Ligwalagwala FM Current Affairs

Mengameli Cyril Ramaphosa  utsite hulumeni kumele ente konke lokusemandleni kuvikela bomake kulolubudlova bebulili. Zara Groenewald na Vusi Shongwe bayabika

I COSATU itsi itawubamba inkomfa yayo yeli15 emkhatsini kwa mhlaka 12 na 15 ngenyanga letako. Lenkomfa yaphunta ngembi kwekutsi icale e-Gallagher Convention Centre kuleliviki leliphelile. Lokhulumela iCOSATU Zanele Sabela uyasichazela.

Indvuna  yetebudlelwano  nemave angaphandle  Ronald  Lamola,  utsi  budlelwane  emkhatsini  kwelelive kanye neMelika sebumunyu.  Lamola bekahambele eMelika kulokunye kuyowetama kukhulumisana nalelalive ngenhloso yekusimamisa lobudlelwane lobubonakala buya ngekushuba.. Kuyibuka lendzaba simeme sati ngetindzaba temhlaba, Umnumzane Thulisa Ndlela.

Takhamuti taseMashishing kumasipala wase Thaba Chweu kulesifundza seMpumalanga, tikhala ngekuswelakala kwemanti, nanobe lomasipala eminyakeni lesihlanu leyengcile watsatsa sincumo sekuyisombulula lenkinga. Michael Mdluli uyesibikela.

Ufihlwe endlini yakhe yekugcina umsubatsi Elizaberth Ntsontso Moselakgomo endzaweni yasePhake kulesifundza seMpumalanga. Zine Buthelezi naZandile Nkosi basihlanganisele lombiko.

Litiko letemphilo lincusa bantfu kutsi bacaphele kulandzela kubhedvuka kwesifo seMpox kulelive. Lelitiko litsi kubalulekile kutsi bantfu batati timphawu talesifo, batsatse tinyatselo tekusivikela futsi bafune lusito lwetempilo ngekuphutfuma. Lokhulumela litiko letemphilo kulelive Foster Mogale uyachaza

Litiko letemphilo kulelive litsi lisengakayitfoli imibiko lemayelana nenlkinga yekuswelakala kwemitsi yekuhlela umndeni etikhungweni talo. Simeme litiko letemphilo kulelive kutochaza ngalesimo nekutsi titsini tinhlelo talo kuya phambili. Sikhulumisana na Thembi Zulu loyi-Manager for Women's Health and Rights kulitiko letemphilo velonkhe

Inhlangano yetemphilo emhlabeni i-WHO itsi babalelwa ku 3.7 billion emhklabeni wonkhe jikelele bantfu labatitfola banetifo leteyamene nekuhlanteka kwemlomo ngenca yekungatinakekeli. Inyanga yeNyoni ibalulwe njengeyekuchushisa ngekubaluleka kwekuhloba kwemlomo, ngaphansi kwesicubulo lesitsi " A Happy Mouth, is a Happy Life". Kuyibuka lendzaba, simeme  Senamile Mdaka lobuke tindzaba tekuhlantek...

Kulandzela kutfolakala kwetidvumbu tebantfu labasikati labayimfica etindzaweni letahlukene kumasipala wase-Ekurhuleni kuletinyanga letimbili letengcile, letinye tinhlangano temmango setibite kutsi kubuyiswe sigwebo sentsambo kulabo lebagwetjelwe lutfutfuva lwebulili nekubulala bantfu labasikati. Namuhla ehlelweni sifuna kubuka kutsi yini lengentiwa kulwa nalesihlava sekubulawa kwebantfu labasikati...

Umkhandlu lobuke kutfutfukiswa kwemaciko kuleli i National Arts Council bewubambe umhlangano sikolo kulesifundza se Mpumalanga ngenhloso yekucobela lwati emaciko noma ema artist  mayelana nekufakwa kweticelo tekusekelwa ngetimali. Kuyibuka lendzaba asemukele uMnuzane Zola Lumko ku-National Arts Council (NAC)

Namuhla sicubungula libhuku lelinesihloko lesitsi "Letters For Emma" lelibhalwe ngu Mildred Mayina

Inkantolo yemtsetfosisekelo iwucitsile umtsetfo i-Public Procurement Act of 2024, yatsi awukho emtsetfweni futsi ashayisana nemtsetfosisekelo. Kusichazela ngalendzaba simeme umhlatiyi wetemnotfo Khaya Sithole..  

Lisekela lendvuna yelitiko letemahlatsi, tekudoba kanye netemvelo Bernice Swarts uhola umklamo wemengameli Cyril Ramaphosa wekutibophelela kuhlanyela tihlahla letingu-one billion kuleminyaka  lesihlanu letako. Kuva kabanti ngalomklamo, simeme lona lisekela Bernice Swart.

