SBS Hakha Chin - SBS Hakha Chin

Atu lioah COVID-19 in a zaw lio mi hna caah oxygen dur a chambau cem mi ram pahnih cu Myanmar le South Africa ram an si, cun COVID-19 zawtnak in i thlopnak caah a herhmi thilri le sii zong tlamtling in a ngei lo mi ram an si. Thawngpang tam deuh ngeih khawh a si.

Australia ram pemluhnak le viza kongkau ah thlennak ramkomh cozah nih an tuah mi a um. Thlennak an tuahmi tam deuh cu July 1 2021 hnu in an nung cang. A biapi bik in thlennak tam deuh an tuahmi cu ramleng sianghngakchia chungin rian a tlaimi hna cheukhat an riantuan caan chap an si cun Australia ram chung lo riantuantu an tlawm tuk caah Asia ram chungin ram 10 cu Australia ah ra in lo riantuan kha...

NAIDOC Zarh cu Australia ram kum fatinte an lawmhmi a si I hi conglawmhnak cu July thla Chiapa ah hin a si. Hi conglawmhnak I a muru cu Australia ram a rak hlum hmasa bikmi hna I an tuanbia le an nunphung upatnak pek le hlawhtlinnak an hmuhmi lawmhpi ve ding a si.

Japan ram khualipi Tokyo I lentecelh zuamnak cu a ralai dingmi July thla Chiapa ni 23rd ah thok a si cang lai. Australia ram aiawhtu ding minung 472 thim an si I cu chungah minung 65 hi ramdangah a chuakmi an si.

Australia ramkulh cheukhat ah zawtnak a karh ngai i phihkharnak an tuah. Cun, AstraZenna raikhamsii chunhnak kong he pehtlai in cozah nih thlennak an tuahmi a um.

Australia ramkomh cozah nih nau ai rawkmi hna caah upadi thar an chuah. Upadi thar an chuahpi mi cu nau a rawkmi rian an I dinh chung nihlawh pek nak ding ti a si.

Ralzam hna an I dor hmun cheukhat ah mi bawmhchanh dingin a kalmi hna nih zaangfak tuk an si. Umnak zong tha thi in an ngei lo, hi nak hin tam deuh pi in bawm kho hna u si law kan duh tiah an chim. Thawngpang a dih dongh tiang rak ngai ve dingin kan sawm.

Atutan Australia ram khuasak tintuk nak kong he pehtlaiin in kan i hrawm dingmi cu kan fa/nau le fim an cawnnak ding caah a herh mi sianginn tha luhnak kong a si lai. Australia ram ah a ummi nule pa hna, nafa sianginn tha kaiter na duh a si ahcun a dih dongh tiang rak ngai ve dingin kan sawm.

Kawlram chung Kinma khua cu sahrang ral lo kap nih an luh hnawh hna i an inn le an lo an khangh duah piak hna. Sahrang khuachungah an luhnak kong tam deuhin rak ngai ve dingin kan sawm.

Australia rammi tam u nih ro ngeih hi thil biapi ah an ruat lem lo tiah kherhlainak an tuahmi nih a langhter. Nain, mifim thiam hna nih, mi zei miphun an si ah, mi ngei le sikfak an si ah cun an kum khua zoh loin an dawtmi hna I an hmailei caah timhtuahmi an ngei awk a si tiah an ti.

Ramkulh cozah nih Melbourne chung phihkharnak cu ni sarih hnu ah donghter dingin thawng an rak thanh cang bangin cawnnili zaan tim hnu in phihkharnak cu hun than a si cang.

Ramkulh chungin khat le khat zawtnak a chawnmi thar mi an dihlak ah pa 11 an si I atu tan rai puanchuah thannak ah zawtnak a chawnmi an dihlak ah 51 an si tiah Victoria ramkulh ngandamnak lei lutlai nih thanhnak an tuah. Sile thawngpang a dih dongh tiang rak ngai ve dingin kan sawm.

COVID-19 pulrai khamsii kong Sii Sayamah Biak Tha Khun No Thawng he i ruahtiinak kan ngei. COVID-19 raikhamsii kong tam deuh in theih na duh ahcun kan biaruahnak rak ngai ve dingin kan sawm.

Tuchun cu Melbourne khua ah zawtnak an hmuh thanmi kong he thawngpang kan I hrawm hna lai. Chaklei Melbourne ah COVID-19 pulrai a chawn tharmi minung pali an si. Thawngpang a dihdongh tiang rak ngai ve dingin kan sawm.

Atutan linsa ngaiin buainak a thoknak hmun cu Jerusalam nichuahlei kam in a si. Israel biaceihnak zung nih Palestine chungkhar hna cu an inn le an lo chuah tak dingin an fial hna. A dihdongh tiang rak ngai ve dingin kan sawm.

Australia cozah nih mipem mi hna Australia ram ah duhdim tein nunkhua an sak khawh ve nak hnga tiin a lak tein mirang holh cawnnak cu rikhiah caan um ti lo dingin an tawlrel. Tam deuh in rak ngai ve dingin kan sawm.

Victoria ramkulh ah pulrai zawtnak hmuh than a si. Pulrai a ngeimi cu ramleng khual tlawnnak in a rak kir mi a si I atu hi SA ramkulh hawtel erkhumhnak ah an chiah tiin ngandamnak lei riantuantu nih thanhnak an tuah.

Atu chun cu Australia ram chung mawtaw na mongh tikah lam zulhphung na buar nak hnga lo na theih le na fian a herhmi lam zulhphung pawl chim relnak ka rak ngei lai. A dihdongh tiang rak ngai ve dingin kan sawm.

Australia ram chungah nu cheukhat hna cu an pasal le nih hranhram in an uk hna caah an nunnak cu harsatnak in a khat. Cucaah, hranhram in mi uk duhnak lungput a ngeimi poah misual ah pom ding le tleih dingin khua khannak an ngeih lio a si.

Chungkhar ah siseh, mi pakhat le pakhat pehtlaihnak kar ah hranhram in mi uk duhnak lungput a ngei mi cu misual ah pom dingin chungkhar sikcaknak a zawr deuhnak dingah a cawlcangmi phu nih an aupi.

Anzac cu Australian and New Zealand Army Corps tinak a si i kum fatinte April 25th ah ram caah nunnak a pemi upat peknak in caan hman a si. Australia ram caah a nunnak a pemi hna upat peknak ah minung a thong an chuak kho.

Australia ramchungah AstraZeneca raikhamsii a chunmi chungin a nunnak a liammi pakhat a um caah cozah nih kum 50 nakin a no deuhmi cu Pfizer raikhamsii i chunh dingin thanhnak a tuah. Sile tam deuh in rak ngai ve dingin kan sawm.

Tukum October thla ah hin cun rammi vialte raikhamsii I chun kho dih dingin rampi cozah nih duhsaknak a rak ngei nain si khawh dawh a si lo tiin NSW vuancicho nih a chim. Tam deuh in rak ngai ve dingin kan sawm.

Ahmanungbik kherhlainak an tuahmi chungin an hmuh khawhmi cu Australia ramchung tleirawl minung pathum chungah pakhat cu thleidan le nehzawh an tong. Tam deuh in rak ngai ve dingin kan sawm.

A luancia thla 26, cawnninga zaan hnu in thil zuarnak, ei din zuarnak le chawdawr hna ah I chawh vah tikah hmaihuh I hruk a hau ti lo. Kawlram chungah ralkap kut in a nunnak a liammi an karh chin. Sile tam deuh in rak ngai ve dingin kan sawm.