SBS Dinka - SBS Dinka

Në NSW ke rïnythi ku jɔl ya kɔc ŋuɛ̈n abë yanë nomlääuë pane Junub Thudän looi ke piɛ ye nïïn Dhoŋuan penë dhorou. Aye rïny yök cë man adɛ̈ ku yïkkɛ̈ pane Junub tak keka bë ya kë piɛth kunë ye mɛn ke kɔc ŋuɛ̈n abë lɔ daai. Akuarë Dut ee cë nyuc kenë Magäi Amol ku bïk jam në të ben rɔt luɔ̈I thïn ku wëlke kekë.

Na kɔɔr ba cath ka ba jyɔt në ppiny ke pane Auɛtralia keka kɔɔr ba ye wëlkɛ̈ deetic kub nyic yeŋö adɛ̈ ke lëu ba looi të kɔc yïn ba jɔt. Panë Auɛtralia awɛ̈ɛ̈cë lööŋ kuka yen piath bë nɔŋ të wën yïn yï nyin tääu në kë loi rɔt.

Në biääk ëka cë caal ke Bɛ̈ny Australia abë lɔ mat kenë bäny ke bɛ̈I ke Europe ku jɔl ya Nato. Në lɔ ben lɔ German keka bë jam në gëlë Australia jɔl ya tɔŋ loi rɔt në Ukraine abë cɔk ye biän jamë gël.

Në Victoria ke nyanthiin ye run dhoŋuan ye cɔl Aluel Atem accï riäi nɔ̈k në Werribee në kööl wäär. Aluɛl ee rɛ̈ɛ̈r baai kenë Mamade ana wën ke të në awëër nyin ku yenë cen riäi yen bë lɔ gut. Ëëya, akuma thɛɛr atɔ̈ ke cë gɔ̈k në biääk ë käny ke Centrelink.

Në NSW kɔc kɔc kerou ake yök keke cë nyop në riɛ̈th yiic kerou kuenë ye mɛn keka cïï apuruk lueel ya kë cït yekenë acie abac. Të nɔŋ kɔc tɔ̈ ëtɛ̈n keka luelkɛ̈ ye nɔŋ dhɛ̈ɛ̈ŋ ëë ke cë keek piŋ yiic ëtɛ̈n. Në Amirka ke kɔc ke dhïc athou në muny cennë keek moc kunë Junub Thudan ke bɛ̈ny ee jamë kɔ̈ɔ̈c gɔl në kɔ̈ɔ̈c bë rɔt loi në runë 2024.

Panë Victoria abë ya pan tueŋ në Australia bë nɔŋ të benë toŋ ya lööm të nɔŋ diäär ku mïïth të nɔŋ moc ku bë ke tɔ̈ɔ̈u keke benë kɔc cë dhïu lëu ya kuɔny. Acïï akuma Victoria caal cë man adɛ̈ keke keke bë akëm lööm kubë keek looi ke benë mïïth

Acïï RBA caal cë man adɛ̈ keke bë ajuiɛɛrë wëu yenëke wëu puk cök cɔk kääc në të cennë pïïr rɔt luɔi thïn në ye mɛn. Acïï Bɛ̈nyë Australia caal cë man adɛ̈ keke bë ajuiɛɛrë bïtha cuɔ̈ɔ̈tic ku bë ciɛ̈ɛn anuan ye rɔt looi.

Në ɣän wääcic panë Australia ke ɣän juïc abenë ke rinken waar ku bë keek dhuɔ’k në rin thɛɛr ke Aboriginal. Në yekölë ke pɛi ye nïn 01/07/2023, lööŋ juïc atɔ̈ keke bë gɔl panë Australia ku töŋë keek ee cë man adɛ̈ ke luɔɔië wëu ke muŋë mïïth abë keek dhuɔ̈k nïïm piny.

Kɔc ke ActionAid aye jam cë man adɛ̈ ke yic riɛɛrë pïïr në ye mɛn në piiny ŋɔ̈ɔ̈ŋë kɔc keek atɔ̈ ke cennë thïŋë nyïïr ye mïth ke yic juak. Në ye adiɛɛrë, keka ActionAid ku akuut kɔ̈k aye cööt cë man adɛ̈ ke bë dhil tïŋic nëŋö mïth ajiɛ̈l në thukuul yic.

Në nyindhiɛ ke kɔc juïc ke panë Auɛtralia aye cath ku raan aye thïïc cë man adɛ̈ keke lëu bë keek ya toom ku bë raan jäl cath. Në ye akölkölë yic, keka bë jam në biääk ë të lëu bïn ye luɔɔi thïn ku të lëu benë akëm yïn yiɛ̈n lɛ̈k.

Bɛ̈ny thɛɛrë panë NSW ee yök ke nɔŋ kuɔ̈y luɔɔi në londe yic ɣɔn thɛɛr ŋɛ̈ɛ̈r en baai. Në WA ke lööŋ gël piiny ka ɣän ke kuɛɛt ke Aboriginal atɔ̈ keke bë gɔl kunë ye mɛn ke Akuma Pɛ̈dërɔl ee jam cë man adɛ̈ ke bë nɔŋ wëu bë keek yiɛ̈n Kathol ke 330 ku benë keek ke ɣään cï riääk ke riɔ̈ɔ̈k ya bɛɛr buth cë manë kuëëthë, kubur ku jɔl ya piiny cë riääk.

