Radiomi aallakaatitassiat, KNR

Nigaliliami naneruutit aappaa ikipparput. Ukiup taarsinerpaaffiani qaamaqqutit ikiterneqartarnerisa ileqqullu pingaarutaat pillugit Niina Isaksen peqatigalugu aallakaatitaq. Aaqqissuisoq Frederik Lund.

Atuagaq nutaaq taaguutilik Uangaana timiga novembarip naajartuaarnerani saqqummerpoq, tassani nammineq piumassuserinngisamik spiralilersuinermi eqqugaasut qulit misigisaminnik oqaluttuaat atuarneqarsinnaapput. Atuakkiortua oqaloqatigaarput. Ilisimatitsissutigissavarput aallakaatitassiaq sakkortusinnaammat. Aallakaatitassiortoq: Aminnguaq Dahl Petrussen

Ukiut 30-it matuma siorna ikinngutigiilluartut puigunaatsumik juullisioqatigiipput. Taamani aqqusaakkat pillattaarnertaqarlutillu annakannajaarnertaqartaraluartut ullumikkut qungujulluni kingumut eqqaasassaapput. Aallakaatitassiortoq: Aminnguaq Dahl Petrussen.

''Piareersarluarnissaq pingaaruteqarpoq'' Ilulissani najugaqarsimasoq maannakkullu nunatta avataani Portugalimi najugalik Nikoline Berthelsen uani aallakaatitassiami apersorneqarpoq, ilaatigut namminersortuusimaneranik maannakkullu nunagilersimasamini ulluinnarni pisartunit oqaloqatigineqarluni. Aallakaatitassiortoq: Pilunnguaq Jørgensen

DNA atorlugu paasisaqarpunga Meeraanerminiit utoqqarni peroriartortoq, ukiullu ingerlanerani ataatavini paasiniarlugu DNA atorlugu misissuisimasoq Regine N. Bidstrup uani aallakaatitassiami aqqutigisaanik oqaluttuartinneqarpoq. Aallakaatitassiortoq: Pilunnguaq Jørgensen.

Olinnguaq pinerrarissorsuuvoq, maannamut suli qamutit aamma qajaq ingerlatigalugit piniarneq ingerlattarlugu. Olinnguup oqaluasaarnermini ilaatigut Qaanaamut qimussimik unammersuariarlutik isorartuumik ingerlaartarnertik oqaluttuarissavaa. Aallakaatitassiortoq: Daana R. Geisler

Ulluni makkunani ilinniartut imminnut assilillutik qalipaasut, paasisaqarfigissavagut ilinniarnermi suut sammisarneraat. Aallakaatitassiortoq: Daana R. Geisler

1. december album-imik saqqummersitsinissani sioqqullugu single-mi saqqummersitsoq Nikku Brandt nipilersornerup silarsua aallaavigalugu oqaloqatigineqaarput. Aallakaatitamik suliarinnittoq Arqaluk Brandt Johansen

Nipilersukkat nuannarisagut kinaassutsitsinnut ilisarnaataalluartuusinnaapput. Simigaq Heilmann ilisarinerulaarumallugu appillattaaqatigaarput, tusakkagullu sammilaartarlugit. Aallakaatitamik suliarinnittoq Arqaluk Brandt Johansen.

Inuusuttoq aalisarnermik inuussutissarsiuteqartoq, nunatta oqaluttuarisaanerani nipilersukkanik rap-nik erinarsornertalinnik kisimiilluni, allanillu suleqateqarluni saqqummersitsiualersoq Jens Kleist oqaloqatigaarput. Aallakaatitassiamik suliarinnittoq Arqaluk Brandt Johansen

"Inulerineq uummateqarfigivara allanngueqataarusukkama" Oline Knundsen, sundhedsassitentitut ilinniarsimasoq. Sullissinermi sullitaq qitiutillugu sullissinermik pingaartitsisoq ilisaritillugu. Aallakaatitassiortoq: Daana R. Geisler

Lisa Ivalu Lind, Nunatsinni nakorsaaneqarfimmi peqqissutsimut siunnersorti peqatigalugu aallakaatitsivimmi eqqartussavarput D-vitamiini qanoq timitsinni pisarneripput, timitsinni tapitartuutaalluni qanoq iluaqutaanersoq aamma timitsinni amingaatigileraangatsigu qanoq sunniuteqarnerluttarnersoq. Aallakaatitassiortoq: Daana R. Geisler

Nunap ilaani ineriartorfioqisumi, mittarfissuaqarfiulersumi, umiarsuarsuarsuaqarfiulersumi,  illorsuarnik portoqisunik sanaartorfiulersumi, biilerpassuaqarfiulersumilu qatserisartut portørillu atugaat qanormita ippat? Kingunerlutsitsisinnaanermut tunngatillugu qanoq illersorneqarpat?  Qatserisartunik portørinillu peqateqarluta sammissavagut.   Aallakaatitassiortoq: Jørgen M. Benjaminsen.

