Tamalaat, KNR

Sapaatit akunnerat una aallartittoq naalerpat Sisimiut Festival ingerlanneqassaaq. Pisussatut pilersaarutit piareersaatillu killiffii Tamalaani sammineqassapput. Aaqqissuisoq Frederik Lund.

Inuusuttut podcastiliornermik ilinniartinneqarput, kommuneqarfiullu iluani inuusuttut aamma tikillugit ilinniartinneqassapput, podcastiliortitsisoq peqatigaarput. Aaqqissuisoq: Andrea Christiansen.

Piffissaq imaalivoq inuusuttut ilinniariarlutik aallartalerput. Angajoqqaanummita qanoq ippa? Tamanna akissutisissallugu angajoqqaat qaniuisut Andrea Christiansenip oqaloqatigai.

Namminersortutut suliaqartoq I-69-imilu siulersuisuni siulittaasoq Karl Kristian Jørgensen oqaatsit tallimat aallaavigalugit oqaloqatigineqarpoq. Aallakaatitassiortoq: Dagmar Mørch Dalager

Upernavik Kujallermi ilaqutariit Mørch-ikkut erinarsuataarneq nipilersuataarneq atorsinnaasarpaat. Uanilu Liiannguaq Mørch ukiukitsunnguullunili erinarsorneq nuannarilluinnarlugu aallutaralugu. Ilaqutariit tamanna pillugu oqaloqatigineqarput. Aallakaatitassiortoq: Dagmar Mørch Dalager

Kalaallit Atuakkiortut qaammatip tulliani ataatsimeersuartitsinissaminnut atatillugu assigiinngitsunik pisussanik aaqqissuussaqartut, pilersaarutaannik annertunersumik paasisaqarfigilaarumallugit siulittaasuat Juaaka Lyberth oqaloqatigaarput. Aaqqissuisoq Arqaluk Brandt Johansen.

Nunatta naasuinik soqutigisalittut ilisimaneqartoq Benedikte Malta-Müller oqaatsit tallimat aallaavigalugit Tamalaani oqaloqatigaarput. Aallakaatitassiortoq Malu Pedersen.

Aasaanerani aasarsiualaarnerup ilangivaa angallatinik angalaartarneq, uanilu Nuummi orsersortarfiit ilaat Orsiivimmut pulaarpugut, ulluinnarni suliarisartagaat aammalu aasaq manna qanoq sulisarnersut alapernaaffigalugit. Allakaatitsisoq: Dagmar Mørch Dalager

Pipaluk Kielsen Nathansen inuusuttut 54-it peqatigalugit sapaatit akunnerini sisamani USA-mi paasisassarsiorluni angalaqqammerpoq. Angalanermini pissarsiai misigisaalu sammivagut. Aallakaatitassiortoq Malu Pedersen.

Aasaanerani aasarsiualaarnerup ilangivaa angallatinik angalaartarneq, uanilu umiatsiaaqqamik angallatillit peqatigiiffiat Godthåb Bådforening pulaarparput, ulluinnarni suliarisartagaat aammalu aasaq manna qanoq sulisarnersut alapernaaffigalugit. Allakaatitsisoq: Dagmar Mørch Dalager

Timitta aalatinnissaa inuunitsinnut qanoq pingaaruteqartigiva? Utoqqaat aamma eqqarsaatigalugit, apeqqut taanna eqqartorparput. Lis Lindenhann Jokumsenip pulaartoraa GIF-iminngaanneersoq Kista Hammeken Lennert.

Ukiuni 60-ni erinarsoqatigiinni peqataasartoq Tasiilarmiu Elisa Nuko Tamalaani oqaloqatigineqarpoq. Aallakaatitassiortoq Malu Pedersen.

Isiginnaagassiaq Tarrak Akornanni arfininngorpat takutinneqartussami isiginnaartitsisussat Ujarneq Fleischer aamma Salik G. Lennert piareersaleruttorneranni pulaarpavut. Aallakaatitsisoq: Dagmar Mørch Dalager

Ilisimartusarnermut atatillugu suleriaatsit nunatsinni innuttaanut tulluarsarneqarsinnaapat? Ilisimatusarnermut inatsisissaq nutaaq Naalakkersuisunit piareersarneqarpoq. Ilisimatusarnermik suliaqartoq Kristine Lynge- Pedersen Tamalaani oqaloqatigineqarpoq. Aaqqissuisoq Frederik Lund.

Ukiorpassuarni erinarsornermik aallutaqartoq Cicilie Petersen oqaloqatigaarput. Aallakaatitassiortoq Arqaluk Brandt Johansen

Nunatsinni pisiniarfiit nunaqavissunit pigineqartut ilagaat Nuummi annoraaminernik, assassugassanillu allanik pisiniarfik Unik. Unik-imik piginneqataasoq Mette Knudsen pisiniarfik pillugu oqaloqatigaarput. Aallakaatitassiortoq Maliinannguaq Marcussen-Mølgaard

Ukiorpassuarni Nuummi naluttarfimmi sulisoq ikiueqqaarnermillu pikkorissaasartoq Karale Kielsen oqaloqatigaarput, ikiueqqaarsinnaanerup pingaassusaa, aammalu pisoqartillugu iliuusissat sammillutigit. Aallakaatitassiortoq Maliinannguaq Marcussen-Mølgaard

Ukiut tamaasa Ilulissani ulluni pingasuni arpanneq Kangia race ingerlanneqaqqammerpoq, aaqqissuisut peqataasullu tusagaqarfigissavagut. Aallakaatitassiortoq Malu Pedersen.

Itsarnisarsiooq misissuiartortunut peqataalluni sermersuarmik itiveqataasoq Aka Simonsen Tamalaani oqaloqatigaarput. Aallakaatitassiortoq Malu Pedersen.

Nuummiit timmisartumik toqqaannartumik Iqalunnukarsinnaaneq ammaanneqaqqilerpoq, naggueqatitsinneeqqammersumik Andrea Christiansen naapitaqarpoq.

Inuusuttunnguunerminiit BMX sikkilinik nuannarisaqartoq Inuk Siegstad oqaatsit tallimat aallaavigalugit toqqaannartumik oqaloqatigineqarpoq. Aallakaatitassiortoq: Dagmar Mørch Dalager