Bɛ̈nyë baai Albanese ee jam cë man adɛ̈ ke ajuiɛɛr ë cuɛt në Voice to Parliament abë pane Australia matic. Ee luel ye wɛ̈të kenë jam kenë ABC radio.

Bɛ̈nyë Auɛtralia ee jam cë man adɛ̈ ke anuaanë ciɛ̈n ɣööt aben akuma lui thïn ku bë nɔŋ të ben kɔc kuɔny. Në biäk ëë kake pialë guɔ̈p keka cïï Wu;ïïr Mark Batler lueel cë man adɛ̈ ke töŋ piɛthë Voice to Parlairment ee ëë kɔc tɔ̈ në akutic miäk bïï ke piɔ̈ɔ̈th juiir ku bïk nɔŋ piɔ̈ɔ̈c yïnkɛ̈ kɔɔ në nyïnyë kɔc thɛɛr keke nɔŋ ye panë .

Mïïth ke panë Junub Thudän tɔ̈ ne NSW aye jam cë man adɛ̈ keke bë yanë nomlääu ku bïk pol në akuut wääcic. Akuar Dut ee cë jam në të benë pol rɔt luɔi thïn ku jɔl ya piathde.

Ke löŋ cë tëëk në ye mɛn në Thenetic, ke kɔc ke panë Auɛtralia abë nɔŋ cuɛɛt në kaamë pɛ̈i ke dhetem. Në Räca ke kɔc ke Warner atɔ̈ keke cë kee riɛ̈th cë man adɛ̈ keke kɔɔr bïk thɔ̈ɔ̈r kenë jenyë Räca.

Kɔc wäär cë rony keke lɔ Titanic tïŋ acennë baburden ke dïïr kuka ke caal keke cë thou. Panë Australia, ke akutë Liberal ee riɛ̈th në kuɔ̈I luɔɔi në biääk Voice Referendum. ̈

Akutë Green atɔ̈ ke ye akuma riɛ̈th cë man adɛ̈ keke kɔɔr bïï Card ɣɔn cë kan jäi bɛɛr dhuɔ̈k ciɛ̈n. Babur wäär cennë kɔc rony në yen ku cë bë määr adhiac ke kɔɔr cök län benë yeen ŋɛ̈I yök.

Në ye mɛn ke Akuma Australia atɔ̈ ke cë lëk gɔl në biääk Voice to Parliament ke ye biän benë kɔc cɔk nyic kë bë rɔt looi. Thenëta Jäk Lambi ee rin ke kɔc ke panë Australia tuɔɔc të nɔŋ ICC.

Aye Theneta Jacqui Lambie luel cë man adɛ̈ ke bäny ëke ŋäär jec ɣɔn në Afghanistan akɔɔr bë keek dhil laar në Lukic në International Criminal Court në rïth cennë keek riɛ̈th në Afghanistan. Jnyë Auɛtralia ee cë luel cë man adɛ̈ kenë ke cë kɔc niɔp nɔ̈k ku yekenë ëka yen Lambie ye ŋaar bë keer laar në Lukic.

Akuma ëë panë Auɛtralia ee jam cë man adɛ̈ keke bë anuaanë ɣööt tïŋ ku bë 2billion bë keek bɛ̈ibei ku ben ke ɣööt yïk ago kɔc kuɔny.

Në Australia keka cïï akuma caal cë man adɛ̈ ke cë Räca bë bɛɛr puɔ̈l në ɣönden de Embassy yïk në Palëmɛn lɔ̈ɔ̈m. Në biääk akut Liberal, ke Peter Dutton ee jam ye cë Senator Van cop në akutic.

Under the Family Law Act the welfare rights of the child guide all parenting negotiations following separation or divorce. A child under 18 cannot legally decide where to live, therefore there are resources available to help parents agree on care arrangements that are safe, practical and child-focused. - Në löŋë yenë bɛ̈i muk pan në Australia man ye cɔl Family Law Act ee jam cë man adɛ̈ ke yith ke...

Në ka loi roth piny Australia ke kɔc ke thiɛ̈ɛ̈r atɔ̈ keke cë thou panë NSW ke ye riɛ̈th ke cë ke nïïm gut. Në Amirka ke Donald Trump ee bɛ̈n Maimi ke ye biäk benë bë lɔ në lukic në ka cennë ke yen riɛ̈th në kuɔ̈i luɔɔi në athöör wäär cë keek laai baai kenë ke nɔŋ yic ka thian keek.

Pan Amirka ke Donald Trump atɔ̈ ke cë laar në lukic. Ee riɛ̈th cë man adɛ̈ ke cë athöör nɔŋic yiic athiaan kuɔ̈i tɔ̈ɔ̈u. Në Thudän, keka cïï Buran caal cë man adɛ̈ ke cel kör në Bɛ̈ny UN nëŋö acë riɛ̈th ke cë nɔŋ biääk cë lööm.

Në biäk ka cë röth piac tɛ̈ɛ̈m në yekölë në Australia kunë pinynom ke bɛ̈ny thɛɛr Amirka ka Donalm Trump ee caal në Lukic në kë cennë yen riɛ̈th në kuɔi luɔɔi.