Nipilersornerup silarsuanit - Hartmann Heilmann Qulaajagaapput suut tamarmik tassani isertorfeqaratik, sooq inuuneq misigitippiuk uanga asallunga. Taama Hartman Heilmannip singletut saqqummersitani Sinnattut Nunaat oqaasertalerpaa. Saqqummersitsoq nipilersortartutut immiussisartutullu ingerlataqarnera pillugu oqaloqatigaarput. Aallakaatitamik suliarinnittoq Arqaluk Brandt Johansen

Nipilersukkat kinaassuserlu – Aqqa Peter Lyberth Nipilersukkat nuannarisavut kinaassutsitsinnut ilisarnaataalluartuusinnaapput. Aqqa Peter Lyberth ilisarinerulaarumallugu appillattaaqatigaarput, tusakkavullu sammilaartarlugit. Aallakaatitassiortoq: Arqaluk Brandt Johansen.

Arsartartoq nunanullu allanut unammisartuni unammeqataasartoq Gerdaaraq Ingemann Geisler qulequttat tallimat aallaavigalugit kingumut qiviartilaartarlugu ilisaritipparput, ilaatigut aamma ulluinnarni ingerlatai pillugit oqaluttuartillugu. Aallakaatitassiortoq: Pilunnguaq Jørgensen

Nunarsuarmi pissutsit allanngoriartupiloorput! USA-p, Kinap Ruslandillu anneruniunnerat Issittumi malunnarpoq. Naalagaaffissuit pissaaneqarniunneranni nunarput kiffaanngissuseqarnerorusuleraluttuinnarpoq. Nammineq oqartussaassuseqarniarnerup nunallu pissaanilissuit akornanni oqimaaqatigiisitsiniarneq imaannanngitsoq aamma Kalaallit Nunaata siunissami sunik sorsuuteqassanera pillugu Sara Olsvigip a...

Inoqarfiusarsimasut avannaarsuanilu itsarsuarnisat Avanersuarmi qeqertat Kitsissut qangarsuaq inuit najortarsimavaat, arferillu saarngi atorlugit illuliortarsimallutik, aamma ukiut 418 mio-it matuma siorna Nunatta avannaarpiarsua ækvatorip nalaaniissimavoq, uumasullu ujarannguunikut nassaarineqarsimallutik, tamakku itsarnisarsiuup Hans Langep angallavigisimavai. Aallakaatitassiortoq: Maliinannguaq...

Assassornermik nuannarisalik, pinngortitamiinnermillu nuannarisalik Qeqertarsuarmiu Andrea Brandt Olsen ilisaritipparput ilaatigut ilaqutariittut pingaartitaat, assassornermillu nuannarisaqarnera ilaatigut tusarfigissallutigu. Aallakaatitassiortoq Pilunnguaq Jørgensen

Inuit arnartaasa ataatsimeersuarnerat siullerpaaq oktobarip 27-aniit 29-at ilanngullugu  Sisimiuni ingerlanneqarmat qaaqqusatut peqataasut ilaat Danmarikimi najugalik Henriette Berthelsen naapitani misigisanilu pillugit oqaluttuarpoq.  Aallakaatitassiortoq: Salomine Tobiassen.

Naussunnguaq Lyberth Nuummi angelerlarsimaffianut pulaarlugu ilinniarnermini sulisarnermini, ulluinnarnilu soqutigisai pillugit tusagaqassaagut. Kiisalu inuk qitiutillugu, pingaartitallu aallavigalugit nuannarisanik pisatsersorlunilu qalipaatinik atuisinnaaneq sammilaassavarput. Aallakaatitassiortoq: Daana R. Geisler

Nuummiu Anda Kaali Egede piniartukkormiunit kingoqqilluni angajuni malillugit aalisartutut qaffakkiartorsimasoq ilisaritillugu aallakaatitassiat pingasuusut naanerat. /Peter Frederik Rosing

Nuummiu Anda Kaali Egede piniartukkormiunit kingoqqilluni angajuni malillugit aalisartutut qaffakkiartorsimasoq ilisaritillugu aallakaatitassiat pingasut aappaat. /Peter Frederik Rosing