavalwa. Lenhlangano itsi loku kutawucekelaphasi emalungelo alabo labavalelwe emajele lebakhuluma nemindeni yabo ngetincwadzi. Kuva kabanti ngalokukhatsateka sichumana nemholi we-SAPORH, Miles Budu

Takhamuti letingephasi kwemkhandlu wamasipala wase-Bushbuckridge  kulesifundza seMpumalanga tikhala ngekutsi secishe kuphele inyanga solo tingaphakelwa emanti. Michael Mdluli uyabika

Bahlali baseLuphisi ngaphandle kancane kwase-Mbombela kulesifundza seMpumalanga, bebavala umgwaco lomkhulu longena kuleyandzawo bakhonondza ngekuswelakala kwqemanti. Lomnyakato walabahlali utsikamete kungena nekuphuma kwebantfu eLuphisa. Sikhulumisana nelikhansela lendzawo Mandla Siboza kanye nalokhulumela iSululumanzi Richmond Jele.

Masipala wase-Nkomazi kulesifundza sase-Mpumalanga ukucinisekisile kutsi emaphoyisa emgwaco langaphansi kwakhe ete emabhuku ekubhala emathikithi bashayeli betimoti labephula umtsetfo. Kukhuluma ngalendzaba, simeme lokhulumela masipala wase-Nkomazi, Mbuso Malale.

Mengameli weANC Cyril Ramaphosa utsi bantfu balelive kumele bayive futsi bayibone inkhululeko imihla nemalanga ngekwetfulelwa tinsita letifana nemanti nagezi. Bekakhuluma ngalesikhatsi iANC yetfula umhlahlandlela wetetsembiso talukhetfo e-Diepsloot enyakatfo ne-Jozi. Kucubungula letinye tetetsembiso letentiwa yiANC, simeme lokhulumela lenhlangano, Mahlengi Bhengu-Motsiri.

Kuphatamisekile kutfutfwa kwebagibeli bemabhansi aka-BUSCOR kaDaantjie ePienaar kulesifundza seMpumalanga namuhla. Lokhulumela iBuscor, Thomas Lubisi uyachaza.

Mengameli we-ANC Cyril Ramaphosa naketfula umhlahlandlela welukhetfo uvete kutsi lenhlangano ita nelisu lemaphuzu lasitfupha leliyowetfula ngetigaba kubomasipala. Ntebo Mokobo na-Millicent Phakathi basihlanganisele lombiko.

Kudutjulw akubulawe kwemshayisibhakela Zolani "Last Born" Tete kushiya balzndzeli nebatsandzi balomdlalo badzabuke kakhulu emoyeni. Emaphoyisa atsi Tete udutjulwe nakangena egedeni ekhaya lakhe ngaLwesihlanu ebusuku kuleliviki leliphelile. Wamiswa iminyaka lemine kulomdlalo ngemuva kwekulahlwa ngelicala lekusebentisa tikhutsati. Tete uke waba ngushampeni ku-IBF junior bantamweight nga 2014/2015 ka...

Ngalesikhatsi etfula umhlahlandlela welukhetfo lwabohulumende basekhaya, mengameli weANC nCyril Ramaphosa wente lubito lekutsi kuvalwe tonke tindzawo letitsengisa tjwala letidvute netikolo kanye nemasontfo. Kuva kutsi lolubito lubamisa njani bantfu labakulomkhakha lotsengisa tjwala sicocisana namengameli weMpumalanga Tavern Owners Association, Umnumzane Bongani Ntuli.

I ANC yetfule umculu wetetsembiso telukhetfo ngemphelasontfo lesibuya kuyo. Simeme umhlatiyi wetembangave Prof Ntsikelelo Breakfast kutewucubungula letetsmebiso teANC.

Emaphoyisa akulesifundza se Mpumalanga abophe bantfu labangu 1 145 kusukela ngaLesine evikini leliphelile kudzimate kube Lisontfo etindzaweni letahlukahlukene  talesifundza. Laba bekunene baboshwe kunawu umkhankaso wemaphoyisa i Operation Shanela. Sinalokhulumela emaphoyisa eMpumalanga, Colonel Jabu Ndubane kutosichazela. 

Kuhlangana iminyaka lesihlanu kusukela kwabulawa inhlabamkhosi Babita Deokaran. Khalesakhe Mbense uyabika

Litiko letekucashwa netisebenti kulesifundza seMpumalanga lisemkhankasweni wekukhutsata bantfu labafuna umsebenti kutsi babhalise emabito nemininingwane yabo kuloluhlelo lwe -Employment Services of South Africa i-ESSA. Kuva kabanti  lwe-ESSA nekutsi lusebenta njani asemukele (quest name still to be confirmed) lovela kuletiko letekucashwa netisebenti kulesifundza se-Mpumalanga

Litiko letekuphepha kwemphakatsi, kuvikeleka netekuchumana kulesifundza seMpumalanga, lisukumise luphenyo ngetinsolo tekushaywa kwemshayeli weloli, ashaywa ngemaphoyisa emgwaco. Loku kuta ngemva kwe video lesabalaliswe etinkundleni tekuchumana, lekhombisa emaphoyisa emgwaco ashaya lomshayeli weloli. Lesigameko kubikwa kutsi senteke emgwaceni i N4 ngase Komatipoort. Sikhulumisana nemphatsiswa Jacki...

Bomasipala labasiphohlongo bakulesifundza seMpumalanga sebacalile kusebenta kwemtsetfo lomusha wekuhlawulisa labaphula umtsetfo wemgwco, lowatiwa nge-AARTO. Bashayeli labanyenti ikakhulukati betitfutsi temphakatsi bevakalise kugongonyeka ngalomtsetfo batsi utawubaphuca sinkhwa emlonyeni. Kepha kukhuluma kabanti ngayo iAARTO nalokungalindzelwa bashayeli betimoti njengoba sewucalile kusebenta, sicel...

Licembu lebantfu labasikati litsetse sincumo sekuhlanganisa ndzawonye labanye labasikati emidlalweni ledvume njengemidlalo yalabadvuna. Laba labasikatsi batawube bagibela tintsaba ngema 4x4, bakambe esigangeni, baphindze bafundziswe ngekushayela lokusecophelweni lelisetulu (Advanced driving). Kuva kabanti ngalomcimbi lotawube useSudwala Funscapes khona laMpumalanga, simeme lomunye webahleli bawo,...

Gregory Masondo wetfule emabhuku akhe lamabili ePitoli itolo, latsi "Echoes of a Growing Mind"  kanye ne " Freedom's Unfinished Song". Simcelile namuhla kutsi sitocubungula lamabhuku akhe kutotfola kutsi amayelana nani