SABC North West

Sabc News North West provides a platform that extends news coverage beyond television and radio. It adds to the presence of the SABC News brand on digital platforms to be on par with the rest of the world. The news are generated SABC journalists in the North West province but is not limited to the province. Our footprint spreads across several provinces and our stories reflect as such.

Babueledi mo tshekong ya Mookamedi yo sekegilweng wa lephata la botlhodi ba bosenyi Richard Mdluli ba bega gore puisano e gatisitsweng e puso e tshamekileng kwa kgotlatshekelo, e fetotswe.

NSFAS e kgapetse thoko dikopo tsa baithuti ba ka nna dikete di le lesome gonne di sena ditlhokego tse di maleba tsa gore ba thusiwe ka matlole.

Mapodisi a North West a boloditse letsholo-patlo la monna wa dingwaga di le some-a-mararo le bobedii wa kwa motseng wa ga Khunwana kwa Borwa ba toropo ya Mahikeng.

Reetsa puisano ya ga Lebogang Korogo le baitseanape go tswa kwa North West University tebang le mosola wa ditonki.

Reetsa puisano ya ga Thabiso Moss le moitseanape mo mererong ya meepo, Mamokgethi Molopyane ka seemo sa meepo mo Afrika Borwa.

Mopresidente Jacob Zuma a re o ipaakanyeditse go rebola puo ya gagwe le sechaba e e sa bolong go letwa moragonyana gompieno.

Go dipego tsa go runya ga bolwetse ba Rabies kwa dikgaolong tsa Schweizer-Renecke le Bloemhof mono North West.

Baduela lekgetho kwa Jhb ga jaana ba tlile go duelela ditirelo tsa bona tsa masepala go ya ka dikgaolo tse ba nnang mo go tsona.

Kgotlatshekelo ya kgaolo ya Moretele e atlholetse monna wa dingwaga di le some-a-mabedi le boraro botshelo botlhe le dingwaga tse dingwe di le some le borobedi kwa kgolegelong.

Modiri wa mo lapeng wa dingwaga di le some a mane le robongwe o santse a tshositswe ke gore mothapi wa gagwe one a mo supile ka tlhobolo le go mmofelela matsogo mo hekeng.

Tonakgolo ya North West Supra Mahumapelo a re banna ba le babedi ba basweuba ba tlhasetseng batlhankela ba le babedi ba pharakano kwa Potchefstroom, ba tlile go tseelwa dikgato tse di gagametseng.

Balemi-rui mo profenseng ya North West ba itumeletse dipula tse di matla tse di tsorotlileng seshweng jaana e le fa seelo sa metsi mo matamong se tlhatloga ka iketlo.

Go supilwe Setlhopa sa Borongwa sa profense se se akaretsang Bakhuduthamaga mo lefapheng la sepodisi le dipuso selegae mo profenseng ya North West, tebang le go batlisisa ditshupetso tse di tsweletseng kwa Motse-seteropong wa Itsoseng mo profenseng.

Masaledi a motlatsa moeteledipele wa pele wa DA mo profenseng ya North West Petro Nel, a netefaditswe ke bathati ba Forensiki kwa Nepal.

Badichaba ba le bararo ba Mozambique ba ba tshwerweng kwa kgorong ya molelwane ya Mokopong kwa serapeng sa selegae sa diphologolo kwa Bray gaufi le Botswana, ba buseditswe mo diseleng ke Kgotlatshekelo ya Magistrata wa ganyesa.

Tona ya Diminerale Mosebenzi Zwane a re puso e ikaeletse go fitlhelela maitlhomo a yona mo lephateng la meepo mme e ka se tshosediwe ke bao ba e gogelang kwa kgotlatshekelo.

Beng ba dikgweebo kwa tika-tikweng ya marekelo ya Itsoseng mo profenseng ya North West ba tswaletse dikgweebo tsa bona, ba re ba shakgadiwa ke tiragalo ya seshweng ya go utswiwa ga dithoto mo mabenkeleng a bona.

Reetsa puisano ya ga Refiloe Seboko le mosireletsi wa setshaba Advocate Busisiwe Mkhwebane mo Boresetse, Motsweding FM - KONKA Bokamoso!

Baagi ba kwa Vryburg mo profenseng ya North West ba ba amilweng ke go kgaolwa ga motlakase ba ikuetse go Masepala wa selegae wa Naledi go ba letlelela go ithekela motlakase ka tlhamalalo go Eskom.

Cosatu ya re botsamaisi ba Moepo wa Lily Gold gaufi le Baberton kwa Mpumalanga bo dirile sentle ka go sekega tirelo e neng e rulagantswe ya segopotso sa tiragalo ya Tlhakole ngogola

Go rometswe mapodisi a le mantsi kwa Madidi gaufi le Brits mo Masepaleng wa Madibeng mo profenseng ya North West morago ga gore baagi ba parege ditsela tsotlhe tse di tsenang kwa kgaolong eo ka matlapa le matlakala.

Yo mongwe wa dipaki mo tshekong kgatlhanong le mookamedi yo sekegilweng wa lephata la botlhodi ba bosenyi Richard Mdluli, a re o ikgatholositse ditaelo tsa gore a seka a letlelela ope go etela Mdluli, fa a ne a le mo diseleng kwa seteisheneng sa mapodisi sa Boksburg ka 2011.

Topo e kwa godimo ya matlalo le nama ya ditonki kwa China e bakile gore bogodu ba diphologolo tseno bo etegele mo profenseng ya North West.

Sabc News North West provides a platform that extends news coverage beyond television and radio. It adds to the presence of the SABC News brand on digital platforms to be on par with the rest of the world. The news are generated SABC journalists in the North West province but is not limited to the province. Our footprint spreads across several provinces and our stories reflect as such.