Radiomi aallakaatitassiat, KNR

Aallakaatitami Sten Egede Hegelund Qaqortumi efterfskolernilersaartillugulu, Sisimiut amutsivianni ilinniaratuunilersaartissavarput allaaluillu pillugit oqaloqatigalugu. Aaqqissuisoq: Jørgen M. Benjaminsen.

Martsip ulluisa 24-anni Folketingimut qinersinissamut atatillugu TV-ip immiussisarfiani immikkut sammisaqarluni oqallinneq. Oqallinnermi aqutsisoq: Frederik Lund.

1962-mi Tasiilami inuusoq ukiut 30 sinnilerpai Qaqortoq tikikkamiulli nunagilersimallugulu. Sapannganik nuisinissamik iminneqartarpoq aappanilu angallatiminnik ukioq naallugu angalasinnaasarlutik. Lisbeth Bianco Qaqortumi angerlarsimaffianut pulaarlugu oqaloqatigaarput. Aallakaatitassiortoq: Sika Frederiksen.

Martsip ulluisa 24-anni Folketingimut qinersinissamut atatillugu immikkut sammisaqarluni Ilimmarfimmi oqallinneq. Oqallinnermi aqutsisut: Katrina Lindberg Boassen aamma Thora Monrad Hansen.

Marsip 24-ani Folketingimi nunarput sinnerlugu ilaasortanngortussanik qinersissaagut. Aallakaatitami uani partiit Folketingimi qinigaatitaqassagunik Folketingimi sulilerunik suut pingaanerpaatut anguniassaneraat aperineqarput. Aaqqissuisoq Frederik Lund.

Sinnattut sinnattunilu peerutereersunik naapitsisarnerit ilisimatusaatigineqarsimapput, tamakkulu pillugit allaaserisat oqaluttuallu aallakaatitami tusarnaarneqarsinnaapput. Aallakaatitassiortoq Maliinannguaq Marcussen-Mølgaard

Katti Frederichsenip Alaskap illoqarfiani avannarpasissumi naggueqatigut tikeraarpai, tikeraarnerani ilisimassutsikkut anersaakkullu pajugutaasut pillugit oqaluttuartipparput. Aallakaatitassiortoq: Andrea Christiansen.

Filmi piviusulersaarusiaq Our flag/ Erfalasorput, Johannes Ujo Müller-imit ilitsersorneqarlunilu filmiliarineqartoq New York-imi Oniros Films Awards ingerlanneqarmat nersornaaserneqarluarpoq. Filmiliortoq Ujo aamma Kattuffik Erfalasorput siulittaasua Kâlêraq Bech peqatigalugit piviusulersaarusiap pilersinneqarnera, siunertaa aamma nunarsuup sinneranut angallanneqarnera pillugu tusagaqassaagut. Aal...

Kivitsisa nuna tamakkerlugu meeqqat atuarfiini ilinniartitsinerup pitsanngorsarnissaanik aamma qaffassarnissaanik suleqatigiiffiuvoq. Kommunit tamarmik aamma Ilinniarfissuup kiisalu Ilinniartitaanermut aqutsisoqarfiup suleqatigiinnerisut ingerlanneqartoq. Kivitsisami siulersuisut siulittaasuat Nivikka Rosing peqatigalugu Kivitsisap killiffia aamma suliniutaasut killiffissiorpagut. Aallakaatitassio...

Kalaallit Danmarkimi najugaqartut pisinnaatitaaffiisa atuutsinneqarnissaat sulissutiginiarlugit peqatigiiffik Sila 360 pilersinneqarpoq. Sullissinissaat pillugu siulittaasuat pulaarsarneqarpoq. Aallakaatitassiortoq: Andrea Christiansen.

Nipilersukkat nuannarisavut kinaassutsitsinnut ilisarnaataalluartuusinnaapput. Nipilersukkat erinnat tallimat atorlugit peqatigisarput Pilunnguaq Jørgensen ilisarinerulaarumallugu appillattaaqatigaarput, tusakkavullu sammilaartarlugit. Aallakaatitamik suliarinnittoq Arqaluk Brandt Johansen.

Januarip ulluisa 16-nni EP-mik erinnanik tallimanik imalimmik saqqummersitsisut Max 5 Tassa, Hans-Peter N. Bay aamma Freddy Christensen nipilersornerup silarsua aallaavigalugu oqaloqatigaagut. Aallakaatitassiortoq: Arqaluk Brandt Johansen.

Tarnip pissusaanik immikkut ilinniarsimasoq Lone Inuk Borup Bang makittakkanik oqaasertalinnik saqqummersitsisimasoq oqaloqatigaarput, ilinniarsimanera suliaalu sammiutigalugit. Aallakaatitassiortoq Maliinannguaq Marcussen-Mølgaard

Arnannguaq Coachingimik ingerlatsisoq peqatigalugu annilaanganerup qanoq aallartittarnera, annilaangalersimagaannilu killiffik aallaavigalugu imminut qanoq toqqissisarsinnaaneq. Inoqutigiittut eqqartuisinnaaneq aamma inulerinermi sullitanut qanoq toqqussisimatitsinissap anguneqarsinnaanera. Kiisalu inuiaqatigiit akornatsinni pitsaasumik qanoq attaveqaqatigiinnerusinnaanitsinnik iliuusaasinnaasut s...

Atuagaq "Kalaallit Aqqi isumaat tunuliaqutaallu" Oqaasileriffimmit saqqummersinneqartoq sammivarput. Atuakkiortua Nuka Møller peqatigalugu ileqqut, oqaluttuat, inuusaaseq oqaluttuarisaanerlu aallaavigalugit kalaallit aqqinik atsersueriaaserput sammivarput. Aallakaatitassiortoq: Daana R. Geisler.

Paasinngilara qimaannarmanga Killerni inunngortoq Nuummili najugaqalersimasoq Susanne Schmidt 1950-kkut naalernerani anaanami tuberkulosemik napparsimalersimasup peqqissariarluni aallarnera meeqqatut inersimasutullu misigisimasani oqaluttuarai. /Salomine Tobiassen

Misigisat eqqumiitsut Frederik Jensen inuunermini misigisani eqqumiitsut oqaluttuarai. Aaqqissuisoq: Karl Enok Mathiassen.

Misigisat eqqumiitsut. Frederik Jensen nulialu Arnamineq Jensen inuunerminni misigisartakkatik eqqumiitsut pillugit Karl Enok Mathiassenimut oqaluttuartut.

Nammineerluni angalasinnaanngoramili ukiut tamarluinnaasa angalasartoq Ilannguaq Lynge angalasarneranit oqaluttuartinneqarpoq, ilaatigut illoqarfiit tikitani eqqartorlugit nalilertarlugillu oqalorujooqatigineqarluni. Aallakaatitassiortoq: Pilunnguaq Jørgensen.

Timitta pisariaqartitaanik vitamineqarluartunik juiceliortartutut namminersortuusoq Sisimiormiu Victoria Olsen uani aallakaatitassiami oqaloqatigineqarpoq, ilaatigut aallartisarneraniit maannamut ingerlanera sammineqarluni. Aallakaatitassiortoq: Pilunnguaq Jørgensen