RSG Kuns

Esther Nasser het vanjaar afgetree by Joburg Ballet. Terrance April gesels met haar oor haar loopbaan, en passie vir dans.

Uit die argief - Die komponis Stefans Grovè het in 1992, 70 geword. Joubero Malherbe gesels met hom in die program Musiekposbus, oor sy lewe en loopbaan. Sy speel ook van sy komposisies voor.

Die kunsjoernalis en -resensent, Thys Odendaal is op 14 Desember oorlede. Kobus Burger, RSG se programbestuurder bring hulde aan Thys, wat ‘n groot mentor vir hom was.

Frans Swart, feesdirekteur van die Oppiwater kunstefees vertel vir Christelle Webb-Joubert van die meer as 30 produksies te sien by 2024 se fees.

Uit die argief kan jy luister na twee onderhoude met die ballerina Phyllis Spira. Sy gesels oor haar loopbaan en daar word met haar gesels op die aand waarop sy vir die laaste keer gedans het. Hullary Reynolds van die SAUK se Engelse diens is die onderhoudvoerder.

Die SAUK beskik oor ‘n versameling harpe. Terrance April gaan loer in by Suzette Lombard van die Musiekbiblioteek.

A Marry Little Christmas deur Greg Homan is ‘n lekker-lag klug. Ilse Klink en Kim Cloete vertel wat gehore kan verwag.

Mia Louw gee ‘n voorsmaak van wat verwag kan word by 2024 se Cape Town Art Fair. Lizelle de Bruin gesels met haar.

Kaapstad Stadsballet bied die gewilde kersverhaal, A Christmas Carol aan. Terrance April gesels met Robyn Taylor, die uitvoerende bestuurder. 

Jonathan Roxmouth vertel vir Christelle Webb-Joubert van die produksie, Swingle Bells.

Die aktrise Petru Wessels het op 26 November haar 81ste verjaarsdag gevier. Sy gesels oor waar sy groot geword het, haar loopbaan, ma-wees en huwelik met die akteur Carel Trichardt.

Die Proscenium drama kompetisie is ‘n nuwe kompetisie vir Hoërskool leerders. Karen Meiring vertel meer.

Richard Cock vertel vir Christelle Webb-Joubert van die opkomende kerskonserte waarby hy betrokke is.

Koos Bronkhorst, Anton Gericke en Deon Theron skilder nie net voltyds nie, maar is ook musikant in eie reg. Christelle Webb-Joubert gesels met hulle oor hul uitstalling, Brushstrokes in Symphony.

Terrance April besoek Joburg Ballet en vind meer uit oor hulle opkomende produksie van Die Neutekraker. Hy gesels met die regisseur en choreograaf Angela Malan, en een van die dansers Alice le Roux.

Maria Callas sou vanjaar ‘n 100 geword het. Daar word hulde aan haar gebring met die produksie 1, 2, 3 Avanti! Cantaremos!

Gerhard van Rooyen vertel van sy studies wat hy verlede jaar voltooi het by LAMTA. Hy gesels ook oor die twee produksies waarin hy eersdaags te sien is.

Terrance April gesels met Gideon Lombard oor die veelbekroonde dansdrama, Karatara.

Kunstenaar Annelise Vorster-Meyer vertel van hulle huis op Loxton, waar sy ook haar galery bedryf. Sy vertel dat sy steeds skilder, in weerwil van swak sig.

Uit hoeveel lede bestaan ‘n kamerkoor? Dirigent Saritha Hauptfleisch van die Palissander Kamerkoor beantwoord die vraag. Sy vertel ook van hulle reis na Portugal, en hoe dit hulle huidige konsert geïnspireer het.

Terrance April was by die jaarlikse pantomime by die Joburg Theatre, en het met twee van die akteurs, David Johnson en Inge Breytenbach, gesels.

Kunstenaar Hanneke Benade gesels oor haar uitstalling, Sense of Place. Vir die eerste keer plaas sy haar figure binne ‘n landskap.

Caleb Swanepoel het in 2015 sy een been verloor in ‘n haaiaanval. Hy is tans te sien in Shakespeare se A midsummer night’s dream. Hy vertolk die rol van Puck, en hy doen dit sonder sy prostese of krukke.

Kunstenaar Willie van Rensburg vertel van sy uitstalling, Ceramics.

Pianis Rocco de Villiers en kitaarspeler James Grace verskil soos dag en nag. Rocco vertel hoe hulle saam op die verhoog beland het.