SABC North West

Batlhankela ba ba bonelang pele maemo a bosa ba re go lebega fa lekhubu la mowa o tsididi, le tlile go tswelela go padimola dikgaolo tse dintsi mo bogareng ba naga, mo diureng tse dingwe di le some-a-mabedi le bone tse di tlang.

DA ya re e solofetse gore tona ya matlotlo Pravin Gordhan a itsise dikoketso tse di tshwaraganeng tsa lekgetho mo puong ya tekanyetso kabo ya gagwe kamoso

Meyara wa Tshwane Metro Solly Msimanga a re ga a na maikaelelo a go phimola Wi-fi ya mahala e e tsentsweng ke botsamaisi ba pele ba ANC.

Meyara wa Tshwane Metro Solly Msimanga a re ga a na maikaelelo a go phimola Wi-fi mahala e e tsentsweng ke botsamaisi ba pele ba ANC

Tonakgolo ya Gauteng David Makhura o tlile go tlhatlhoba ditikatikwe tse di amogetseng maloko a baagi a a leng mo mathateng gompieno.

Baagi ba Ipelegeng kwa teropong ya Schweizer Reneke mono North West ba re ba tshelelela mo letshogong e le fa go lebega fa ditiragalo tsa bosenyi di etegela kwa kgaolong eo.

Moitseanape wa Ikonomy Xhanti Payi o tsibositse Komishine ya dituelo tsa thuto e kgolwane gore fa naga e ruta basha e tshwanetse go netefatsa gape gore ba nna le dichono tsa tiro fa ba sena go aloga.

Batlhankela ba ba bonelang pele maemo a bosa ba re go solofetswe dipula tse dingwe tse di matla mo dikgaolong di le dintsi mo bogareng ba naga, mme ba tsibosa ka kgonagalo ya merwalela mo diprofenseng tsa North West, Gauteng le dikgaolo tsa Mpumalanga, Kzn le Free State.

Bagolegwa ba ba letileng tsheko ba le some-a-mabedi le borataro ba amogetswe kwa bookelong ba Ga-Rankuwa morago ga gore Trucka ya mapodisi a ba neng ba e pagame go tswa kwa Kgolegelong ya Kgosi mampuru kwa Pta, e menoge mo maemong a bosa a bongola gaufi le Rosslyn.

Modulasetilo wa ANC kwa Kwa Zulu Natal Sihle Zikalala o gakologetswe diphoso tse lekoko le di dirileng go lebilwe le ka motsi wa konferense ya ditlhopo tsa lekoko kwa Polokwane ka 2007. Stock Exchange ya bobedi ya Afrika Borwa ZAR X e tlile go kwadisa kgetlho la ntlha moso ono.

ANC mono North West e ikuetse go motlatsa monnasetilo wa pele wa ANC mo profenseng China Dodovu go rebola tshedimosetso nngwe le nngwe e e ka ga Brian Molefe.

Mokwaledi wa ANC mo profenseng ya North West Dakota Legoete o ganeditse magatwe a gore go tlhopiwa ga ga Brian Molefe go nna tokololo ya palamente go tswa go mo profenseng, go dirilwe ka mokgwa o o sa siamang.

Mapodisi a tshwere babelaelwa ba dingwaga tse di gareng ga 23 le 35 kwa Potchefstroom ka ntlha ya go tshola motokwane.

Mapodisi a tshwere babelaelwa ba dingwaga tse di gareng ga 23 le 35 kwa Potchefstroom ka ntlha ya go tshola motokwane.

SANDF kamoso e tlile go tshwaya dingwaga di le lekgolo sekepe sa SS Mendi se nweetse kwa English Channel ka 1917.

David Makhura wa Gauteng o tlile go bua kwa kopanong ya kokoano ya profense kwa setadiamong sa Greenhills kwa Randfontein kwa West Rand

Modulasetilo wa ANC kwa Kwa Zulu Natal Sihle Zikalala o tsibositse kgatlhanong le dipolotiki tse di sokameng mo ntlheng ya go tlhopa bontlhopeng mo boeteledipeleng pele ga konferense ya bosetshaba ya lekoko ka Sedimonthole monongwaga

Modulasetilo wa pele wa ANC mono North West China Dodovu o kgadile boeteledipele ba lekoko mo profenseng tebang le go supa Brian Molefe go nna leloko la palamente. Badichaba ba Nigeria ba ba amilweng ke tiriso dikgoka ya maabane kwa Pretoria West ba re ba tshelela mo poifong.

Bana botlhe ba le lesome le botlhano ba ba neng ba gapilwe ka dikgoka kwa Fochville kwa borwa bophirima ba JHB maabane ba bonwe le go busediwa kwa magaeng a bona ka pabalesego. Tirelo ya maemo a bosa e bonela pele pula e ntsi kwa Free Staet gompieno le kamoso.

DA mono North West ya re diranta di le dimilione di le thataro tse di dirisiwang go aga sefikantswe sa mopresidente Jacob Zuma sa dimmitara di le thataro kwa Groot Marico mo profenseng, di kabo di dirisiwa ka tshwanelo, malebana le go wetsa dipatlisiso tsa bokaedi jo bo ikemetseng ba dipatlisiso kgatlhanong le mapodisi IPID tse di ka ga Marikana.

Batho ba le 6 ba tshwaretswe bosenyi jo bo farologaneng go akaretsa tiriso dikgoka le go tshola dibetsa tse di kotsi go latela go tshubiwa ga matlo a le 2 kwa Pretoria West mo bokhutlong jono jwa beke Lephata la the Hawks kwa Free State le tlhomame gore kotlhao ya baepi ba diminerale ba ba seng mo molaong ba le 22 kgotsa Zama Zama, e tla konosediwa kamoso.

Mapodisi a Free State a ikuetse mo batsading go se tlogele bana ba le nosi fa dipula di na.

SANCO e ikuela gore go sekasekiwe ka bonako togamano ya thibelo ya bosenyi go netefatsa fa go nna le tsibogelo e e bonako go ditiro tsa bosenyi tse di tshosetsang pabalesego ya baagi.

Modulasetilo wa ANC mo profenseng ya North West gape e le tonakgolo Supra Mahumapelo o kgaphetse thoko dipego tse di dirilweng ke bangwe mo ANC gore Brian Molefe ga se tokololo ya lekala mo profenseng.

Tonakgolo ya North West Supra Mahumapelo a re motlhankela mogolo wa pele wa Eskom Brian Molefe ga a tshwanelwa go atlholwa go latela diphitlhelelo tsa pegelo ya thotloetso mo pusong ya mosireletsi wa setshaba.