吹水奇懸

14歲英國少年John喺後巷被16歲嘅Mark刺傷，生命垂危。Mark話係自己係執行緊特工網友send畀佢嘅任務，所以要謀殺自己個friend。Mark究竟係中二病、精神病定係真有奇事？Wendy為你送上兩個活在網絡世界少年嘅故事，今次最大嘅爆點成功令到Jill O咗嘴。 註：今次冇相睇～不過好歡迎大家去IG share感想。

悉尼華人林家一夜被人殺剩孤女，之後孤女竟然搬咗去同兇手住都唔知！ 因為個兇手係身邊嘅親人⋯⋯啲動機仲要好衰格

溫馨公告： 今次Wendy改咗地方錄音，好大回音，下次唔敢啦⋯呢次大家張就吓！ 下個星期停更一次，多謝體諒 呢個星期Wendy再同大家挑戰戰鬥民族嘅故事。呢位Andrei Chikatilo由細到大都「軟淋淋」，唯有將性愛同殺人快感連繫埋一齊。直到畀人拉咗仲扮精神有問題⋯佢真係當大家係傻嘅⋯ 感謝聽眾pandory嘅提案。 長長的死者名單： Yelena Zakotnova (9/F), Larisa Tkachenko (17/F), Lyubov Biryuk (13/F), Lyubov Volobuyeva (14/F), O...

終於出喇！今次案情簡單直接，但令人憾嘆...大家對小朋友好啲啦！ 感謝聽眾K提案！

個性內向、患有重度抑鬱症嘅波蘭女大學生Katarzyna Zowada失踪兩個月，結果只係搵返塊皮同一隻右腿。兇手似乎係想自製人皮連體衣嚟著。由於線索實在太少，件案十九年都冇乜進展，中間到底有啲乜嘢嫌疑人？最後拉到嘅Robert Janczewski又係何方神聖？ 溫馨小提示：今集提及嘅人皮連體衣同埋人皮面堅尼都係有相嘅，但係為免嚇親大家（同埋避免畀人block），呢啲咁震撼嘅相就唔up上ig/fb/mewe嘞。大家自己搵嚟睇啦，真係搵唔到都可以D...

今集講吓日本又一神隱失蹤案 4歲嘅伸矢仔仔慘豬失蹤，廿幾年都無消息⋯⋯ 一個尋人節目為佢哋帶嚟希望！令網民食盡花生

美國德州失踪嘅13歲Nicholas Barclay三年後無啦啦出現喺西班牙，最後發現呢個Nicholas竟然係23歲嘅法國人Frédéric Bourdin? 到底呢位扮過超過500個身份嘅冒充者係乜嘢料？ Wendy同你講講呢位會變色嘅逃學威龍案件。謝謝聽眾Ruby提供案件。 Frédéric Bourdin自己嘅youtube channel: https://www.youtube.com/c/FredericBourdinfrancparler666/featured

遲來嘅一集，要大家久等喇！ 今集係內地嘅冷血麻木Poker Face連環殺手。 作案14年殘害咗11個女仔，最終靠DNA捉到兇手！ 感謝聽眾Esther提供個案！

為人十分迷信嘅意大利媽媽，為咗個仔嘅安全諗住搵活人祭獻整茶餅同番梘。無辜嘅受害者同唔小心食咗/用咗佢啲製成品嘅街坊真係多得佢唔少。仔仔究竟知唔知情呢？Wendy呢個星期講一個唔暴力但頗血腥嘅意大利case。

Jill終於忍唔住要講吓呢單十分出名嘅懸案！ 去廁所時見到廁所窿入面有人，都咪話唔驚⋯⋯ 而且仲赤祼上身，抱住啲衫嘅屍體⋯⋯搞咩啊？ 呢單Case，除咗廁所味濃，懸疑味亦都好強烈！

美國夫婦Kristine & Michael Barnett領養咗侏儒症小女孩Natalia，結果發現佢唔單止有可能成咗年，仲成日想殺晒佢哋全家。於是舉家搬屋留低「成年人」Natalia。Natalia堅持自己想當年係純過蒸餾水嘅小朋友。Wendy同你講吓呢單口同鼻拗嘅奇案。 感謝Nicky嘅提案。 (話說，Wendy仲以為個故事好簡單會好短，點知吹吹吓都過40分鐘⋯）

今次Jill都唔知呢單算唔算懸案⋯⋯ 五個小孩喺家中先後被殺 疑兇係父母？但又留下一大堆疑點⋯⋯最後竟然係結咗案！ 大家覺得呢？ 感謝聽眾Jeany提供個案！

九位蘇聯登山者一齊去死亡之山滑雪，發生咗啲乜嘢緊急嘅事，令到佢哋分開咗喺三個唔同嘅地方死去，有啲仲有神秘嘅內傷，啲衫仲有幅射？Wendy所講嘅理論，Jill同聽緊嘅你又最認同邊一個？歡迎dm我哋分享吓。 小隊名單：領隊 Igor Dyatlov；男一 Yuri Doroshenko；男二  Yuri Krivonischenko；女一 Zinaida Kolmogorova；男三 Rustem Slobodin；男四 Aleksander Kolevatov；女二 Lyudmila Dubinina；男五 Semyon Zolotaryov；男...

