Tamalaat, KNR

Upernavimmi umiarsuaq siulleq tikissimalerpoq, taamatullu nunatsinni sikusartoqarfiit upernarnerani umiarsuarmik tikittoqallattaasalerput. Tamalaanilu ullumikkut Upernavimmi persuarsiutigineqarnerat tusarfigissavarput. Aallakaatitassiortoq: Dagmar Mørch Dalager

Perorsaasutut ilinniagalik maannalu timip sianiutaanut ilisimasalittut ilinniartoq Rita Falck-Petersen ilinniagaa pillugu Tamalaani oqaloqatigaarput. Aaqqissuisoq Malu Pedersen.

Maajip qaammataani timersorneq arlalinniit aallunneqartoq nangiinnarlugu timersortartoq, eqqarsartaatsikkut peqqissuunissamik pingaartitsisoq, namminersortorlu, Kaaka Lynge-Larsen naapipparput. Aallakaatitassiortoralugu Andrea Christiansen

Maajip qaammataa naggaserlugu avannaani kujataanilu timersornermik aallutaqartut tusagaqarfigissuagut aaqqissuisoralugu Andrea Christiansen

Igasunngorniaq Lars Abelsen Arctic Young Chef Ilulissani ingerlanneqarnerani ajugaaqqammisoq ukiamullu nunarput sinnerlugu unammeqataasussanngortoq Tamalaani oqaloqatigaarput. Aallakaatitassiortoq: Malu Pedersen

Kalaallit Nunaata alapernaatsui alapernaaffigiartorlugit pulaarpavut. Ukiumut ilaasortaminnut assigiinngitsunik neqeroorutigisartagaat ilaatigut aamma tusarfigaavut. Aallakaatitassiortoq: Dagmar Mørch Dalager

Ataasinngornerummat Tamalaani ullumikkut oqaaseqatigiit tallimat najoqqutaralugit oqaloqatigiinnneq ingerlanneqassaaq. Ullumikkkut oqaloqatigineqarpoq Arctic Circle Business-imi pisortaq Jesper Schrøder. Aaqqissuisuuvoq Frederik Lund.

Uumasunut nakorsanngorniaq Ivalu Mortensen ilinniarnera pillugu Tamalaani oqaloqatigaarput. Aallakaatitassiortoq Malu Pedersen.

Naggueqativut eqqarsartaatsikkut peqqissuunissaq aammalu pisariaqartillugu attaveqartarfik mobiilikkut app'i Miinga paasisassarsiorfigalugu suliartortoq namminersortoq Marianne Bach suliarisassaanik alapernaaffigaarput. Aallakaatitassiortoq: Dagmar Mørch Dalager

Maaji nuan nunatsinni ingerlanneqaleruttorpoq, timersoriaatsinillu misiliiffiusinnaasut ilaat tilluunneq alapernaaffigalugu tilluuttarneq sammissavarput tilluuttartoq Jørgen Boassen peqatigalugu. Aallakaatitassiortoq: Dagmar Mørch Dalager

Meeqqat 12-it tungaanut ukiullit assammik arsarlutik Maniitsumi aqagu sisamanngornermiit unammisaqattaartussanngorput. Tamalaani oqaloqatigineqassaaq timersoqatigiiffimmi Kâgssassummeersoq Nuka Ole Berthelsen. Aaqqissuisoq Frederik Lund.

Inuunermi ilinniarsimasat suliffigisimasallu CV-imi takuneqarsinnaapput, ullumikkut Naja Ivalo Lund Kielsen peqatigineqassaaq. Aallakaatitsisoralugu Andrea Christiansen

Meeqqap ullormut aalasarnissaa ineriartorneranut qanoq pingaaruteqartiginersoq Tamalaani sammivarput perorsaasoq Katrine Larsen Lennert peqatigalugu. Aallakaatitassiortoq Malu Pedersen.

Ilulissani Kangiata illorsua junip aallaqqaataani nutaamik pisortartaassaaq, pisortanngortussaq Karl Aakattak Sandgreen Tamalaani oqaloqatigaarput. Aallakaatitassiortoq: Malu Pedersen.

Dene Games-imi nunanut allanut sungiusaasuusimasoq, Suulut Geisler, inuit issittormiut pinnguaataani inuttullu aqqusaagai aammalu maannakkut saqiffia sammivagut. Aallakaatitassiortoralugu Andrea Christiansen

Oqaatsit tallimat aallaavigalugit sanaluttartoq Qullissaninngaanneersoq Barse Svendsen Nuummi sanaluttarfimmi Ajagamiit toqqaannartumik aallakaatitsissaagut. Aallakaatitassiortoq: Dagmar Mørch Dalager

Sisimiuni pisunik alakkarterineq. Suliffeqarfik nipisat suaannnik aalisartuniit pisiortuleruttortoq kiisalu sanalattuarfimmi sanaluttartut ilaat tusarniaavigilaarlugu. Aallakaatitassiortoq Frederik Lund.

Tamalaat aallakaatinnerani Kuuna Petersen peqatigalugu inuunermini suliffigisimasai suliarisarsimasaalu ullumikkullu suliarisartagai ilaatigut sammivagut. Aallakaatitassiortoq: Dagmar Mørch Dalager

Maajip qaammataa timersorfiusarpoq, Maaji Nuan Nuuk innuttaasunut aaqqissuussamut peqataasartoq Uiloq Mathæussen peqatigalugu arpattarneq eqqartorneqassooq. Aallakaatitsivimmiittoralugu Andrea Christiansen

Inuusuttut innarluutilinnut isumasioqatigiinneriaaseq nutaaq atorlugu Nuummi Tilioq workshoppertitsissaaq. Aaqqissuunneqarnera pillugu suliniummut ingerlatseqataasoq peqatigineqarpoq. Aallakaatitsisoralugu Andrea Christiansen

Avannaata ilinniarnertuunngorniarfiani rektori Dorthie Siegstad suliai, suliffigisimasai ilinniagaalu tamalaami sammineqarput. Aallakaatitassiortoq Malu Pedersen.

KRK-INUA meeqqat inuusuttunullu atugaannik pitsanngorsaaqataaffiginiarlugit assigiinngitsunik suliniuteqartarpoq inuusuttut peqatigalugit. KRK-INUA suliarisartagaanik paasiniaalluta alakkarparput. Aallakaatitassiortoq: Dagmar Mørch Dalager.

Sumiiffinni assigiinngitsuni ulluni makkuani pisut tusaqarfiginiarlugit sianerluni oqaloqateqaqattaarneq tusarnaarneqarsinnaassaaq. Aaqqissuisoq Frederik Lund.

Sisamangornerummat ilinniagarisimasat suliffiillu aqqusaarsimasat pillugit oqaloqatigiinnnermik imaqassaaq. Ullumikkut oqaloqatigineqartussaq tassaavoq Jørgen Peter Labansen Aallakaatitassiortoq: Frederik Lund

Michael Bro New Yorkimi Naalagaaffiit Peqatigiinni Nunat Inoqqaavisa Ataavartumik Ataatsimiititaliaat 23-ssaat ataatsimiinneranni ICC inuusuttut sinnerlugit peqataavoq. Ulluni makkunani pissarsiaat paasiniarlugit New Yorkimut attaveqarfigaarput. Aallakaatitassiortoq Malu Pedersen.