Kuyawube kusindvwe ngebelitfole eMalahleni Civic Centre kulamalanga lamabili, njengobe bafundzi basetikolweni takulesifundza seMPumalanga batawube bashiyelana inkundla emcimbini lobitwa nge-Ingoma Festival. Lomgindvo uhlelwe litiko letemfundvo lakulesifundza. Sicocisana nemhlelembisi wakulelitiko Dorothy Mthombeni.

Likhomishana lelibukele batsengi i National Consumer Commission (NCC) ihlela kwetfula luhlelo lolutawusita batsengi kutsi bakhone kuvala letincingo letibahluphako tibatsengisela noma timakhetha imikhicito letsite (telemarketing).  Lelikhomishana litsi loku litawenta ngekwetfula luhlelo lolubitwa nge Opt-Out Registry. icocisana nalokhulumela lelikhomishana, Pheto Ntaba 

Live leMelika litsi litawuswinya labatsite bakulelive leNingizimu Africa ngekusebentisa ema-visa kuze kube lukhuni klungena kwabo kulelalive. Lesinyatselo sakamuva seMelika sibonakala sishubisa lobudlelwano lebubonakala sebuvele bumunye emkhatsini walamave lamabili. Sicocisana na-Thulisa Ndlela longumhlatiyi wetindzaba temave angaphandle.

Licala lekubulawa kaSenzo Meyiwa lihlehliselwe kumhla ka 5-October kute kunikwe bameli nelijaji litfuba lekucubungala kahle bufakazi lobumele busetjentiswe nakuphindzilitwa ngemibuto fakazi wesitsatfu Mthobisi Mncube. Loku kuta ngemuva kwekutsi bameli bebasolwa kanye nebembuso bangavumelani nekusetjentiswa kwetitfombe kuphosa Mncube ngemibuto. Lerato Makola na Bongani Mondlane basihlanganisele lom...

Baholi bemabhizinisi emkhakheni lotsengisa  timoti bebahlangene eSandton kunkomfa yelilanga linye lebeyibuka tintfo lwetinyenti kulemboni letifaka ekhatsi sizatfu lesiholela  ekutsengi umuntfu ancume kutsenga luhlobo  lolutsite lwemoti. Nospho Radebe naZandile Nkosi basihlanganisele lombiko. 

Somlomo weliphalamende, Thoko Didiza, utsi kunesidzingo lesikhulu sekucinisa tekuphepha ephalamende kulandzela kungena kwemuntfu lotsite loneminyaka lengema-30 budzala ngemphelasontfo leyengcile. Abongwe Kobokana naZandile Nkosi basihlanganisele lombiko.

Mengameli walelive Cyril Ramaphosa usayine umtsetfo we-Public Service Commission Act, longeta emandla alelikomishana lemisebenti yesive.  Kuva kutsi kushoni loku, elucingweni sichumana nasihlalo wePublic Service Commission, Prof. Somadoda Fikeni

Inyoyana yetisebenti iAMCU itsi hulumende kufanele abuyekete umtsetfo wetekuphepha etimayini kulandzela kwenyuka kwesibalo setisebenti letifela etimayini. Kukhuluma ngalendzaba simeme mengameli weAMCU Joseph Mathunjwa

Bahlali base-Komati e-Middelburg, kulesifundza sase-Mpumalanga sebacele hulumende kutsi atsatsele tinyatselo imayini yemalahle ngekwehluleka kulandzela imitsetfo.  Michael Mdluli uyasibikela

Inhlangano lenakekela bantfu labasikati labahlukunyetiwe, i-National Shelter Movement of South Africa (NSMSA). ibambe ingcungcutsela yemalanga lamatsatfu eJozi. Sicocisane na Sarah Lekale lovela ku National Shelter Movement.

Sikhulumisana ne-personal trainer lephindze ibe ngumsunguli wesikhungo i-Hope of Glory Institute, Loui Maseko ngemachinga ekutivikela kwbaomake labativocavoca ngekugijima.

Itawubanjwa kungakapheli emalanga langema-30 lengcungcutsela yelihlandla leli-15 yembutfo wetinyonyana iCOSATU. Loku kulandzela kuphunta kwekucala kwalengcungcutsela ngemuva kwekutsi iNEHAWU imise mengameli wayo Mike Shingange logacele kukhetselwa sikhundla sekuba ngumengameli weCOSATU. Kwetama kutfolakutsi kwentekani kuCOSATU, sikhulumisana nasolwati ngetebasebenti Prof Mlungisi Tenza.