Ritter und Pirate

Dr Schüber het ume e wahnsinnigi Wuche hinger sech. Ds Nachtschattegwächs het sech chli ufem sogenannte Bödeli umetribe (me seit ja dem schliesslech nid Interlake am ganze sondern ebe Bödeli oder süsch si die vo derte wieder hässig...). Dr Nick isch hingege ir grosse Stadt der Städte gsi - i üsere wünderschöne Houptstadt Bärn. Eh ja losit säuber!

Dr Schübi u dr Nick si für die Foug live i Waud. S isch haut würk brätschheiss u der See aus Alternative isch haut für üs mönscheschüchi Wäsä nid gd z geube vom Ei oder...Nei Spass beiseite. Dr Schübi isch när chli hässig gsi, wöu dr Nick eifach aus Pfadfinder wär verhungeret u mer zersch e haub Stund si umetschirget, bis mer de du das Bänkli hei gfunde. Gniesset e witeri super Foug dismau mit Müg...

Dr Schüber isch gd vou ider Prüefigsphase u der Nick oh. Natürlech schiteret üsi Podcast-Streak nid da dranne. Oh disi Wuche berisle mir eui ohreschmauzige Ohre mit üsne wunderbare Stimme. Übrigens: dr Schübi het de vorhär ize extra no gluegt, dass er z richtige Mikrofon usgwäut het. Hets aber de när fautsch usegspicheret u ner heimer nomau dänkt, dass mer ize scho die sechsti Foug ufnähmä...Es is...

Ja Schübi!! Ig ha der doch gseit du seusch z Mikrofon guet isteue! Nei gäu Spass beiseite. Ize heimer haut zersch e chli ohni euch gliiret. Isch ja o mau schön gäu -  eifach sones Gspräch zwüsche zwöi Kollege amne Pfingstmänti. Viu Spass bir zwöite offizielle und vierte inoffizielle Foug!

Das isch üse Pilot u dir müesset säuber bestimme öbder i üses Flugzüg weit istige. Mir grife Theme uf wo die autägleche Schwizer:inne chöi mitgah! Ja es isch fang no chli es gschnurr gäu aber es isch no ke Meischter vom Himu gheit. Ussert der Schübi. Aber vilech gseht er o nume so us.