RSG Kuns

Nicolaas Swart was 15 jaar lank Nataniël se produksiebestuurder. Hy is ook al vir jare te sien in sy produksies. Hy gesels onder andere oor hulle volgende vertoning by Kunstekaap, Six in a boat.

Louis Heyneman, die bestuurshoof van die Kaapstad Filharmoniese Orkes, vertel van hulle wintersimfonieseisoen wat op 1 Junie begin.

Amanda Botha vertel vir Terrance April van die produksie, Vincent, wat te sien is by Theatre on the Square in Johannesburg.

Die elfde FynArts-kunstefees in Hermanus vind vanjaar van 9 tot 18 Junie plaas. Hedda Mittner vertel meer.

Christelle Webb-Joubert stap saam met die kunstenaar Annemie Odendaal deur haar uitstalling, Reflections.

Christelle Webb-Joubert gesels met Johan Vorster, Jacomien de Wet en Abel Knobel oor die nuwe Afrikaanse musiekspel, Die Kaplyn.

Die derde Atterbury Klassiek vind plaas van 18 – 21 Mei. Pianis Charl du Plessis het meer besonderhede.

Sylvaine Strike vertel vir Terrance April van die magiese stuk, Firefly, waarin sy en Adrew Buckland te sien is.

Klarinetspeler Maria du Toit is getroud met die bekende dirigent, Arjan Tien, en woon al sedert 2014 in Nederland. Sy vertel vir Christelle Webb-Joubert van haar toer na Suid-Afrika.

Die akteur, Alyzzander Fourie, was onlangs te sien as Majoor Jak in 7de Laan. Hy is ook betrokke by die skryf van die sepie se tekste. Hy vertel vir Christelle Webb-Joubert van die skryfproses.

Christelle Webb-Joubert gesels met kunstenaar Bernice van den Berg, wat ook ‘n kranige violis is.

Die dirigent, dr. Paul Loeb von Zuilenburg, vertel van die drie Suid-Afrikaanse stadsorkeste se planne vir 2023.

Terrance April gesels met twee van die akteurs wat te sien in Buddy, The Buddy Holly Story, Keaton Ditchfield en Gerhard van Rooyen.

Christelle Webb-Joubert gesels met die sopraan, Brittany Smith, wat eersdaags te sien is in die opera, Die Pêrelvissers.

Danielle Retief en Rowlen von Gericke vertel van die toneelstuk, Cat & Monkey, waarin hulle te sien is.

Terrance April gesels met Pieter-Dirk Uys oor sy vertoning, Echo of Noise, by die Pieter Toerienteater in Johannesburg.

Die Classics for All-fees in Greyton en Genadendal vind vanjaar vir die 19e keer plaas. Feesdirekteur Coenie Visser gesels oor van die hoogtepunte.

Herman Lategan se boek, HOERKIND, is verwerk vir die verhoog. Vervaardiger Margit Meyer-Rodenbeck vertel wat gehore kan verwag.

Anne-Ghrett Erasmus Coetzee van die Breytenbachgalery in Wellington gesels oor die uitstalling, LANDSKEP. Sy vertel ook van die uitstalling, MERKWAARDIG, wat te sien id by vanjaar se Suidoosterfees.

Terrance April gesels met die akteur Hamilton Dlamini oor William Kentridge se nuwe produksie, THE HEAD AND THE LOAD.

Die kurator van die Rust-en-Vrede Galery in Durbanville vertel van die drie solo-uitstallings wat tans daar te sien is.

Terrance April gesels met die horingspeler Shannon Thebus. Hy is hoofhoringspeler van die Kaapstad Filharmoniese Orkes.

Kollegas, medemusikante en vriende bring hulde aan pianis Anneke Lamont, wat op 9 April oorlede is.

Dirk Badenhorst van Mzansi Ballet vertel van hulle nuwe ballet, Golden Rhino, wat van 26 tot 30 April te sien is by die Staatsteater van Pretoria.

Christelle Webb-Joubert besoek een van die galerye in Parys, en gesels met die eienaar en kunstenaar Riaan van den Berg.