又會咁啱嘅！第28集，Jill會講加洲Keddie Resort 28號木屋嘅案件。 件案最神奇嘅地方係睡房內三個完全無事，又好似唔記得發生過咩事嘅小朋友。 究竟點解？？大家都可以學Wendy咁無責任斷估一下XD 感謝聽眾WD提供今次嘅Case！

[牛年快樂～] Wendy送上一個11歲嘅小女孩嘅殺手故事。小女孩喺自己生日前夕摙死咗另一個小朋友。仲好似食過番尋味，過咗幾星期又殺咗另一個小朋友。身邊嘅朋友仔又同佢一齊癲。大家記住對小朋友好啲，多啲關心、多啲愛！ 感謝Vivian提議呢個case~

聽日年初一，預祝大家新年快樂～不過Jill都係要講啲命案嘅，大吉大利XD 第一次講香港嘅Case，比較長氣～ 後面仲有Jill同Wendy對情侶們嘅「忠告」？ 「感情問題一律建議分手」 講吓啫～放手同分手係有分別嘅！ 預祝埋大家情人節快樂

一個又一個少女喺自己屋企前院平空消失，時間不停流逝，正當大家以為兇手永遠逍遙法外嘅時候，兇手選擇咗堅強少女Kara Robinson做佢下一個目標，令到大家終於揭開兇手Richard Evonitz嘅真面目。除咗係粉皮嘅兇案，更加係倖存者Kara嘅勇敢故事。呢次Wendy為你送上（由Kara度借返嚟嘅）正能量。

今集由Jill講講一個自戀又自以為救世主嘅殺人犯。 明明出生正正路路，飽讀聖賢書又愛寫Proposal，點解會去到要Propose殺晒啲智障人？ 人生的意義係需要慢慢參透嘅！大家要尊重每一個生命呀～ 感謝聽眾Glo提供案件！

有人為咗心靈修練回歸大自然，亦有人聞到錢嘅味道帶埋男寵搬去小島上面。成個島得九個島民，現實係咪真係好似玩動物森友會咁friendly，成日有禮物收？大家相處嘅細節充滿爆點，雖然件案本身唔太爆，但我哋呢集錄得好歡樂。Wendy今次帶大家親親大自然。

Jill轉Channel講鬼故？兩個少女膽粗粗，夜媽媽去靈異地點試膽，結果被神隱？ Wendy先至唔信呢～XD 最強嘅鬼，其實存在喺人心裡面 多謝聽眾朋友Bo嘅介紹～

兩歲小朋友James Bulger喺商場走失，CCTV見到佢跟咗兩個𡃁仔走，最後曝屍喺火車軌上。點解有勁多大人見到兩個𡃁仔拖走個小朋友都冇人伸出援手？Wendy同大家講吓英國20世紀最年輕嘅殺人拍檔Robert Thompson同Jon Venables嘅故事。感謝聽眾yannihoho喺IG提議呢個case。

為咗要錢去買名牌，你可以去到幾盡？ Jill為你介紹傳說中擁有嚴重反社會人格嘅韓國靚女嚴仁淑，佢殺人放火咩都做齊，仲要唔親嘅都唔落手！ 梗係啦，如果唔係點呃保險呀？

一個壞咗嘅男人，以為自己好醒，其實蠢過豬頭炳。到底點解本來幸福滿點嘅佢要殺咗自己大緊肚嘅老婆同兩個女？今集Wendy同你講講渣男Chris Watts嘅故事。我哋喺度祝大家聖誕快樂！

咁令人憤慨、不安、痛苦嘅案件，真係不能只有我聽到！ 4個未成年嘅不良少年，竟然可以無端端困住個少女，做出超唔人道嘅虐待，令佢慘死⋯⋯ Jill決定要將咁痛苦嘅事情分享開去。各位少女要識得保護自己呀！

sad爆童年, 搞到靚女往歧途墮落, 從此一去不復返。結果人到中年為咗養起真愛, 壓力爆煲為錢殺男人? 今集Wendy送上資料爆多所以勁長嘅一集。大家記住去IG/FB講畀我哋聽你嘅感想呀~