SABC North West

Kgotlatshekelo kgolo ya Boikuelo e kgapetse thoko kopo ya Motlhankela mogolo o malebana le tsamaiso ya Sabc Hlaudi Motsoeneng ya go lopa tetla ya go ikuela kgatlhanong le katlholo ya kgotlatshekelo kgolo ya Western Cape, ka ga go thapiwa ga gagwe.

Ditheetso tsa kopo ya baili ya monna wa dingwaga tse some-a-mabedi le bone yo latofaditsweng ka magatwe a go betelela le go bolaya morwadie wa dingwaga tse pedi yo e seng wa madi, kwa Ipelegeng kwa Schweizer Reneke, mo profenseng ya North West , di diegisitswe kwa kgotlatshekelo ya magistrata wa selegae.

Tona ya thuto e kgolwane Blade Nzimande o itsisitse fa dituelo tsa diUniversity di ka se tlhatlosiwe mo go bao ba thusiwang ka matlole ke Nsfas, le gore go okediwa ga dituelo mo baithuting ba bangwe, go ka se fete dipersente tse robedi.

Mokgatlho wa baithuti wa SaSCO wa re o solofela gore tona ya thuto e kgolwane Blade Nzimande o tla bega fa dituelelo tsa thuto di sa tle go okediwa kwa diUniversity le di College tsa TVET ngwaga o o tlang.

Komishene ya ditshwanelo tsa botho e atlenegisitse gore go tlhamiwe setlhopa sa tiro ka tshwaragano le sepodisi le puso go kgona go tsibogela ditshupetso ka bonako mo nageng.

Baithuti ba tla itse gompieno gore a ba tla duelela dithuto kwa godingwana mo ngwageng o o tlang kgotsa nnya.

NFP e dumela fa e tlile bona divoutu di le dintsi mo ditlhopong tsa bosetshaba ka 2019 le fa e nnile le mathata mo ditlhopong tsa dipuso selegae monongwaga...

Motlatsa mokwaledi wa COSATU Solly Phetoe a re federeishene e tlile go seka seka mangwe a mathata a ANC kwa kopanong ya komiti khuduthamaga ya bogareng ka moso...

Mapodisi a Gauteng a santse a batla babelaelwa ba go itseela molao matsogong ga baagi morago ga polao ya baagi ba kwa Mozambiki ba le bararo kwa Vlakfontein kwa Kagiso, kwa bokone ba Jhb beke eno..

Monna wa dingwaga di le some a mabedi le bone yo a begang a itse mmolai wa ga Anika Smith dingwaga di thataro tse di fetileng, o solofetswe go tlhagelela kwa kgotlatshekelo ya Pta North ka moso..

Puso le dikgwebo di ema nokeng go tlhamiwa ga lenaane la go thapa basha, le le ikaeletsweng go thapa basha ba le Millione mo manaaneng a go ithutela tirong mo bodirelong ba praefete mo sebakeng sa dingwaga di le tharo..

Mokomishanara wa SARS Tom Moyane o thapile Firdous Sallie mo maemong a motlhankela mogolo wa nama o sa tshwere wa lephata la Business and Indvidual Tax "BAIT", fa Tau Mashigo a thapilwe mo maemong a motlhankela mogolo wa nama o sa tshwere wa Digital Services and Technology "DIST" ka gangwe...

Bothati ba bosetshaba ba bosekisi NPA, bo neile Advocate Nomgcobo Jiba le Advocate Lawrence Mrwebi e e kgethegileng khunologo. Tshwetso eno e latela ya kgotlatshekelo kgolo ya Pta ya go ba phimola mo lenaaneng la bo-advocate.

opalamente wa pele wa ANC Marius Fransman, a re tshwetso ya gagwe ya go leboga tiro kwa kokoano peomolao ya Western Cape, ga e golagane ka gope le magatwe a go kgarakgatsha ka keletso ya thobalo kgatlhanong nae, kana ntwa ya kwa kgotlatshekelo le SCOPA kwa profenseng eo. Fransman a re dintwa tsa ka fa gare, go tlhokagala ga tlhomamo le maphata mo teng ga lekoko, di dirile gore serodumo sa ANC se p...

Lefapha la merero ya selegae le tshitshinya go fetola melao ya go tlhomamisa gore melao ya bofudugedi le ya batshabi ba ba gorogang mo no Afrika Borwa e tle e ungele naga.

ANC ya re khonferense nngwe le nngwe ya bosetshaba ya ditlhopo e e tla rulaganngwang ke lekoko, e tshwanetse go le kitlanya. Leloko la komiti khuduthamaga ya bosetshaba ya lekoko yo gape eleng sebuelledi Zizi Kodwa, a re lekoko le ithutile go tswa mo dikhonferenseng tsa pele tsa ditlhopo ka 2007 le ka 2014.

Babueledi ba University of South Africa Unisa, ba sireletsa tshweetso ya setheo ya go diragatsa molao o montshwa wa puo, ngwaga o o tlang...

Democratic Alliance ya re e baakanya ditlankana tsa kwa kgotlatshekelo tebang le gore go thapiwa gape ga Monnasetilo wa Boto ya setlamo sa diphofo sa Afrika Borwa SAA, go gogelwe morago...

Kgetsi ya ga Oscar Pistorius e boela gape kwa kgotlha tshekelo kgolo ya boikuelo kwa Bloemfontein.

Tona ya Bosiamisi Michael Masutha are o tlile go tsenenela dikopano tse di potlakileng le mopresidente Jacob Zuma mmogo le tlhogo ya NPA.

Tona ya Bosiamisi Michael Masutha are o tla tshwara dikopano tse di potlakileng le batho ba ba akaretsang mopresidente Jacob Zuma mabapi le go sekegwa ga motlatsa mokaedi wa bosekisi jwa Bosetshaba Nomgcobo Jiba

Tonakgolo ya Gauteng David Makhura o neseditse pula tshitsinyo ya dipatlisiso tsa Ombudsman wa boitekanelo, mo dintshong tsa balwetse ba le 36 ba ba tshelang ka bolwetse ba tlhaloganyo. Dintsho tsa balwetse bao di tlile morago ga go ntshiwa kwa setheong sa Life Healthcare Esidimeni, le go isiwa kwa ditheong tse di senang dikgolagano le puso.

The Council for the Advancement of the South African Constitution CASAC ya re motlatsa mokaedi wa bosekisi ba setshaba Nomgcobo Jiba o sentse serodumo sa bokaedi ba bosetshaba ba bosekisi NPA. Lawson Naido wa kgotla eo a re le fa Jiba a ka fenya boikuelo ba gagwe, o tshwanetse go kganelwa go boela mo maemong a gagwe.

Bothati ba bosekisi ba bosetshaba NPA, bo tlhomamisitse gore bo tla ya kwa kgotlatshekelo kgolo ya boikuelo kwa Bfn kamoso, go ya go batla tetla ya go ikuela kgatlhanong le katlholo ya dingwaga di le 6 e e manegilweng Oscar Pistorius. Sebuelledi sa NPA Luvuyo Mfaku, o totobaditse gore ba tla senka tetla ya go ikuela kgatlhanong le katlholo eo.

ACDP yae batlago dirwwe patlisiso e e tseneletseng e e ka ga gore go diragalang mo bothating ba bosekisi ba bosetshaba NPA