Ritter und Pirate

Herzlech wiukomme zur Jubiläumfoug! Die Foug wieder mau e Fernufnahm. Dr Schübi ds Gräche und dr Nick amne Geburifeschtli.

Merry PostChristmas. Auso nid wägä der Poscht sondern wegem nächhär. Auso quasi nach der Wiehnachte. Ja mir si ir Autjahrswuche mini liebe RiPs! Mir wünsche euch e guete Rutsch und viu Spass mit der letschte Foug vo dem Jahr :)

Vom Trotti zum Twerke. Ja kennet der no d Coca Cola Life oder z Rivella Gäub? Ja mir wüsse ebe o nümm gnau wies schmöckt aber z Coca Cola Life würd me aube schomau no gärn ume eis usprobiere…nid?

Wiehnachtsstimmig im Hause Schübi u Nicku. Ja vo de Güetzi här si sech di zwe Birene ebe nid so einig. Gschmack isch sehr öppis Indiviuduells. Fasch so individuell wie dr YouTube-Feed. Heit der das aube oh, dass nech so komischi Videos vorgschlage wärde, wo der nech fraget: "Hä wieso weiss YouTube das ig mir das scho immer ha überleit?"

D Location isch e anderi – d Stimme si die gliche. Ja natürlech, isch ja schliesslech o üse Podcast oder. Dr Nick isch hüt mau bim Schüber ir Residenz. Der Adler ist gelandet so ds sägä. 

Chräie si schlau. Chräie si eifach o verdammt huere gführchig. Die mit ihrne länge huere schnäblä. Ja die cheibe griffe mengisch o eifach wiudfremdi lüt ah!

Schüber u Nick heis eifach nid vor em Donnschti gschafft. Aber hie simer. D Foug steit. Ja die steit fasch so guet wie d Freiheitsstatue vo de Franzose. Ja der Samichlous het sicher o e guete Stand. De chasch zimli sicher nid eifach so ummüpfe. Weisch wär o no e guete Stand het? Die Adlige u die Geistliche im Mittualter.

Dr Nick isch recht viu zspät gsi. Auso nid so 10 minüteli. Nei 2 Stund zspät! Dr Schübi het aber gwartet - lieb wiener isch. U wege dem gniesset ize die nöii Foug!

Zum Glück gits i üsne Breitegrade nid so viu gfährlechi Tier chani euch sege. Schübi chunnt mit News und Fakte über üsi Tierweut, während der Nick euch e chli d Schachweut nächerbringt. Aber achtung! nid so wie der denket.

Immer die kapitalischte. Gäut über aues. Lieber aui enang chli gärn ha u enang chli heufe! Aber gäu i dere Utopie lebe höchstens dr Schübi u dr Nick.

Jubiläum! Chlepfmoscht für uf eui Ohre sit 20 Fouge. Und es wärde nümme weniger chani euch säge. Konstantheit bis zum abwinke. We die Beschriebige irgendöpper liest chöit der das mau mäude? Süsch chlepfi eifach so Lorem Ipsum dolor züg ine.

Bienli die Soucheibe im Summer u Winter am warme. Das wär schön he! Aber was hettnis zrügg? Ja natürlech dr Schnee - Auso natürlech üs hetts zrügg oder hesch schomau es Bienli mit Ski gseh?

Dr Schübi u der Nick hei Ideene. Ach wie schön isch d Chindheit gsi. Was isch zum Bispiu der Lieblingsdino vom Schüber? Öppe der Stegosaurus oder doch eher dr klassisch T-Rex?!

Wer ist voll und ist in Thun? Ja natürlech dr Thunersee! U ja mir gebes zue mir o am Fulehung.

Hallo liebi Rip's, RiPi's oder wie o immer. Mir heis härä bracht e witeri Foug ufznä für eui Ohre z beglücke. Haut am Mittwuch aber besser spät aus nie würd iz ds Stüürbüro sege.

Ungloublech di zwe Plegere. Dr eint im Militär dr anger im skandinavische Norde. Nei Eigelob stinkt aber mengisch stinke haut d Socke meh. Viu Spass!

I dere Foug düe näme mir d Entscheidigsfröidigkeit unger d Lupe...Söui äch ds so schribe, brucht ds äch no chli me Text? So isch das guet...jää weiss nid losit säuber. Nei klar isch das guet u klar macht das Spass.

I dere Foug rede mir vo ungloubleche Gschäftsideene, mache e churze Abstächer zu de Stächer im Nachbarland und bespreche, wi lang das me muess grüble bis me z Bett verschiebt.

Dr Schübi u dr Nick si wieder vereint! Nach drü Wuche off-Mic Pouse hei sech die zwe Pleger ume igfunde für eui Ohre mit üsne Stimme z umgarne. Was i üsne Ferie so isch passiert und was vo üsne Vorhersage würklech isch itroffe ghöret dir i dere no warme Foug. Viu Spass!

Üsi Streak isch broche. Nid wöu dr Podcast öppe nid ufgno wär gsi, oh nid wöu irgendwie bim uploade öppis nid hätt gklappet - nei. Dr Nick hets eifach vergässä gäuit. Schwamm drüber ize isch dr Podcast haut 24h zspät dobe. Dr Inhaut isch drfür umso besser!

Dr Schübi isch grad am Flughafe z Kreta. Auso ize grad - i däm Momänt. Am warte uf si Flüger. Nicku isch grad ab uf Frankrich i die atlantische Wäue. Ab ids Wasser, Sauz u Sunne. Ume e feriebedingt churzi Foug – aber Foug isch Foug!

Dr Schübi geit ab. Ab auf die Insel. Dr Nick blibt ufem feschte Land aber ebe o nid i däm Land wo er süsch aube aztreffe isch. U wägä däm düe mir tapfere Buebe hie für euch, liebi Ritterinne und Piratinne, liebi Ritter und Pirate, vorproduziere! Ja mir palafere zwar hüt chli chürzer aus normau aber drfür starch wines churzes Espresso. Oder seit meh däm när nöime Ristretto...

Dr Aarepirat Schübi - dä Siech cha öppis. Dä kennt d Aare wie sini lingi Hosetäsche! Ja vilech o di Rächti...Wär weiss scho, weli Hosetäsche me besser kennt. Am Wuchenend isch dr Nick ufem Gurte gsi u het üs dert e prominenti Bekanntschaft ganglet. Dr Schübi isch freiwiuig ga bügle. U nid mau Trinkgäut hets gä für dä arm Tropf!!!

Es isch z verflixte Sibte! Auso z verflixte sibte Föugeli. Aber natürlech nid verflixt imne schlechte Kontext sondern eifach verflixt guet. Eifach super. Das macht Spass. Dr Schüber u dr Nick si nämlech zeme ga schütele und hei o süsch wider ganz viu spannendi Sache dörfe erläbe die Wuche.

Dr Schübi het ebe hüt sone Lehreralass u wägä däm düe mir gad fern-ufnä! Z hütige Zytauter machts müglech! Da gad online u so gäu. Dr Nick isch am gliche Ufnahmeort wi ging u mir hei zersch no chli müeh gha mit der Verzögerig aber mir Techni(c)kfüchs hei das natürlech problemlos gmeisteret...