SABC North West

Maloko a le some le bobedi a boto entshwa ya tirelo ya diphofo ya Afrika Borwa SAA, a tlile go kopana le tona ya dichelete Pravin Gordhan, yo o tlileng go rebolela tirelo eno dintlhakaelo go tswa mo pusong jaaka motshola dishere.

Tlhwatlhwa ya petrolo e tlile go wela tlase ka disente tse some le borobedi litara kgotsa one-point-five per cent, beke e tlang fa ya diesele yona e tlile go wela tlase ka disente tse some-a-mane le borobongwe litara kgotsa dipersente tse four point four.

DA ya re e tlile go kwalela moPresidente Jacob Zuma Petition e mo laela gore a seka a supa Komishine ya dipatlisiso mo tshweetsong ya dibanka tse dikgolo mo nageng ya go khutlisa kgolagano ya tsona le setlamo sa Oakbay Investment sa ba gaGupta.

Dipalo palo tsa Bosenyi bo tshwana le kgothoso, polao maiteko a polao, di wetse-tlase mo diprofenseng tse tharo go tswa go tse robongwe mo nageng.

Ditlhopa tse di ganetsanang tsa Anc, di thulane kwa Pta....

Tona ya mapodise Nathi Nhleko a re bosenyi mo nageng bo wetse tlase fa go lejwa dipalo palo tsa sesheng.

Kgotla tshireletso ya mokgatlho wa ditshaba kopano e ikuetse gore go ritibadiwe maemo kwa Gabon koo dikhuduego di runtseng go latela ditlhopo tse di engweng kgatlhanong tsa bopresidente tsa ka lamatlhatso

Baitseanape ba ikonomi ba kaile fa ikonomi e tlile go nna bonya gape le go tsenya naga mo kotsing ya gore e lekanyediwe mo seemong se se kwa tlase sa ikonomi.

Tona ya mapodisi Nathi Nhleko o solofetswe go rebola dipalo dipalo sa bosenyi tsa paka e e gareng ga Moranang a rogwa ngogola le Mopitlwe monongwaga kwa palamenteng gompieno

Dudu Myeni o solofetswe go tswelela go kokomala maemo a monnasetilo wa boto ya tirelo ya diphofo ya Afrika Borwa SAA.

Prasa ya re e rulaganya go itsise maaano a yone a go fetola setheo seo kgwedi e e tlang.

DA e tlhagisitse go tshwenngwa ga yona ke madi a a dirisitsweng mo dipapatsong ke SABC mo ngwageng wa dichelete wa 2015/2016. Karabo go potso ya lekoko kganetso kwa palamenteng, e supa gore SABC e dirisitse diranta di feta dimilione di le 35 mo dipapatsong, mme madi ao a tla oketsega go nna diranta di le dimilione di le 42 ngwaga o o tlang.

Baitsanape ba ikonomi ba re ba tshwenngwa ke go lesa ga ditheo di le dintsi tsa matlotlo go tlamela ditlamo tsa puso ka matlole.

(upsound:It's like there is sale that has been announced at PEP stores where everybody must rush and take as much as possible within the limited time available before 2019. We cannot sit, fold our arms and do nothing when we that now the likes of Umkhonto wesinkwa are unleashed on the treasury together with the domesticated women's league and the youth league and others, attacking it.)

Motsamaisi wa bobedi wa dipeeletso o kganetse dikadimo go ya pele go Eskom. You-skah Bank ya kwa Denmark, e tlhagisitse matshwenyego ka ga tsamaiso ya puso.

Lefapha la thuto ya motheo la re molaotlhomo mo molawaneng wa maitsholo wa dikolo ga jaana o tlile go seka sekiwa seshwa go netefatsa fa melao ya go kgetholola e fedisiwa.

Motlatsa moPresidente Cyril Ramaphosa a re gompieno go tshwaya letsatsi le lentshwa mo kgaratlhong ya Afrika Borwa kgatlhanong le Hiv le Aids......

Ditona tsa Cabinet di kgadilwe thata ke Komiti ya Parliamente e malabena le Mananeo, ka ntlha ya go retelelwa ke go tsena dikopano tsa kokoano bosechaba tse di malebana le go araba dipotso.

Baitseanape ba ba sekasekang tshweetso ya Future-Growth ba re tshepo ya babeeletsi mo bokgoning ba puso go tsamaisa ka tshwanelo ditlamo tse di laolwang ke puso e ka fokotsega go ya pele.

Profesa wa Wits University Tshepo Mongalo a re tshweetso ya Future-Growth ke kgalemo e e maleba go puso go tsamaisa ditlamo tse di laolwang ke puso botoka.

Kantoro ya mokwaledi wa kokoano theo bosetshaba e netefaditse fa e amogetse pegelo ya komiti ya nakwana e e ka ga go thapiwa ga mosireletsi wa setshaba.

Mongwe wa batsamaisi ba bagolo ba dithoto tsa Afrika Borwa eleng Futuregrowth o emisitse go adima ditlamo di le thataro tse dikgolo tse di laolwang ke puso mo nageng

Moeteledipele wa baithuti wa University of Pretoria yo o dirileng ditshwaelo tsa bosemoraafe mo mafaratlhatlheng a boitapoloso, moo a neng a tshosetsa ka go bolaya basweu, o kopile maitshwarelo tebang le seo

Go simolola gompieno batho botlhe ba ba nang le HIV ba tlile go rebolelwa melemo go sa kgathalesege gore CD-4 count ya bone e eme jang

Tona ya thuto e kgolwane le katiso Blade Nzimande, a re dipuisano tse di ka ga go fetolwa ga dituelo tsa kwa diyunivesiting mo ngwageng o o tlang, di a tswelela..