SABC North West

Tona ya lefapha la merero ya selegae Malusi Gigaba o tlile go ema bobegadikgang ka lefoko ka ga makwalo tetla a a kgethegile a baagi ba Lesotho.

Leloko la Community Policing Forum kwa Nigel kwa Ekurhuleni le mmelaelwa ba bolailwe ka go thuntshiwa mme lepodisi le gobetse morago ga gore le lona le thuntshiwe ka nako ya kgothoso.

Komiti ya palamente e e malebana le sepodisi, ya re e batla go bona morero o o ka ga mokomishenara wa bosetshaba wa mapodisi yo o sekegilweng Riah Phiyega o konosediwa ka bonako.

Motlatsa moatlhodi mogolo wa pele Dikgang Moseneke a re go botlhokwa go fitlhela badiredi puso ba ba itlamileng go tlhama Afrika Borwa wa boammaruri o o sa tlhaoleng ka lotso, o o gololosegileng mo ikonoming le itshokelano ya loago.

Cope e nyaditse se e se kayang e le thulano e e runtseng gareng ga makoko a dipolotiki kwa komiting ya nakwana ya palamente e e tlhotlhomisang go nonofela tiro ga boto ya SABC...

Rakgwebo wa kwa Limpopo o tshwerwe morago ga gore mapodisi a fitlhele dikarolo tsa tshukudu kwa ntlong ya gagwe...

Motlatsa moatlhodi mogolo wa pele Dikgang Moseneke a re o solofela gore kgotlatshekelo ya molaotheo e tla tswelela go mekamekana le merero e megolo e e lebaneng Afrika Borwa.

Pegelo e e thadilweng ya komiti ya nakwana ya palamente e e ka ga merero ya SABC, e kgala tona ya ditlhaeletsano Faith Muthambi mo go tseneletseng, mme e tshisinya gore a ka tswa a tsere kgato e e seng mo molaong ka go sunya nko mo mererong ya tirelo kgaso ya setshaba.

Monnasetilo wa komiti ya nakwana ya palamente e e tlhotlhomisang go nonofela tiro ga boto ya SABC Vincent Smith, o sireleditse tshweetso ya bona ya go romela pegelo ya nakwana kwa maphateng a a amegang ntle le dikatlenegiso.

Pegelo ya nakwana ya komiti ya palamente ya nakwana e e tlhotlhomisang go nonofela tiro ga boto ya SABC e senotse gore molao wa kgaso o ikgatholositswe.

Lephata la mapodisi la twantsho ya bosinyi jo bo rulagantsweng The Hawks, la re le tletse tsholofelo ya gore matsapa a lona a go lwantsha bosinyi kwa bommasepaleng a tlile go nna le dipholo tse di namatshang.

Mmueledi wa mokomishanara wa bosetshaba wa mapodisi yo o sekegilweng Riah Phiyega, ebong Sandile July o tlhomamisitse gore mmuelelwa wa gagwe o gwetlha diphitlhelelo tsa pegelo ya Claasen.

Badirisi ba ba chonneng ba tlile go nna mo kgatelelong e seng kana ka sepe fa tlhwatlhwa ya petrolo e oketsega ka disente di le 29 llitara ka laboraro

Lefapha la kgwebo le madirelo la re le dirile kgatelo pele e e bonagalanag mo ntlheng ya go samagana le mathata mo bodirelong ba kgogo.

Monnasetilo wa Komiti ya nakwana e batlisisang merero ya Sabc Vincent Smith a re go ne go le mo pepeneneng gore dipaki dingwe kwa ditheetsong tsa dipatlisiso tsa komiti, di ne di sa bue boammaruri.

Lekoko lengwe le lengwe la dipolotiki mo Komiting ya ditlhaeletsano kwa Parliamenteng, le tlile go neela seme segolo sa lona maina a bontlhopeng, ba ba tla thapiwang mo botong ya nakwana.

Moeteledipele wa EFF Julius Malema a re lekoko le tlhomamisa tshedimosetso e e botlhokwa pele le tsaya kgato kgatlhanong le mosireletsi wa setshaba Busisiwe Mkhwebane.

Balemirui bangwe ba thopile gape dikgomo di feta lekgolo tse di utswilweng kwa polasing e e gaufi kwa Phela Matlhako gaufi le Zeerust mono North West.

Mokwaledi kakaretso wa ANc Gwede Mantashe o ikuetse go maloko a ANC go bega bogwene-gwene go sa kgathalasege seemo sa mmelaelwa mo sechabeng.

Mokgatlo wa baithuti Cosas mo profenseng ya North West o ikuela gore go tshwaiwe gape diPampiri tsa diteko tsa barutwana kwa sekolong se segolo sa Promosa kwa Potchefstroom.

Makgotla taolo a dikolo a itlamile go dirisana le lefapha la Thuto mo profenseng ya North West tebang le go thusa barutwana kwa dikgaolong tsa metse magae.

MoPresidente wa boSome-a-mane le botlhano wa Amerika Donald Trump o setse a simolotse go phatlhalatsa boswa ba Barack Obama yo sa tswang go rola marapo.

Batho ba le barataro ba bolailwe ka mogoso kwa Hammersdale kwa Duban maabane bosigo.

ANc mo komiting ya nakwana ya Parliamente e batlisisang merero ya SABC e tsibogetse ka kelotlhoko katlenegiso ya gore Tona ya ditlhaeletsano faith Muthambi a kobiwe.

Mmueledi wa Oakbay Investments ya ba ga Gupta Gert van der Merwe a re o na le tsholofelo fa dipholo tsa kgotlhang ya kwa kgotlatshekelo magareng ga setlamo le Tona ya lefapha la matlotlo Pravin Gordhan, e tlile gonna tse di namatshang.